ISAIAH 14:1 - Sumi Naga CL (Re-edited) Bible (BSI)

¹ Ampeu no Jacob lagha kimiyeve no itaghi Israel kisheluve nani, eno pano yeghi lo sawo qhive nani, inaghami no Jacob laghami gholo xüküqhauve nani.

BAIBEL (BSI)

¹ AMPEU no pawu timi Israilmi shou itaghi kimiye qhiyikeu anani eno itaghi panongu kishelu nani. Panoqo pelo itaghi pano yeghilo kughunalupe nani eno inaghamino ighi puzu panoqo gholo kughuna nani.

ISAIAH 14:1 Referans Kwoze

LESHELE 102:13

Nono ithughi no Zion kimiye nani; hi ye li shou kimiye kepu tüqhüdo ke; kihitha püakeu tüqhüdo ye hike.

ZEKHARIA 1:17

Itaghi ighamku lo, aqokitikhi Mpeu no piani: Iw mishighünaqo ye itaghi küakini no qole nani, Ampeu no itaghi Zion lokughunotsü nani eno itaghi Jerusalem kisheluve nani.’”

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

JEREMIYA 50:33

“Aqokitikhi MPEU no ishi piani: Israel ngo Judah timi ye qodaqhi ani. Pano küghape wu kemi no pano khekuto pe phepuwo chemoe.

ISAIAH 49:13

O atsütsü, alovi ale phelo, O ayeghi, ighalo; O naghutoqo, alokivi le phelo! Kughengu Ampeu no Paw timi lopiqive tsüae eno aghime lo akemi shou Pa kikimiye puku tsüke.

JEREMIYA 29:14

nongu no I phulu nani, Ampeu no sheshu, eno I no nongu kinigha tsüchile nani eno I no khile nongu hapuwuve keno shiye kümtsü eno a-a kümtsü lono nongu sawo kumqo nani, ipi Ampeu no sheshu, I no a-a khipau lono nongu akughu lo puwuve keno tipa-a lo sachile saghi nani.

ISAIAH 66:20

Panongu no aghakhu kümtsü lono nongu thiküzümi akümllagho Ampeu tsükeu shi ghi sasü ideighi nani. Panongu no tipaqo sasü I kimthe toghi Jerusalem lo ighi nani. Eno Israelmi no athi kümllagho bohu kimthe lono Ampeu kilo pesü ighike toi, timi hipaqo ye khami no khurshi shouno, khami no khurkulu shouno, khami no tinhemgha puche keu shouno, khami no khurgha shouno, khami no sayeshi shouno ishi xapusü ighi nani, ipi Ampeu no piani.

ISAIAH 49:7

Ampeu, Israel Lhou Akimtheu eno Xachilekuluu no shishe küthakügha shive keu, shiyeqo no mithi chekeu yepemi qemi vilo ishi piani: “Kükami ngo kükapumi no ithulu no ithughi püzü nongu zülo pishiqho nani; kughengu Ampeu ye pükhükulupu, Israel Lhou Akimtheu no nongu kisheluvae.”

ISAIAH 44:1

“Itehi inilo, O I qeu Jacob, I no kisheluve keu Israel!

ISAIAH 41:8

Ikemu no, Israel I qeu, Jacob, khuu I no kishelu keno, Abraham polokiqi, no ye I poshuu ke.

ISAIAH 27:6

Ighinikeu tsala lo Jacob lagha ye akuhu qüsüve nani, Israelmi no mini ipeghi no punani eno axathi no ayeghi nhakha nani.

LESHELE 143:12

Ow iqemokeu kikimiye lono Nono I ghümi hathave nani, Nono I ghümi kümtsü kütsave nani, kughengu ni ye O qeu ke.

LESHELE 98:3

Pa no Israel kibolomi shou Paw iqemokeu kikimiye eno pükhükulu kümsüchilelue. Ayeghiqha shekichi kümtsü lono ni Lhouw xakulu ithuluvae.

ESTHER 8:17

Aphughi kümtsü lo khile akükau yezah ighi keno, tile Jewmi dolo amlokiqi eno alokivi, aghulhu eno tiqhetini shi. Eno aghakhu lo timi kutomo no panongu ghi Jewmi kepi shuphe, kughengu Jewmi kümsa no panongu shou ikughive ke.

Luke 2:32

Jewkumomi lau pephe piye kepu küvü lakhi, eno Ow timi Israelmi ghenguno ajuküvü ke.”

