ISAIAH 17:10 - Sumi Naga CL (Re-edited) Bible (BSI)

¹⁰ Kughengu nono o xakulupu Lhou pheve eno o kighijepu Tuqu kümsüchile lumove; tighenguno, nono asübo kivi eno inami tsaibo loka shosü aghina,

BAIBEL (BSI)

¹⁰ Israil, noye oxaphelukeu Lhou kumsumavae eno khuno akughutshu tuqu toi osusholukeu phevae. Tipau zuqhulo, inaghami lhou mllaniaye akimthe ghutu shipe qhike.

ISAIAH 17:10 Referans Kwoze

JEREMIYA 2:32

Amikucho ilimi lakhi ye li chila kümsümave nanio, momu külaliu ye li phimini kümsümave nani keshea? Ikemu Iw timiqo no atsala kihimla kepushi I kümsümavae.

ISAIAH 26:4

Alhokuthu Ampeu lau pükhülo; kughengu Ampeu Alhou ye lhokta tuquke.

ZAKINIU 32:18

Panongu ye pano tuchophe keu Tuqu lau amlo tsümoe, eno pano punu keu Lhou kümsümave.

LESHELE 106:21

Panongu no Alhou, pano Xakuluu, khuu Egypt yeghi lo thime kije mla,

ZAKINIU 32:4

“Pa ye Atuqu, Pa kümla ye kupukülai, Pa kümla kümtsü achipiu ke. Pükhübekulu eno akipimi kühakeu Lhou ke, achipiu eno amikucho ye Pa ke.

HOSIYA 8:14

Kughengu Israel ye pa Lhokeu kümsümave no akighikiqo shi, eno Judah no aliwo kuptu phughiqo küghüsü shiqhevae; tighenguno I no pa phughiqo shou ami puwu tsüni, eno tino liw sükusho-aqo pitileve tsü nani.

JEREMIYA 17:13

O Ampeu, Israel lajupu, O pheve kemi kümtsü akukujopu shinani; khunono O launo pove keno ayeghi lo aje yepüani, kughengu pano ye aküxüpu züpuki Ampeu pheveke.

JEREMIYA 12:13

Panongu no ashothi xusü kemu asahu ghilehu; panongu no ime mla kemu kiumu ala shimoe. Ampeu yiküsa mlo kighide ghenguno panongu no panow ghile jupe kujo nani.”

ISAIAH 51:13

eno pa ye pa lhokeu Ampeu kümsümave ake, atsütsü sükhope qhikeu eno ayeghi boqha qhakeu ye Pa ke, kushiye nongu ye aküxü kupuju msa acheni, nongu ghimeqhi kemi no axuide keu eno kütsale nike kuto akeu msa cheni kea? Nongu ghimeqhi chekemi xukighide khilehi ani kea?

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

LESHELE 106:13

Ikemu panongu no paikhavi lono Pa kümlaqo kümsümave; panongu ye Paw shiküka ngokhe move!

LESHELE 85:4

Ni thoputho tsülo, O ni xakulu Lhou, eno ni launo O mlo kighide ikhipe wuve tsülo!

ZAKINIU 32:31

Ni ghümiu ghi pano tuqu ye ni Tuqu toimo kepi ithi anie.

LESHELE 79:9

O je kipipu ghenguno ni kuphulo, O ni xakulu Lhou; O je lono ni xaphe tsülo eno ni xine lono shikimthe tsülo!

YEKIKITHI ATUGHIU 16:35

Itaghi ishi pilo: “Ni xalu lo, O ni xakulupu Lhou, shiyeqo gholono ningu hekütsüpe khaqhiphe tsülo, tishianguno nino shikimthi keu pesü O je kimthe tsüni, eno O sheqhe O jekipipu shini.

ZAKINIU 32:15

“Ikemu Jeshurun no chhikhoive kelo hebideuve; nongu no atha pubeyi, chhikhoi, eno athinibeive; tileno pa no pa lhokeu Lhou pheve, eno xakulupu Tuqu thogha ke.

ZAKINIU 28:30

Nongu no anipu inisü nani, ikemu kütami no li shipüthave nani. Nongu no aki shipe qhinani, ikemu tile ngolumo nani. Nongu no atsailu chinani ikemu tipa xathi chumo nani.

ZAKINIU 8:19

Tsala nongu no Ampeu nongu Lhou pheve no kütami lhouqo pape eno huthu mllauve aye, ishi tsala lono I no nongu lau mtütüi pive anike nongu ye pühave nani.

ZAKINIU 8:14

tileno nongu lolo aqheküza ikughive no nongu no Egypt lo aqüaxe lo akelono xaphelu keu Ampeu nongu Lhou kümsümave nosake.

ZAKINIU 8:11

“Ampeu nongu Lhou zakütsü eno pimheye ngo akhuaye khikhi I no ishi tsala lo nongu tsüani keno, kümtsü pape mono Pa kümsümave nosake kutokupui lo.

ZAKINIU 6:12

nongu ye Ampeu khuu Egypt lo aqüaxe lono nongu saipeghi keno, Pa kümsümave nosake tsükhüi lo.

