ISAIAH 20:2 - Sumi Naga CL (Re-edited) Bible (BSI)

² Ampeu no Amoz nu Isaiah vecheo pi, “O chita lono yeqhiyephi xaqhive eno o pukhukuqho xavelo,” ikehu pa no titoi aphimpi ngo apukhu kümsa shino chewuve.

BAIBEL (BSI)

² Ampe kuthu zuuno AMPEU no Amuz nu Isaya vilo pa pukhu kuqho ikhive eno pano yeqhiye phi uakeu ikhivelo pipuake. Pano tipa tsa lupuzu aphi eno apukhu kumsano iqho iqiche.

ISAIAH 20:2 Referans Kwoze

MATTHEW 3:4

John ye sayeshi mhi phimini pepu eno ashiyiko pokha pesü pa chita khapu, eno leusü ngo aghalo khingozü no pa chuqupu shiche.

MICAH 1:8

Hi ghenguno I no mloqani; I no aphimini xave no aphikümsa shi iqhoiqini; I no aghalo tsü toi amloijuni, eno ostrich toi mloqani.

SAMUEL ATUGHIU 19:24

Pa ghi pa phimini xave no Samuel zülo tungkuptsa pi, eno putho pucho aphimini pepumo no ngove. Ikehu ishi picheni, “Saul ghi tungkupmi gholo lakhi keshea?”

ZEKHARIA 13:4

“Tipa tsala lo kughou tungkupu lakhi no tungkuptsa pini keno paw kungunhetsü ghenguno kujove nani. Pa ye pishiqhi nike ghenguno amhi hebephi pepumo nani,

EZEKEL 24:23

Nongu kütsü küküzüphi nongu kütsü lo xapu nani, eno nongu pukhukuqho xapu nani; nongu ye mloqamo nani, ikemu nongu xine ghenguno tsümauve nani eno lakhino lakhi lau sakütü igha nani.

EZEKEL 24:17

Amloghime tuthu shelo, ikemu asütsa kuloghi lono shephe kevilo; akithi ghenguno akumlo shikevilo. O kütsü küküzüphi khapu luvelo, eno o pukhukuqho xapu lulo; o kichi küzü kevi momu timi shopa chukevilo.”

MICAH 1:11

Shaphir lo küxümiqo aphikümsa eno akukujopu shi nongu la lo chechelo; Zanaan lo küxümiqo khalau ipeghi kevilo; Beth-ezel kumlo no nongu-a ghi sükusho kühavae pi ithipe nani.

ISAIAH 13:1

Amoz nu Isaiah no Babylon ghenguno ithulu keu tsape.

Piyeküsü 11:3

I no kükagha pesü I shepemi kini tsüni, eno pama no kumshophi pepusü atsala 1,260 kutolo tungkuptsa sheshu nani.”

Apostolmi 19:16

Timi khuu philo tüghaküsa ghungu akeno, pa no panoqo shou ilhe ikughi no kümtsü süqoqhi eno mhoqhive kelo, panongu ye aki lono aphikümsa aghüzaku pusü pove.

John 21:7

Ikehu Jisü no kimiye chekeu akhopeu no Peter vilo pi, “Hi ye Ampeue!” Kughou Simon Peter no ti ye Ampeu kepi chilu keno pa no pa kuuphi uluve, kughengu pa ye akümla ghenguno xave no ake, eno azü lo ilhe ilove.

MATTHEW 16:24

Tishino Jisü no pa khopemi vilo pi, “Khukhumu I papeni keu ye pa ampi milive no paw kros xapu I papelo.

EZEKEL 4:5

Kughengu I no atsala 390 kihithape o tsü ani, ti ye panoqo ghime kikihi mpe qhemike. Titohi no ye Israel laghami ghime xapu nani.

KUKAMI AKINIU 1:8

Panongu no khochile, “Pa ye amhiphi pepu cheni, eno ashiyiko no pokha pucheni,” Ikelo pa no pi, “Ti ye Tishbemi Elijah kena.”

SAMUEL AKINIU 6:20

David no pa kibolomi kümgha tsüniye ighi. Ikemu Saul nga Michal no David sholu niye ighi no pi, “Ishi Israel kükau ye kishi pa ampi gihu kela, pa ghinimi qelimi nhethe lono ghaghumi toi kujomo mithe pa phimini xake!”

JOSHUA 5:15

Ampeuw ghüshimi zatsüu no pi, “O pukhu kuqho ikhive lo, kughengu nono puthugho akeu ye akimthe-a ke.” Joshua no tishive.

IPEKULU 3:5

Tile Pa no pi, “Kupunu ighi kevilo; o pukhukuqho xavelo, kughengu nono khile puthugho ani keno a-a ti ye akimthe chhigha ke.”

Apostolmi 21:11

Pa no ighi no Paul pokha ikhipe pa pukhu ngo au tshüve no pi, “Aghungu Kimthe no ishi piani, ‘Apokha hipau mpeu ye Jerusalem lo Jewmi no hitoi phedape Jewkumomi u lo süvetsü nani.’”

SAMUEL AKINIU 15:30

Ikemu David ye apukhu kümsa, akütsü küzüluve no mloqasü Olive Toghi lo iqhove. Eno timi khunoqo pa gholo akeno panongu ghi akütsü küzüluve no mloqasü iqhove.

LESHELE 30:11

Nono I mloghime pesü alokivi kighilhe shive tsüe; Nono Iw yeqhiyephi ikhiluve tsü, eno alokivi pesü I puuke,

ISAIAH 1:1

Judah lo kükami Uzziah, Jotham, Ahaz, eno Hezekiah ghuloki lo Amoz nu Isaiah no kungunhetsü khikhi Judah ngo Jerusalem ghenguno ithulu keno tihuke.

ISAIAH 37:2

Pa no kükaki jukükütsüu Eliakim, akiyeu Shebna, eno achinemi kichimi pelo yeqhiyephi pepusü Amoz nu Isaiah lau wupe.

JEREMIYA 48:37

“Kughengu panongu kümtsü akütsüsa miyevae eno pano kichimhi tsalevae. Panongu kümtsü u lo azaku puvae eno kümtsü no yeqhiyephi no achita khapu anie.

EZEKEL 4:1

“No timi nu no pititu lakhi ikhipe o zülo qhilo, eno tipau lo Jerusalem mishighüna je kixi puku lo.