ISAIAH 2:12 - Sumi Naga CL (Re-edited) Bible (BSI)

¹² Kughengu aqheküzami eno tsütsüngoju kemi ghenguno aqokitikhi MPEU no atsala lakhi kuto püani tipani no panoqo sünheqhive nani;

BAIBEL (BSI)

¹² Tipa tsalanino aqokitikhi MPEU no akuka kumtomi eno chuqumughai xuchekemi ngo aqhekuzami eno kumobeyi chekemiqo aqhokighepu shivetsu nani.

ISAIAH 2:12 Referans Kwoze

MALAKI 4:1

“Kughengu julo, atsala ye cheni, amiphoki lo toi iqü ani, akuchhomami eno küsaküghami kümtsü aghijini toi pitive nani. Atsala tipau chekeu huno panoqo pitive nani, aqokitikhi Mpeu no pi, tishianguno tino panoqo ghenguno akuhu momu aloka mu qhimono pitive nani.

ISAIAH 23:9

Aqokitikhi MPEU no aqheküza ajekipi ikhivetsü, eno agigihu küami shikujo niye kughuke.

Luke 14:11

Kughengu alikhi asüqhe kemi kümtsü kuchunive nani, eno alikhi ampi kuchuni keu süqhe nani.”

AHOLE 16:5

Amlo lono qhezalaki kemi Ampeu no aphimqhü cheni, panongu ye ghime moveni keu kumo kepi thebei ithilo.

James 4:6

Ikemu Pa no küpükini alau tsü kehu Kuchoyesü no ishi pie, “Alhou no aqheküzami lakhave cheni ikemu aqhokighemi lau küpükini tsü cheni.”

1 Thes. 5:2

Kughengu Ampeu tsala ye putho lo küpkami lakhi toi ighini keu nongu ampi no tsaqüi ithi ani.

1 Kor. 5:5

nongu ye timi hipau phiashi kütsave penike ikhiphepe Satan tsüvelo, tishianguno Ampeu tsala lo pa ghungu xalutsü penie.

MATTHEW 23:12

Khunono alikhi ampi süqheni keno kuchunive nani, eno alikhi ampi kuchuni kemi süqhe nani.

MALAKI 4:5

“Julo, atsala kije eno aküighüpu ighikumo züu I no Elijah tungkupu nongu lau puwu nani.

AMUS 5:18

Khunono Ampeu tsala laju cheni keno ahasapue! Kushiye ti kheni kea? Ti ye aküzü thono aküvü kumoe,

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

EZEKEL 13:5

Nongu ye atupikiye ileqive keu-a lo wumoe, momu Ampeu tsala, aghükishi lo akumto shilu kepushi Israel laghami ghenguno atupikiye shiqhe tsümoe.

JEREMIYA 46:10

Tipa tsalani ye aqokitikhi MPEU tsala, Pa ghümi shou amkhü luni keu, amkhükulu tsala ke. Azütakikihi no aghaqilu moke kutolo aji pele eno tsüye nani. Kughengu ahuu Euphrates ghoki lono aqokitikhi MPEU no aghakishi shiani.

ISAIAH 24:21

Tipa ghuloki lo Ampeu no atsütsü lo aqokitikhi eno ayeghi lo kükami kümtsü ghime nani.

ISAIAH 24:4

Ayeghi no mloqa eno ighüivae; ayeghiqha no itamjui hailo cheae; akiqheu-a lo küami no iju ani.

ISAIAH 13:9

Julo, aloghu ngo axukighide pesü ayeghi küghüküghaleive tsüno tile axinemi akeqo kütsave nike Ampeu tsala ayiküsapu shi cheni.

ISAIAH 13:6

Mloqalo, kughengu Ampeu tsala ye kupunuvae, ti ye Akughushuu launo kütsakungo ighi akeshi nanie!

SAMUEL AKINIU 22:28

Nono mtshaivü kemi xalu cheni, ikemu aqheküzami sünheqhi veniye Nono panoqo jucheni.