ACHINE 26:20

Nongu no akaveshi mlakeu ye adou shive nani, kughengu no yeghi lo tüxatini ipeghi move, eno asüboqo no axathi pithi move nani.

ACHINE 26:16

I no hitoi nongu lau shi nani: shithüghüi keu, anhethi kighicheve tsüno amlo küsapu shipivimla keu küsü nongu lau süghi nani. Nongu no adou lono apiti xusü nani, kughengu tipau pekighi ye no ghümi no chuve nani.

ZEFANIA 1:13

Panongu küakini xüvetsü nani, eno panongu ki kütsave tsü nani. Panongu no aki shipüaghi namu, panongu ye tilehi ngomo nani; pano no atsailu chi aghi namu, tipau tsaizü yelumo nani.”

HABAKUK 3:18

ni ye Ampeu jupe alovi nani; I xakulu Lhou lau I no alovini.

AMUS 5:11

Kughengu nongu no kumlhomi nedaqoda eno pa launo athi zame luve chenike ghenguno, nongu no heküthatu ki shiqhe püaghi namu, nongu ye tile ngomla nani; nongu no alo kepushi atsailu chi ani kemu nongu ye tipaqo tsaiji shomla nani.

HOSIYA 4:6

Iw timiqo ye akighithi mikheke ghenguno kütsavae; kughengu nongu no akighithi milive ke, I chinemi shipe monike I no nongu milivae. Eno nongu no nongu Lhou yezah kümsümave akeke Ni ghi nongu tianuliqo kümsümave nani.

LESHELE 65:5

O ni xakulu Lhou; ayeghi eno azüghi kümtsüw lajupu, Nono akighiche kümla vecheo amikucho pesü ni khochile ke;

LESHELE 31:2

I lau O kini kugho puwo tsülo; Mtazü I kuphu tsülo! I ghenguno sükusho tuqu shilo, I xalu kepu liwo kumto shilo!

LESHELE 18:2

Ampeu ye I tuqu eno I liwo, eno I xaphekuluu, I Lhou, I tuqu, I no O launo sükusho lucheni, I züto, I xakulu kibo, eno Iw sükusho-a.

LESHELE 9:17

Kixikilami eno Alhou kümsümave kemi shiyeqo ye kümtsü Kithigha lo wuve nani.

ISAIAH 17:9

Tipa tsala lo pano liwo kumto phughiqo ye inahuu pano puasüqo no ighi kelo ghasüghave eno naghuto kütsüqa lo akeqo no pighive keshi yenguyive nani.

ISAIAH 18:5

Kughengu atsaibo kupu huno axathi shive no xomphi lono, Pa no azütachi pesü akhuni ngo alokaqo kixipe shikimtheve nani.

ISAIAH 25:4

Kughengu No ye kumlhomi ngo küha kemi ghenguno sükusho-a, pasapagha lo akicheqho eno tsüka tsala lo akicheqho ke; kughengu ayiküsami tuthu ye pasapagha no aki fudaqhi ketoi,

ISAIAH 30:29

Akimthe tiqhetini ikhiluke ji lo toi nongu no alovi ale phe nani, eno milakhi no Ampeuw naghuto lo, Israel Tuqu lau fulili ighasü iqho cheke toi, nongu no amlo qiqhiyi nani.

ISAIAH 33:2

O Ampeu, nino O laju anike ni lau küpüqhiyi tsülo. Ina atsütsü ni kumtou shitsülo, aveküsa ghuloki lo ni xalu tsülo.

ISAIAH 44:8

Msa kevilo, Ni ye khaghino nongu vilo pive ake kumo? Nongu ye Iw thopimi ke! I nguno alhou kütau ani keshea? Atuqu kütau kühae: Ni ye lakhimu mthae.”

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

ISAIAH 62:11

Julo, Ampeu no ayeghi shekha kuto sheshuvae, Zion ngaqo vilo pilo, “Julo nonguw xakuluu ye cheni, julo, Pa no asaxü pecheni, eno Pa no xaphe luve kemi no Pa züu shino cheni.”

JEREMIYA 3:21

Asa itsümo keu toghi lono asütsa lakhi chilue, Israel tianuli no mloqa qhüiniju ani kughengu panongu ye pano laghi pheve, pano Lhou Ampeu kümsümave ke.

EZEKEL 23:35

Tighenguno Ampeu Alhou no ishi piani: Nono I kümsümave eno I pesü o thiu qhiveke ghenguno no ampi no o salha ngo kütüqha keu shekichile xapu masa nani.”

JOYIL 1:17

Apiti no ayeghi lono qhaivae; pekükütsü ki no yenguyi; eno abi-aleqo no ixapinyivae kughengu athi kühave ake.

EZEKEL 22:12

Nongu dolo panongu no aji peleni ye külügho luke; nongu no akighishe eno ala lue, eno akisüghüu launo kichiqhi süxachu keu lono ala shilue; ikemu nongu no I kümsümave kepi Ampeu Alhou no asheshu.