ISAIAH 21:3 - Sumi Naga CL (Re-edited) Bible (BSI)

³ Hi ghenguno ni ye totimi no apunu küsü sü akeshi aküsü no I phi kümtsü tsügha luvae; hi chilu eno ithulupe ni ye pishepe apuchopungo auvae.

BAIBEL (BSI)

³ Kungunhetsu lono ino ithulu eno chilu keuno akuighupu eno sakutui keuno ichhitoivae, hiye totimi lakhino punu niaye su akeu kusu toike.

ISAIAH 21:3 Referans Kwoze

ISAIAH 13:8

Panongu ye thüghüive no apunu küsü sü akeshi aghime no tshüluve nani. Panongu no kichimamashi agi no hughüipe lakhino lakhi jukile nani.

ISAIAH 26:17

Totimi no apunudo touve kelo aküsü lono ighamku ihi keshi, nino O zülo tishike, O Ampeu;

LESHELE 48:6

Panongu ye topumi no apunu küsü sü akeshi khokho shive.

1 Thes. 5:3

Timiqo no, “Iqüghai eno sükusho ani,” ipi ake lono totimi no apunu küsü ighive ketoi züleno pano shou kütsakungo ighi nani, eno panongu ye poka mlave nani.

JEREMIYA 48:41

mishighünaqo leluve, aliwo kumtoqo ye khasü luve nani. Tipani Moab ghütomi mlo ye totimi apunu küsü lo akemi toive nani;

ISAIAH 16:11

Tighenguno I mlo, I ngulho no küghaküsü lebo toi Moab ngo Kir-hareseth jupe igha anie.

HABAKUK 3:16

I no chilu no I phimpi sükidi; aghügha huno I mütsü thüthüshi; tsümave keu no I ghi lo iloghive; I pukhu no khokho shiuve. Ikeghi ni ye inaqhoi shino ni leighi kemi shou aküpüna tsala ighini keu ngokhe anani.

JEREMIYA 50:43

“Babylon kükau no tipaqo sütsa chiluvae, pa phiau thizümüivae; amlo ghuju no pa tshüluve no totimi no apunu küsü lo ake toivae.

JEREMIYA 49:22

Alhuqu no achishibo sükhope yeiqighi keshi aghümi no Bozrah leighi nani. Tipa tsala lo Edom ghütomi mlo ye apunu küsü lo akeu totimi mlo toive nani.”

ISAIAH 16:9

Ikehu Sibmah tsaibo ghenguno ni ye Jazer küqa gholono qa ani; O Heshbon ngo Elealeh, I nhezü no o pütsüvae, kughengu mütsü tusho lo o xathi ghile ghenguno alovi chekeu ye kishekhavae.

ISAIAH 15:5

Moab ghenguno I mlo iju ani; tilehi timiqo ye Zoar lo, Eglath-shelishiyah lo pokhavae. Mtsüqheino panongu ye qasü Luhith qhe lo iqho cheni; khami no küsakusho küqa shisü Horonaim la lo cheni;

ZAKINIU 28:67

Nongu mlo lo msaichi keu no chhitoive kehu, eno nongu nhethi no ithulu akeu jupe nongu no inaqhe atsütsü ishi pi nani, ‘Avelau shi aghike aye!’ eno kijili atsütsü ishi pi nani, ‘Inaqhe shi aghike aye!’

John 16:21

Totimi lakhi no anga pununi kelo, li tüqhüdo ye ighive akehu li ye amloksa shicheni, ikemu kughou no anga punuveni keno, anga lakhi ayeghi lo punu sülukeu lokivi lono li ye aghime kümsü mlave cheni.

JEREMIYA 4:19

I mlo ghime, I mlo ghime, ni ye aküsü lono ihi ani! O I mlo ghuju! I mlo no kukushi itha ani; ni ye inaqhoi ngolu amoe kughengu aghükishi kütüghü keu fuko ghügha chilu ani.

JEREMIYA 6:24

Nino tipau sütsa chiluvae; ningu u ye miqemleivae, totimi no apunu küsü sü akeshi amlo ghime no ni tsüqü luvae.