ISAIAH 15:5 - Sumi Naga CL (Re-edited) Bible (BSI)

⁵ Moab ghenguno I mlo iju ani; tilehi timiqo ye Zoar lo, Eglath-shelishiyah lo pokhavae. Mtsüqheino panongu ye qasü Luhith qhe lo iqho cheni; khami no küsakusho küqa shisü Horonaim la lo cheni;

BAIBEL (BSI)

⁵ Imlo lono Muab lau igha qahwu! Timi qoye Zoar taunlo ngo Eglat lo eno Shelishiya lo kuhapove. Khamiye qah susu Luhit laghi kudau iqhoke; khamino ighamuku amlo kusashi Horonaim kudau pokawuve.

ISAIAH 15:5 Referans Kwoze

JEREMIYA 48:5

Kughengu Luhith ikuqhola lo panongu no qasü iqho cheni, Horonaim lo ikiqila lo panongu no amloksa küqa chilu ani.

JEREMIYA 4:20

Hephole keu shelo hephole; ayeghi kümtsü kütsalevae. I phikiqo ghi züleno kütsavae, paikhavi no I künhaphi kühavae.

JEREMIYA 17:16

Ni ye O mbekheu shimono pove mphi, momu ni ye aküsü tsala mine amoe. I mütsü lono kiu ipeghi ani keno Nono ithi ani ti ye O zülo ani.

JEREMIYA 13:17

Ikemu nono inimo aye, o qheküza ghenguno I ngulho no tuqhou no qa nani; I nhethi lono kukhukimji shi anhezü ipeghi qa nani, kughengu AMPEUw timi loji ye akughu lo sawuveni ake.

JEREMIYA 9:10

“I no naghutoqo ghenguno mloqani cheni, eno yenguyi ke-a lo atsüni ghenguno mloni cheni, kughengu tipaqo ye kümsa shive no khunomu katha movae, amishi loji no mzachu keu sütsa chimlavae; atsütsü lo aghau eno tüghashiqo ghi tileno wuvae.

ISAIAH 22:5

Kughengu kungunhetsü khila lo mqhumza qhasü ighi kelo avehu izüvuive kepu tsala; aliwo tulave tsüno naghuto lau ighamku kepu tsala aqokitikhi Lhou Ampeu no kuto püanie.

ISAIAH 16:14

Ikemu itehi ye Pa no ishi pivae, “Aqekiqemi no ado kihiche keshi ampe küthü dolono Moab jekipipu ye thoküghapu shive nani, paw timi kütsasa ache keu dolo ghükulumi ye aghulo eno miqemlei kemi likhive nani.”

SAMUEL AKINIU 15:30

Ikemu David ye apukhu kümsa, akütsü küzüluve no mloqasü Olive Toghi lo iqhove. Eno timi khunoqo pa gholo akeno panongu ghi akütsü küzüluve no mloqasü iqhove.

SAMUEL AKINIU 15:23

Panongu no wuche kelo ayeghi kümtsü no ighaqa, eno akükau no Kidron ghokiti kathasü timi kümtsü no yenguyike-a küdau wuve.

BOTHUBO 19:22

Mtazü tilau povelo, kughengu nono ti tomoke kutolo ni ye kiumu shi mlae.” Tighenguno mishighüna tipau je pesü Zoar kuvetsü.

BOTHUBO 14:2

kükami hipaqo no Sodom kükau Bera, Gomorrah kükau Birsha, Admah kükau Shinab, Zeboiim kükau Shemeber, eno Bela (ti ye, Zoar) kükau ishi sasü aghüshi.

BOTHUBO 13:10

Lot no pa nhethi tsüpuku no Jordan Khila huye azünihoi Ampeu ghutu toi, Zoar küdau Egypt yeghi toi aghikeu ithulu. (Hi ye Ampeu no Sodom ngo Gomorrah kütsa mphi züuke.)

AKIKIHI 21:29

O Moab, no ye ahasapuae! O Chemosh, nongu ye kütsavae! No lhou no nopuqo pelo kupokichemi shive peae, eno nongaqo pelo Amorimi kükau Sihon kughumi shive peae.

ISAIAH 59:7

Panongu pukhu no alhoksa lau powu cheni, eno mighimghai pimihami pithive cheni; panongu kükümsü ye kixikila kükümsü; hexapinyi keu ngo kütsakungoni keu no pano laghi ke.

JEREMIYA 4:19

I mlo ghime, I mlo ghime, ni ye aküsü lono ihi ani! O I mlo ghuju! I mlo no kukushi itha ani; ni ye inaqhoi ngolu amoe kughengu aghükishi kütüghü keu fuko ghügha chilu ani.

JEREMIYA 48:3

“Asütsa lakhi! Horonaim lono ighamku ani, ‘Küghüküghai eno kütsakungo kije!’

JEREMIYA 50:46

Babylon ikiqi keu sütsa chilu kemtsa, ayeghi kümtsü itha nani eno pano küqa no shiye kümtsü no chilu nani.”