ISAIAH 21:11 - Sumi Naga CL (Re-edited) Bible (BSI)

¹¹ Dumah ghenguno pimhelu keu tsape. Milakhi no Seir lono I kuno pi, “Aghukheu, putho do khitohi ania? Aghukheu, putho do khitohi ania?”

BAIBEL (BSI)

¹¹ Hiye Edom ghenguno atsape lakhike. Milakhino Edom lono iku puzu pike, “Aghukheu, kughono putho tsala pai wove nani kya? Kughouno pai hipau taveni cheni keno ivilo pilo.”

ISAIAH 21:11 Referans Kwoze

BOTHUBO 25:14

Mishma, Dumah, Massa,

AMUS 1:6

Ampeu no ishi piani: “Gaza xine küthü ghenguno, eno bidi ghenguno Ni ye aghime süchilemo nani, kughengu panongu no timi kümtsü haphe sasü Edom lo jesüve tsüniye wuve.

JOYIL 3:19

“Judah timiqo lau alhoksa shike ghenguno Egypt ye pighive nani, Edom ye yenguyike-a shive nani, kughengu panongu no Judah lo pimimo kemi ji pele ke.

JEREMIYA 37:17

Akükau Zedekiah no Jeremiah ghenguno timi puwu no pa saluve. Akükau no pa ki lono tuqhou shi pa vilo ighiju, “Ampeu launo atsa kiuala ani keshea?” Jeremiah no pi, “Iyei.” Tileno pa no pi, “No ye Babylon kükau u lo phesüve tsü nani.”

ISAIAH 21:6

Kughengu Ampeu no I vilo ishi pivae, “Wuno aghukheu lakhi qhilo, pa no kiu ithulu keno külha pelo.

LESHELE 137:7

O Ampeu, Edommi no Jerusalem leighike tsala lo panongu no pi, “kuboleve lo, kuboleve lo, iqi aboqhaqo kutolo kuboleve lo” ipikeu kümsü lulo!

YEKIKITHI ATUGHIU 1:30

Mishma, Duma, Massa, Hadad, Tema,

ZAKINIU 2:5

Panongu sasü aghüshi kevilo, kughengu I no Seir Toghi pesü Esau mheghi shivetsü kehu Ni ye pano yeghi apukhu kinepu qhemi mu nongu tsümo nani.

AKIKIHI 24:18

Edom ye haleve nani; pa ghümi Seir ghi haleve nani. Israel ye akumto shikibe nani.

BOTHUBO 32:3

Jacob no pa züuno Edom ghakhu lo Seir yeghi lo pa mu Esau lau atsapemi puwu,

ALE KIMCHI 3:3

Aphughi lo akhemi no itsüsü aphughi xüche kelono ni ithulu. “Nongu ye I ngulho no kimiye chekeu ithulu kema?”

ISAIAH 21:12

Pa no khochile, “Tsüthou chea kemu putho ghi chephi; nono inijuni shi aye itaghi ideighi no inijulo.”

JEREMIYA 6:17

I no o shou ghukhemi qhino pi, ‘Tsaqüi afuko ghügha inilo!’ Ikemu panongu no pi, ‘Ningu ye amlo tsümo nani.’

BOTHUBO 32:4

eno panoqo piputo ghi pi, “Nongu ye I mpeu Esau vilo hitoi pilo: O qeu Jacob no piani, ‘Ni ye Laban gholo inami shi itehi kutolo ngo ighivae.

JOSHUA 15:52

Tile Arab, Dumah, Eshan,

EZEKEL 25:12

“Ampeu Alhou no ishi piani: Edom no Judah laghami shou amkhülu kelono akithipu shi ghüzave ke ghenguno,

EZEKEL 33:7

“Ikehu no, timi nu, I no Israel kibolomi ghenguno o pesü aghukheu shivae. Kugho kughomu I kichi lono atsa chilu kelo, no ye I no panoqo ghutu keu pilo.