ISAIAH 14:23 - Sumi Naga CL (Re-edited) Bible (BSI)

²³ “I no Babylon pesü achequ sala shivetsü nani, eno ayizükucho kughulhove no kütsakungo keu chhophe pesü khule nani,” ipi Aqokitikhi MPEU no shuphevae.

BAIBEL (BSI)

²³ Ino Babilon pesu ayizukucho shivetsu nani eno aqhaqhono tile auve nani. Ino achhophe pesu Babilon khuve nani eno thwokha kumtsu khusawuluve nani. Ni, Aqokitikhi MPEU no pitsu ani.”

ISAIAH 14:23 Referans Kwoze

ZEFANIA 2:14

Pichepighi eno tüghashi kümtsü no aphughi mta lo iqi ihozü nani; aqhaqho eno achequ thotsü liw qhemghaike chebo lo ngo nani; alashe lono igha nani; kütsakungo keu no ahukikha lo ngove nani; kughengu cedar sü no mlakeu ye muhumaive nani.

Piyeküsü 14:8

Kungumi akiniu no küpape ghi hitoi sheshu ighi, “Ikiqivae, Babylon akijeu, khuu no pitipüza ashupu asalha xine jukhu pesü shiye kümtsü shokümzü chekeno, li ye ikiqivae.”

KUKAMI ATUGHIU 14:10

Tighenguno julo, I no shiküpsa Jeroboam kibo lo süghi no pa lagha lo kiptimi, aqüaxemi na ililai akemi namu, I no pithive tsüni. Timi no amishiba piti pühave ketoi I no Jeroboam lagha piti pühave tsüni.

Piyeküsü 18:2

Pa no asütsa kuloghi lono ighamku pi, “Ikiqivae, Babylon akijeu huye ikiqivae! Li ye tüghami kungo-a, mithekumo ghawu, mithekumo ghau, mithekumo eno aphikümqhüpu tüghashi jeli kümtsü kicheqho-a shivae.

KUKAMI AKINIU 21:13

I no Samaria ghime keu kimghi eno Ahab kibo shou akimghi tu peitha keu pesü Jerusalem mighi nani. Timi no akhu ajukhu isü keshi, I no Jerusalem isü nani eno pishiqhope qhive nani.

ISAIAH 13:6

Mloqalo, kughengu Ampeu tsala ye kupunuvae, ti ye Akughushuu launo kütsakungo ighi akeshi nanie!

ISAIAH 13:20

Tiqheli kümtsü lo khunomu tile küghüna kithemo nani; Arabmi mu tile aphiki tshümae, ambekhemi mu tilau ambe qhimae.

ISAIAH 21:1

Azüghi phivilo asayeqha akeu ghenguno pimhelu keu tsape. Miyitsü no Negeb qha jole ighi keshi, asayeqha lo kümsa kimshipu yeghi lono aghümi cheni.

JEREMIYA 50:3

“Ahuu no shiye lakhi Babylon lenike ighi ani, tino li pesü küghüve tsü nani, eno khunomu tile küghüna move nani; timi ngo lhoxü kümtsü pove nani.

JEREMIYA 50:26

Aqha kümtsü lono li leighilo; eno li biale hepho ilolo; li pesü athi toi xukumqo pe amoqhe no kütsale lo; kiumu qhitsü kevilo.

JEREMIYA 51:62

eno pilo, ‘O Ampeu, Nono a-a hipau ye kütsave nani, hile timi na lhoxü namu kühave nani, eno alholo küghüve nanie pike.’