Luke 1:54

Pa no Paw kimiyekini kümsüchile luniye Pa qeu Israel kuphuvae,

ISAIAH 41:9

I no ayeghi shekhauno o saighi; eno tipau cheku shekhauno, I no o kulu eno o vilo ishi pike, “No ye I qeu, I no o kishelu eno o milive mphie”;

ISAIAH 45:14

Ampeu no ishi piani: “Egypt küakini ngo Cush lhidi, eno Sabeami sübosüghimi ye o lau ighive no ow shive nani; panongu ye o pape nani; panongu ye ayikichhe no tshüpe o zülo pishiqho nani. Panongu no ishi o qhüiniju nani: ‘Mtsüqheino Alhou ye O gholo ani, kütami khumu kühae, Pa nguno alhou kütau kühae.’”

ISAIAH 49:10

panongu ye khilemu müzüthi tüghüthi monani, amülhü momu khetsünhe kushu no pano shipüsa monani, kughengu panoqo kimiye chekeu no pano sache nani, eno azüpuki phivi lono panongu sawu nani.

ISAIAH 49:15

“Aza lakhi ye li nga kughunu kümsümalu nani keshea? Li ye li no punu keu nga kimiye move nani keshea? Li no kümsümave namu, Ni ye khilemu o kümsüma monani.

ISAIAH 49:25

Kughengu Ampeu no ishi piani: “Akumtomi no akughu shipüa keqo ghi xapheve nani; mkamihi kemi no küghape püakeqo ghi xapheve nani; kughengu I no nongu mjo chekemi mjochile nani, eno nongu tianuliqo xalu nani.

ISAIAH 54:3

Kughengu no ye o u piyiu eno ajeu küdau ikowove nani; eno o polokiqi no shiyeqo qhasüve nani eno mishighüna kümsa akeqo shepichhive nani.

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

ISAIAH 56:3

Inaghami Ampeu gholo xükime luvekeu pelo ishi pipe kevilo, “Ampeu no Paw timiqo gholono ni kilepheve nani”; eno shokomi pelo ishi pipe kevilo, “Julo, ni ye qhaikeu süboke.”

ISAIAH 60:10

Inaghami no nongu liwoqo shiqhekithe nani, eno panow kükamiqo no nongu huthu nani; kughengu I xukighide lono I no nongu ghimeqhi, ikemu Iw küpükini lono I no nongu kipimi qhitsüke.

ISAIAH 60:14

Nongu qodaqhi chekemi nuliqo no pishiqho pesü nongu lau ighi nani; eno nongu junuqhi kemi kümtsü nongu pukhu philo pishiqho nani; panongu no nongu pesü Ampeuw mishighüna, Israel lo Akimtheu, Zion ipi kunani.

EZEKEL 47:22

Nongu dolo eno inaghami nongu gholo auve no atianuli shive kemi sasü amheghi shi kijetha tsülo. Panongu ye Israelmi tianuli aghakütsami kiqi lono kihini, eno nongu Israel shiaye gholono amheghi kothape tsüni.

LESHELE 102:14

Kughengu O qemi no li tuquqo kimiye cheni, eno li yeghimkhu kimiye cheni.

ISAIAH 19:18

Tipa tsala lo Egypt yeghi lo mishighüna pungu no Canaanmi tsa pi eno aqokitikhi MPEU papeni ke tushoqhi nani. Tipaqo gholo lakhi ye Khetsünhe Phughi ipi ku nani.

ISAIAH 21:1

Azüghi phivilo asayeqha akeu ghenguno pimhelu keu tsape. Miyitsü no Negeb qha jole ighi keshi, asayeqha lo kümsa kimshipu yeghi lono aghümi cheni.

ISAIAH 47:1

O Babylonmi athathelimi, iqi ayeghimkhu lo iqalo; O Chaldeami ilimiqo, ayeghi lo kükalakhü kühakeu lo iqalo! Nongu ye hinguno hilau ye mtshaminhei ke pimoae.

JEREMIYA 16:15

ikemu ‘Ampeu xüküau no ahuu ghakhu eno ni haküghütsüve keu ghakhu kümtsü lono Israelmi sachile saighi,’ ipi nani. Kughengu I no pano puasüqo tsükeu yeghi lo panongu sachile ighi nani.

JEREMIYA 30:8

“Tipa ghuloki lo hitoi shinani, aqokitikhi MPEU no sheshu, I no kuokhasü panongu kuo lono hephove tsü nani, pano kütsüghaqo pitive tsü nani, eno panongu ye inaghami qeu shimove nani.

JEREMIYA 31:4

I no itaghi o shiqheni, eno o pesü shiqheve nani, O amikuchou Israel! Itaghi nono amqübo ikhipe alokivimi kighilhe shinani.

JEREMIYA 51:51

‘Ni thogha ke ghenguno ningu ye kujovae; akukujo no ni gi küzü luvae, kughengu inaghami no Ampeu ki alou akimthe-a lo iloghivae.’

EZEKEL 16:60

ikeghi o lhothe tsala lo toi Ni ye Iw puloshoqhi o sasü shikeu kümsülu nani, eno I no o ghenguno shekhaha puloshoqhi lakhi shi nani.