ISAIAH 25:2 - Sumi Naga CL (Re-edited) Bible (BSI)

² Nono aphughi shipüsape atuli kughulhove tsü, aliwo akeu phughi kütsave tsü; inaghami kighiki pühave tsüke; aphughi ye khilemu shiqhekithe moae.

BAIBEL (BSI)

² Nono aphughiqo pesu ixapiniyive tsuke eno tipaqo liwo kuptu kutsa pinyive tsuke. Nighumino aki kuloghi shikeqoye alhokupuju ghenguno hauvae.

ISAIAH 25:2 Referans Kwoze

ISAIAH 17:1

Damascus ghenguno pimhelu keu tsape. Julo, Damascus ye ixapinyive no aphughi ghi kühave nani.

ISAIAH 13:22

Atine ngo tüngtügha no aqoghe eno akighiki lono igha nani; Babylon tüqhüdo ye kupunuvae li tsala ye süpushumo nani.

ISAIAH 25:12

Pa no pano liwo kuchuqu tulape ayeghi lo amkhu shivetsü nani.

Piyeküsü 18:19

Panongu no mloqa keu michishi ayeghimkhu pesü pano kütsü lo vepuku no ighamku, “Oishe, akiqheu mishighüna ghenguno ahaküsapu ghi lae! Li küakini pesü zükilu pighimi no kinimi shilu khaveno li ye asüchedo lakhi lono pükhülevae.

JEREMIYA 51:26

Acheku tuqu eno aboqha tuqu lakhimu o launo lumo nani, eno no ye alholo pighive nani ipi Ampeu no sheshu.

ISAIAH 23:13

Chaldeami yeghi julo! Tile ache keqo ye kühavae; Assyriami no tüghashiqo sala qhive tsüe. Pano qogheki shiqhe keqo ngo kükakiqo Assyriami no pükhülepe ixapinyi qhive tsüe.

ISAIAH 21:9

julo, khurkulu küsami chenie!” Eno pa no pi, “Ikiqivae, Babylon ye ikiqivae; pano lhou julho qhoi aghümi no kuboleve tsüae.”

ISAIAH 14:23

“I no Babylon pesü achequ sala shivetsü nani, eno ayizükucho kughulhove no kütsakungo keu chhophe pesü khule nani,” ipi Aqokitikhi MPEU no shuphevae.

ZAKINIU 13:16

Tile küxümi tinhemgha kümtsü pesü mishighüna mta lo qhini, eno Ampeu nongu Lhou lau akümllagho shi mishighüna tipau pitiveni.

ISAIAH 17:3

Ephraim lo aliwo hauve nani; Damascus yekipe ye hauve nani; eno Syria lo ghükulumi ye Israelmi nuli mhekiqipu sasü küsaje nani, ipi aqokitikhi Mpeu no shuphe ani.

JOB 12:14

Pa no xaqhive aye khunomu shiqhekithe mlae; Pa no khuana akughu shive aye khunomu khaqhiphe mlae.

ISAIAH 23:11

Ampeu no azüghi shou Pa u chhopuwo no kükaqhaqo sükini; Pa no Canaan küakini laghi kütsave tsüniye azah tsüvae.

ISAIAH 26:5

Kughengu Pa no aqheküza phughi, akiqhe-a lo küami sünheqhipe chuninhei ayeghimkhu shivetsüe.

ISAIAH 27:10

Aliwo phughi ye yenguyi ani, ti ye pighive no asayeqha toivae; amishi no tile alokaqo mzachu ani.

ISAIAH 32:14

Kughengu kükaki ye yenguyive no mishighüna ye pighivae; akiqhe-a ngo qogheki ye alholo tüghashi ki ilhouve nani, khurha lokivipu eno pichepighi sala achu kümza-a shive nani.

ISAIAH 32:19

Aghasü lo mürasü qipuku no aphughi kütsapinyive tsü namu,

ISAIAH 34:13

Kükaki eno aliwo lo koghesahu, apüghü ngo ayemhi no itsüve nani, tüngtügha ngo ostrich ki shive nani.

ISAIAH 37:26

“I no khaghi no kughupe qhive keu no ye chimla aphi keshea? Ishi kiu shikupu ani keno, ti ye I no püzüu no kughuchhove ke, ikehu nono aliwo kuptu phughiqo hepho ilo mukhumuno shilue,

JEREMIYA 9:11

Jerusalem ye I no atachu shi kütsaleve nani, tüngtügha kungo-a shinani, Judah lo mishighünaqo ye pighive no küghüve nani.”

ISAIAH 13:20

Tiqheli kümtsü lo khunomu tile küghüna kithemo nani; Arabmi mu tile aphiki tshümae, ambekhemi mu tilau ambe qhimae.

ISAIAH 13:21

Ikemu tüghashiqo no tile ngo nani, aqhaqho ngo ostrich no tile anani; eno aghalo neqo no kakashi ilhe nani.

ISAIAH 24:10

Pighive keu phughi ye ilaqivae; aki alou ilomla kepushi khavae.