ISAIAH 19:1 - Sumi Naga CL (Re-edited) Bible (BSI)

¹ Egypt ghenguno pimhelu keu tsape. Julo, Ampeu ye khüngküsü kümthü shou no Egypt lo cheni, Egypt lo ajulhoqo no Pa zülo thüthüshi nani, eno Egyptmi mlo ye hauve nani.

BAIBEL (BSI)

¹ Hiye Ijip ghenguno atsape lakhike. AMPEU ye khungkusu shou iku puzu muthuthei Ijip kudauno cheni. Ijip lo ajulho akeqoye pa zulo khokhoshi ani eno Ijip lo akemiqoye amlo kuloghi hauveno ani.

ISAIAH 19:1 Referans Kwoze

IPEKULU 12:12

Kughengu tipaji I no Egypt yeghi heche wunani, eno Egypt yeghi lo timi eno lhoxü anoghiu kümtsü I no ghiqhive nani; eno Egyptmi lhouqo kümtsü shou I no küghakütha benani: Ni ye Ampeu ke.

Piyeküsü 1:7

Julo, Pa ye khüngküsü lono cheni, Pa qhuqhi kemiu ghi süno kümtsü nhethi lono Pa ithulu nani; eno ayeghi lo ashiaye jeli kümtsü no Pa ithulupe ighaqa nani. Tishi peniu, Amen.

JOYIL 3:19

“Judah timiqo lau alhoksa shike ghenguno Egypt ye pighive nani, Edom ye yenguyike-a shive nani, kughengu panongu no Judah lo pimimo kemi ji pele ke.

JOSHUA 2:11

Nino ti chilu kemtsa ni mlo hauve eno nongu kümsa no timi khumu aghungu aphi ije move, kughengu nongu Mpeu Alhou no kunguu atsütsü lo ngo aqhou ayeghi lo Alhou ke.

EZEKEL 30:13

“Ampeu Alhou no ishi piani: “I no ajulhoqo kütsave nani eno Memphis julhoqo kishekhave tsü nani; Egypt yeghi lo kükapuu kühave nani; ikehu I no Egypt yeghi lo akümsa süve tsü nani.

JEREMIYA 51:44

I no Babylon lhou Bel ghime nani, pa no munove keu ikhipheve tsü nani. Shiyeqo ye pa lau wumoae; Babylon liwo ye ikiqivae.

JEREMIYA 50:2

“Shiyeqo gholo sheshulo, michiphi süqhe no pikülhalo, küsüpe qhikevi no veküphalo: ‘Babylon ye leluvae, Bel ye shikujovae, Merodach ye aghüthi süvae. Li julhoqo ye shikujovae, Li julhoqo ye aghüthi süvae.’

ISAIAH 13:1

Amoz nu Isaiah no Babylon ghenguno ithulu keu tsape.

LESHELE 104:3

Pa no azü lo Pa chebo tsükucho ghope qhi; Pa no khüngküsü pesü Paw khurkulu shi; Pa no amülhü chishibo shou iqa no chewu,

ZAKINIU 33:26

“O Jeshurun, Alhou toike khumu kühae, Pa no kükanguagha lono atsütsü kathasü o kuphu nike cheni.

ZEKHARIA 14:18

Tsala Egypt shiaye no Jerusalem lo ighi no panongu ju piye move aye, pano shou tsütsüghu ighi move nani; eno Ampeu no püsa khipau pesü Apusho lo Ghulhu ikhilumo keu shiyeqo ghime cheni keno tipau pesü ghimeqhi nani.

ZEKHARIA 10:11

Pa no aveküsa züghi kathasü wuno azü fukukucho ghasü nani, eno Nile züghi kuthoku kümtsü qhaive nani. Assyria qheküza kuchunive tsü eno Egypt kükaküsü kishekhave tsü nani.

JEREMIYA 25:19

Egyptmi kükau Pharaoh qemi, hiyampemi eno paw timi kümtsü,

ISAIAH 21:9

julo, khurkulu küsami chenie!” Eno pa no pi, “Ikiqivae, Babylon ye ikiqivae; pano lhou julho qhoi aghümi no kuboleve tsüae.”

ISAIAH 19:16

Tipa ghuloki lo Egyptmi ye pano sükuchoqhi keu aqokitikhi MPEU zülo totimi toi akümsa lono khokhoshi nani.

ISAIAH 13:7

Ikehu timiqo u lo aküka kühave nani, eno kümtsü no amlo hauve nani.

LESHELE 104:34

Iw kümsükutho Pa lau ikhikulupu shipelo, kughengu ni ye Ampeu lau alovi cheni.

LESHELE 68:4

Alhou lau ale phelo, Pa je shipili ale phelo; khuu asayeqha lo checheni keno Pa lau ale phelo; Pa je ye Ampeu ke; Pa zülo alovilo!

JOSHUA 2:24

Pama no Joshua vilo pi, “Kuchou no Ampeu no ayeghi kuchopu pesü ni tsüvae. Eno tile küami kümtsü no ningu msa auvae.”

JOSHUA 2:9

eno pama vilo pi, “I no ithivae Ampeu no hipa yeghi pe nongu tsüvae, nongu msakeu no ningu shou ikughivae eno ayeghi lo küxümi kümtsü no nongu zülo ikiqive ani.

LESHELE 18:9

Pa no atsütsü kiyeve no iqighi; aküzü kutho no Pa pukhu qholo ae.

JEREMIYA 4:13

Julo, pa ye khüngküsü toi cheni; paw khurkuluqo no miyitsü toi; paw khurshiqo no alhuqu nguno mthüthei, ningu ye ahasapue, ningu ye pühavae!

JEREMIYA 44:8

Kushiye nongu no xüuve niye ighikeu Egypt yeghi lo nongu ye kütau lhouqo lau axokütsüngü pesü mlla eno au no ajulho mlano I mlo shikighide ani kea? Nongu ye nongu ampi kütsave ani eno müsüinive keu shive no ayeghi lo shiyeqo kümtsü no cheqhi kepu vehu shivae.

NAHUM 1:1

Nineveh ghenguno tungkuptsa. Elkoshmi Nahum kungunhetsü kaku.

NAHUM 1:3

Ampeu ye asheshino amloide cheni eno aküka kuloghi, Ampeu ye khilemu pimive keu phepuwuve chemo. Pa laghi ye miyitsü eno pasapagha lo ani, eno khüngküsü no Pa pukhu lo ayeghimkhu ke.

AKIKIHI 33:4

ti ye Ampeu no anu anoghimi heqhive tsü keqo Egyptmi no shiqho ake lonoke. Ampeu no pano lhouqo shou ghi küghathabe tsüe.