ISAIAH 25:8 - Sumi Naga CL (Re-edited) Bible (BSI)

⁸ Pa no alhokupuju ghenguno akithi munove nani; Ampeu Alhou no kümtsü nhethi lono anhezü isüvetsü nani, eno Paw timiqo kukujopu Pa no ayeghi lono ikhivetsü nani, kughengu Ampeu no pivae.

BAIBEL (BSI)

⁸ AMPEU Alhou no alhokupuju ghenguno akithi kutsavetsu nani! Pano timi kumtsu nhethi lono anhezu isuvetsu nani eno pawu timiqono ayeghiqha zulo kujo muzakepushi imeachekeu ikhipe wuvetsu nani. AMPEU ampino pi ani!

ISAIAH 25:8 Referans Kwoze

Piyeküsü 21:4

Pa no panongu nhethi lono anhezü kümtsü isüvetsü nani, tile ye akithi ke kumono akumlo, aküqa, eno aghimeu ghi kühave niae, kughengu püzüu thime thaqhü ye wovae.”

Piyeküsü 7:17

Kughengu kükalakhü mta lo Ambeti huno pano kheu shino panoqo sasü aküxüpu züpuki lo tucho sawu nani, eno Alhou no pano nhethi lono anhezü isüvetsü nani.”

1 Kor. 15:54

Kughou tsümave kepu phimpi no tsümamoni keu pepuve, eno thiveni keu phimpi no thimoni keu pepuveni keno, tileno ishi yepüakeu kipitsa shikupu nani: “Tokulu no akithi munovae.”

HOSIYA 13:14

Kithigha küka launo I no panoqo qhüchilelu nani; Akithi lono I no panoqo xachilelu nani. O akithi, ow püsaqo khile ania? O Kithigha, o sahu khile ania? Amlo ighiqhiyi keu ye I nhethe lono küsüvae.

1 Kor. 15:26

Aghümi ashekhau kütsa masakeu ye akithi ke.

Piyeküsü 20:14

Tishino Akithi ngo Kithigha küma ye amiyizü lo vesüve. Amiyizü hipau no akithi akiniu ke.

ISAIAH 35:10

Ampeu no xachile luve kemi no ale phesü Zion lo ideighi nani; pülhapuju lokivi no panongu kütsü qhopu no amlokiqi shi alovi nani; eno küqa kumlo ye hauve nani.

2 Tim. 1:10

eno itehi ye, ni xakuluu Khristo Jisü ipeghikeu vecheo, tihu pephe piye eno tishikeu vecheo akithi küka kishekhave tsüno aküxü ngo thimonikeu küka Atsakiviu vecheo aküvü lo saipeghi tsüke.

ISAIAH 30:26

Itaghi, kughou Ampeu no Paw timi ghime kelono azaku pipekeu khavetsü eno shipivini keno, tipa tsala lono aqhi küvü no khetsünhe küvü toive eno khetsünhe küvü huno ghulo tsüni küvü peküqha keshi ghuthu tsüni piqi alaushi vüqaive nani.

1 Peter 4:14

Khristo je ghenguno nongu shou tichetighe ikughi aye nongu ye akümghapue; kughengu ajuküvü Ghungu eno Alhou Ghungu no nongu shou anike.

ISAIAH 61:7

Nongu kukujo theli lo nongu saje ye kini kishetsü nani; küthakügha theli lo panongu ye pano makho jupe alokivi shi nani; tighenguno pano yeghi lo, panongu saje ye kini kishetsü nani; panongu ye pülhapuju alovi nani.

ISAIAH 54:4

“Msa kevilo, kughengu no ye kujove monani; avehu izü kevilo, kughengu o juaje shipüsamo nani; no ye o lhothe lo akukujo shikeu kümsümave nani, eno nono chimemi shiche kelo o thaigha keu kümsümave nani.

ISAIAH 30:19

Nongu Zionmi, Jerusalem lo küami ye mloqa moae. Nongu no kuchou no Ampeu lau ighamku kelo Pa no küpüqhiyi nani. Pa no ti chilu kemtsa nongu khochile nani.

LESHELE 69:9

Kughengu O ki ghenguno müamzü keu no I pitipüza, O thogha kemiw thokügha no I shou ikughivae.

ISAIAH 65:19

Ni ghi Jerusalem shou alovini eno Iw timiqo shou alokivi shini; khunomu tilehi aküqa momu aghime ghügha chimla nani.

ISAIAH 60:15

Nongu ye peve eno jumithive kemi shi ache, eno khunomu nongu katha moke, ikemu I no nongu shou akükanguagha pukutsü nani, eno tiqheli-tiqheli kupuju alopivitsü nani.

ISAIAH 51:11

Ampeu no xachilelu kemi ye ideighive nani eno Zion lo ale phesü ighi nani; Panongu ye pülhapuju alokivi shiche nani; panongu ye alokiqi eno alokivi ithuluve nani, eno amloküsa ngo amlo ghime ye pano launo wuve nani.

ISAIAH 37:3

Panongu no Isaiah vilo pi, “Hezekiah no ishi piani: ‘Atsala hipau ye aveküsa, tichetighe, akukujo tsalae; atianuli punu niye milepe ngove akemu shoqhilu kepu küka kühavae.

ISAIAH 66:5

Ampeu tsa inilo, nongu Pa tsa sümsa chekemi, “Nongu thiküzümi nongu mithi eno I je ghenguno nongu hapheve kemi no ishi pike, ‘Ampeu juküvü shilo, tishianguno ningu no nongu lokivi jutsüni’; ikemu panoqou no kujove nani.”

Luke 1:25

“Ampeu no timiqo zülono I kukujopu xave tsüniye I shou jupuku no hi mlave tsüae.”

ISAIAH 26:19

Ow timi thive keqo ye pano phimpi no xüthughive nani. Nongu ayeghimkhu lo akeqo, ithu alokivishi ale phelo! Kughengu O tsüzü ye inaqhe tsüzü, tino ayeghi vepüxüpe kithimi lau aküxüpu tsünanie.

ISAIAH 51:7

“Nongu achipiu-mikucho kiu keno ithi akeqo, nongu mlo lo I yezah ache kemi timiqo, I tsa inilo; timi no nongu sakiyini keu msa kevilo, momu panongu no nongu thaigha keu aghüthisü kevilo.

JEREMIYA 31:16

Ampeu no ishi piani: “O küqa ghügha tavelo, eno o nhezü kipiji tavelo, kughengu o kümla jume ani, ipi Ampeu no sheshu, eno panongu ye aghümi yeghi lono ideighi nani.

LESHELE 116:8

Kughengu Nono akithi lono I ngulho xaphe tsüke, I nhethi lono anhezü tavepe, I pukhu küpxalu kepu lono I xalue;