ISAIAH 19:11 - Sumi Naga CL (Re-edited) Bible (BSI)

¹¹ Zoan sakiphemi ye mbomzümie; Pharaoh mijekütsümi alokütsüu no anikha kükütsü tsücheni. Nongu ye kishino Pharaoh vilo, “Ni ye alokütsüu nu, khaghi kükami papemi nue” ipiluni kea?

BAIBEL (BSI)

¹¹ Zoan lo sakiphemi ye kughuzumiqo ke! Ijip lo kumtsu nguno alokutsumino aghuzu nikha kukumsu pesu tsucheni! Panonguye ighumono kishi puzu akukau vilo panonguye khaghilo kighithimi eno kukamiqo nuli kepi picheni kya?

ISAIAH 19:11 Referans Kwoze

AKIKIHI 13:22

Tipa züuno panongu no Negeb lo iqhove no Hebron lo ighi. Tile Anak kughukomi Ahiman, Sheshai eno Talmai laghami no küghüna acheghi. (Hebron ye Egypt lo Zoan nguno ampe tsüni züuno aphughi shiveke,)

Apostolmi 7:22

Egyptmi kighithi lokütsü kümtsü pesü pa qoputhu, eno pa ye atsa eno akümla lo minhimghai ipeghive.

ISAIAH 30:4

Kughengu Judahw hiyampemi ngo lashikami no Zoan ngo Hanes lo aghi namu,

LESHELE 78:43

Pa no Egypt lo amchipuqo eno Paw akümzapu kümla Zoan luza lo shikeu kümsümave.

KUKAMI ATUGHIU 4:30

tishikeu lono pa lokütsü ye kipelaumi eno Egypt lokütsü nguno alokütsüu shive.

LESHELE 78:12

Egypt yeghi lo, Zoan luza lo Pa no pano puasüqo nhethe lono akümzapu mlae.

EZEKEL 30:14

I no Pathros pighive nani eno Zoan lo ami süvetsü nani, Thebes shou küghatha nani.

EZEKEL 7:26

Kütsakungo keu shelo kütsakungo keu ighi; alatsa veküpha keu shelo alatsa veküpha. Panongu no tungkupu launo kungunhetsü phuju nani; achinemi launo ayezah eno layemi launo akükütsü pühave nani.

JEREMIYA 49:7

Edom ghenguno. Aqokitikhi MPEU no ishi piani: “Teman lo alokütsü kühave akeo? Alokütsümi launo mijekütsü kühave akeshea? Pano lokütsü hauve akeshea?

JEREMIYA 10:21

Ambekhemi no Ampeu vilo küsütsaju moke anikhae tigheno panongu ye ikoishe moe, pano mbeloji kümtsü apanaghavae.

JEREMIYA 10:14

Timi kümtsü anikha eno akighithi kühae; ameshoyi kiyiqimi ye pa no mlakeu julho no shikujo, kughengu pa julhoqo ye kichile, tipaqo lolo atuthu kühae.

ISAIAH 44:25

I no kimkimi sakiqhi vehu shipüsave tsü cheni eno tumumi pesü mbomzümi shivetsü cheni, I no alokütsümi tuchile cheni eno pano kighithi pesü mbomzü shivetsü cheni.

ISAIAH 29:14

tighenguno julo, I no itaghi timi hipaqo lau ishokibe akichiqhipu kümla shini; eno panongu gholo alokütsümi lokütsü pühave tsüni, vethakulumi lotsü küsüve tsüni.”

ISAIAH 19:13

Zoan yepemi ye aghüzü shivae, Memphis tomi ye pishiqhivae; khunoqo no Egyptmi ghütsüghi shi ani keno tipaqo no li sabidevae.

ISAIAH 19:3

pano dolo aghüthiküxü kühave nani, eno I no pano kimji hexavetsü nani; panongu no ajulho, küdüu, tumumi eno kithixashemi küsütsa nani;

AHOLE 30:2

Mtsüqheino ni ye anikhami kehu timie pinike aküzüpu kumoe. Ni ye timi toi vethakulu kühae.

LESHELE 92:6

Küghüzümi ye ithilu chemoe; mbomzümi ye hipau vethaluni chemoe:

LESHELE 73:22

ni ye izüvui eno mthave; ni ye O zülo tüghashi toive.

LESHELE 33:10

Shiyeqow kichekütsü Ampeu no adou shive tsüe; pa no timi kukughu hexave tsü.

JOB 12:17

Pa no yepemi küka liluve no aphikümsa shivetsü cheni, küghaküthami pesü mbomzümi kughulhove tsü cheni.

JEREMIYA 8:9

Alokütsümi ye shikukujo nani; panongu ye aghüthisüve no meluve nani; julo, panongu no Ampeu tsa milivae, tishiaye panongu gholo kiu lokütsü ani kea?

JEREMIYA 46:17

Egypt kükau Pharaoh je kulo, ‘Yeyeshi igha chekeu pa dokivi ye wovae.’

EZEKEL 28:17

O jukivi ghenguno no ye qhezave; o jekipi ghenguno nono o lokütsü shipüsave. I no ayeghi lo o peve; kükami shipiye no o ju peniye shike.

Obadiah 1:7

O ngulami kümtsü no o lughi kutolo o haphe puwuvae; o sasü külashi ache kemi no o pishiqhivae; panongu no o mhoqhivae; o sho chuche kemi no o zülo alichhe kuto püanie— no ye vethakulu kühavae.

IPEKULU 8:4

Achuyiqo no o shou, ow timiqo shou eno o qemi kümtsü shou ikughive nani.”’”

IPEKULU 8:14

Panongu no tipaqo hekütsüpe amoqhe, eno ayeghi no muthu münashuive.

KUKAMI ATUGHIU 5:10

Ikehu Solomon no lunishi ke thaqhü Cedar ngo asahusü Hiram no tsüe,

Obadiah 1:8

Ampeu no pi ani, tipa tsalani, Ni ye Edom lo alokütsümi eno Esau Naghuto lono vethakulumi kütsave moni keshea?