JOB 24:1

“Kushiye Akughushuu ye küghakütha tsala kuto chemo eno kushiye Pa ithi kemi ye khilemu Pa tsala ithulu chemo kea?

LESHELE 131:1

O Ampeu, I mlo ye qheza chemoe; I nhethi ye ighono tsütsüngoju chemoe; ni ye thime ighono kije eno shishe akümzapuqo lo chhosü chemoe.

ISAIAH 42:15

I no atoghi ngo naghutoqo kütsaküngo nani; eno tile atsüni ngo asüboqo ighüivepe nani; I no aghokiqo pesü züdoyeghi shivetsü nani; eno ayizükuchoqo pelo qhaivepe nani;

ISAIAH 61:2

Ampeu pulou mpe eno Ni Lhou no amkhü lutsü keu tsala sheshu peniye, qamlo akemi lopiqitsü peniye ke.

JEREMIYA 30:7

Oishe! Tipa tsala ye ighono kije, titoi keu tsala küha nani; ti ye Jacob ghenguno aveküsa do; ikemu tipau lono pa xaluve nani.

MICAH 2:3

Tighenguno Ampeu no piani: julo, Ni ye akibo hipau shou amhekiqi kughupe ani, tipau lono nongu xaphemla nani, eno nongu no aqheküzashi ala chemove nani, kughengu ti ye amhekiqi doke.

MICAH 5:11

No yeghi lo mishighünaqo I no kütsave tsü nani eno now sükusho-aqo tuleqhive tsü nani;

ZEFANIA 1:16

aliwo kumto eno qhemghaike qoghe akeu mishighünaqo shou afuko igha eno aghüle kukeu tsalae.

ZEFANIA 3:11

“Tipani nono I hebide püaghi namu Ni ye o shikujomo nani; kughengu I no o launo aqheküzami tsütsüngoju chekemi ikhive nani, eno Iw akimthe toghi lo nongu ye akuchhoma shikithe mo nani.

LESHELE 18:28

Kughengu I kulu küiqü tsükeu ye No ke; Ampeu I Lhou no I küzü yepüvü tsücheni.

LESHELE 37:13

ikemu Ampeu no kixikilami junu cheni, kughengu pa tsala chekeu Pa no ithulu anie.

LESHELE 94:2

Ithulo O ayeghiqha xaküthau; aqheküzami no kiu ithulu küzü keno tsüchile lo!

ISAIAH 5:15

Timi kümtsü sünheqhipe kuchunivae, aqheküza nhethi xapu kemi kuchunivae.

ISAIAH 10:12

Kughou Ampeu no Zion Toghi eno Jerusalem lo Pa kümla shikhaveni keno, Pa no Assyria kükau qheküza tsapi eno tsütsüngoju chekeu ghenguno aghime tsü nani.

ISAIAH 10:33

Julo, Alhou, aqokitikhi MPEU no akümsapu küka lono aloka loqhi nani; shishe chuqumghai keu yeqhive nani eno qhemghai akeu sünheqhive nani.

ISAIAH 13:11

Ayeghiqha küsakügha eno kixikilami xine ghenguno I no ghime nani; aqheküzami lakhave nani eno akülaki shikemi kuchunive nani.

ISAIAH 14:15

Ikemu no ye aqokutho ashekhau Kithigha lo sünhe saiqighivae.

ISAIAH 40:23

Pa no kükami kuchunive cheni, eno ayeghi lo yepemi abokümsa shivetsü cheni.

JEREMIYA 12:9

I mheghi ye atine ki toive akeo? Ashikuchu ghauqo no li homxa luve akeshea? Tüghashiqo no tsüchuve penike wuno kümtsü hekütsü saghilo.

JEREMIYA 13:9

“Ampeu no ishi piani: Hipaphi lono I no Judah ngo Jerusalem qheküza kütsave tsünani.

JEREMIYA 50:31

“O aqheküzau, I no o le nani; Ampeu aqokitikhi Lhou no piani, o ghimeni keu ghuloki ighivae.