ISAIAH 19:22 - Sumi Naga CL (Re-edited) Bible (BSI)

²² Ampeu no Egypt ghime nani kemu panoqo shipivi nani, panongu no Pa lau ideighi no kimiyeqhiyi penike qhüiniju kelo Pa no chilu tsüno panongu shipivi nani.

BAIBEL (BSI)

²² AMPEU no Ijipmi ghimeqhi nani, ikemu pano panoqo shipivive nani. Panonguno pa lau ideighi nani eno pano panoqo kighini initsuno panoqo shipivi nani.

ISAIAH 19:22 Referans Kwoze

IBRIMI 12:11

Sakiyi qoputhu keu tüqhüdo loye alovike kumono aghime shi cheni, ikemu khunono aghimeshi qoputhu luveni keno tipaqo ye iqüghai keu mikucho xathi pithilu cheni.

HOSIYA 14:1

Ampeu o Lhou lau ideighilo, O Israel, kughengu no ye o xine ghenguno küpxavae.

ZAKINIU 32:39

“‘Itehimu Ni ye Pa huke julo, I nguno alau kütau lhou kühae; I no pithive eno püxüve cheni; I no ghüzave no shipivi cheni; khunomu I u lono xaphe mlae.

HOSIYA 6:2

Atsala kini thiu Pa no ningu püxü kithetsü nani; atsala aküthüu lono Pa no ningu sünheqhe nani, tishianguno nino Pa zülo xüni.

HOSIYA 5:15

Panongu no pano kipimi ithi no aghime lono müamzü I phuighi moke kutolo Ni ye itaghi I kungo-a lo ideighive nani.

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

ISAIAH 45:14

Ampeu no ishi piani: “Egypt küakini ngo Cush lhidi, eno Sabeami sübosüghimi ye o lau ighive no ow shive nani; panongu ye o pape nani; panongu ye ayikichhe no tshüpe o zülo pishiqho nani. Panongu no ishi o qhüiniju nani: ‘Mtsüqheino Alhou ye O gholo ani, kütami khumu kühae, Pa nguno alhou kütau kühae.’”

ISAIAH 6:10

Timi hipaqo mlo shikümka lo, panoqo kini kughupove tsü, eno anhethi kighicheve tsülo; tikumo aye panongu no ithulu, chilu eno vethalu no xaide püzü shipivi luve nosake.”

JOB 5:18

Kughengu Pa no ghüzave namu itaghi khavetsü cheni, Pa u pesü heqhi cheni, ikemu Pa u no shipivitsü cheni.

JOB 22:23

Nono Akughushuu lau ideighi aye o chukhepuku nani; o ki lono kuchokumo ikhive aye,

ISAIAH 11:11

Tipa ghuloki lo Ampeu no Assyria, Egypt, Pathros, Cush, Elam, Shinar, Hamath, eno azüghimkü lo Paw timi achilishi ghüpüaghi keqo itaghi ghuthu akiniu xaphe nike Pa küka peitha nani.

ISAIAH 27:13

Tipa tsala lo afuko kuloghi küigha nani, eno khunoqo Assyria yeghi lo pühave momu Egypt yeghi lo haphe sawuve keno, panongu no ighi no Jerusalem lo akimthe toghi lono Ampeu mlla nani.

ISAIAH 30:26

Itaghi, kughou Ampeu no Paw timi ghime kelono azaku pipekeu khavetsü eno shipivini keno, tipa tsala lono aqhi küvü no khetsünhe küvü toive eno khetsünhe küvü huno ghulo tsüni küvü peküqha keshi ghuthu tsüni piqi alaushi vüqaive nani.

ISAIAH 57:18

I no pa no kishi xü ani keno ithuluvae ikemu I no pa shipivi nani; I no pa saphe sawu nani eno pa eno pa gholo mloqa akemi lokughunotsü nani,

EZEKEL 29:13

“Kughengu Ampeu Alhou no ishi piani: Ampe lhobidi kishekhave kethiu, panoqo kuthole puwuve kemi dolono I no Egyptmi hekütsü nani,

IPEKULU 8:4

Achuyiqo no o shou, ow timiqo shou eno o qemi kümtsü shou ikughive nani.”’”

KUKAMI AKINIU 20:5

“Ideilo lo eno Iw timiqo sakipheu Hezekiah vilo pilo, Ampeu O sü David Lhou no ishi piani: I no o kighini chiluvae; I no o nhezü kipiji ithuluvae. Julo, I no o shipivi tsüni. Atsala aküthüu lo no ye Ampeu kilo wu nani,