ISAIAH 13:9 - Sumi Naga CL (Re-edited) Bible (BSI)

⁹ Julo, aloghu ngo axukighide pesü ayeghi küghüküghaleive tsüno tile axinemi akeqo kütsave nike Ampeu tsala ayiküsapu shi cheni.

BAIBEL (BSI)

⁹ Jualo, AMPEU tsala cheni, amlo kighide ngo aloghuno ayikusa pushi cheni. Ayeghiye yenguyelei vetsu nani eno axinemi kumtsu kutsave nani.

ISAIAH 13:9 Referans Kwoze

MALAKI 4:1

“Kughengu julo, atsala ye cheni, amiphoki lo toi iqü ani, akuchhomami eno küsaküghami kümtsü aghijini toi pitive nani. Atsala tipau chekeu huno panoqo pitive nani, aqokitikhi Mpeu no pi, tishianguno tino panoqo ghenguno akuhu momu aloka mu qhimono pitive nani.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

ISAIAH 13:6

Mloqalo, kughengu Ampeu tsala ye kupunuvae, ti ye Akughushuu launo kütsakungo ighi akeshi nanie!

NAHUM 1:2

Ampeu ye anhekushu eno amkhükulu Lhou; amkhükulu eno axukighideu; Ampeu no Pa ghümi shou amkhü lu eno panoqo sala aloghu püa cheni.

LESHELE 104:35

Ayeghi lono axinemi piti pühave pelo, eno kixikilami kühave pelo! Ampeu sheqhelo, O I ngulho! Ampeu sheqhelo!

AHOLE 2:22

ikemu kixikilami ye Alhou no ayeghi lono ikhive nani, eno mqüqhi chekemi ye nhüve nani.

Piyeküsü 18:8

Hi ghenguno li tsüni keu püsa akithi, akumlo eno püqümiye, kümtsü ghulo lakhi lono ighive nani, eno li ye ami pesü pitiqhive nani; kughengu Ampeu Alhou Khuu li shou küghathabeve akeno, Pa ye Akughushu ke.”

ISAIAH 9:19

Aqokitikhi MPEU loghu no ayeghi pitivae, süküghüpu sü toi timiqo piti ani, eno khumu khuu püxülu amovae.

EZEKEL 13:5

Nongu ye atupikiye ileqive keu-a lo wumoe, momu Ampeu tsala, aghükishi lo akumto shilu kepushi Israel laghami ghenguno atupikiye shiqhe tsümoe.

JOYIL 1:15

Tipa tsala ghenguno ahae! Kughengu Ampeu tsala ye kupunuvae, ti ye Akughushuu launo kütsakungo ighi ketoi nani.

JOYIL 2:31

Ampeu tsala kije eno akümzapu ighi mphilo khetsünhe no zümoive nani eno aqhi no aji toive nani.

NAHUM 1:8

Ikemu Pa no züqozü kije pesü aghümi qhoi kishekhave tsü nani, Pa ghümi hasü aküzü lo ilo nani.

ZEKHARIA 14:1

Julo, nongu launo xuleluve keu pesü nongu küa lono kijeluve kepu, Ampeu ghenguno atsala cheni.

ISAIAH 2:12

Kughengu aqheküzami eno tsütsüngoju kemi ghenguno aqokitikhi MPEU no atsala lakhi kuto püani tipani no panoqo sünheqhive nani;

ISAIAH 34:8

Kughengu Ampeu no amkhü lutsü nike, Zion ghenguno tha-lo tsünike ado kughu püani.

ISAIAH 63:4

Kughengu amkhükulu tsala ye I mlo lo ani, eno I no xaluni keu mpe ye ighivae.

ISAIAH 66:17

Ampeu no sheshu ani, “Khunono aghutuqo lo tüghachine ghenguno aphi kimthe shicheni, eno tilau shekujo wucheni eno khunoqo no awoshi ngo ajifu eno aphikümqhüpu chuqupu chucheni keno, tipaqo ghenguno ye ashekha shiveni keu kupunuvae.”

EZEKEL 30:3

Kughengu atsala ye kupunuvae, Ampeu tsala ye kupunuvae; ti ye khüngküsü no nhapho keu tsala, shiyeqo ghimepu tsalae.

JOYIL 2:1

Zion lo afuko küighalo; I kimthe toghi lo kütüghülo! Aghakhu lo küami kümtsü no khokhoshi pelo, kughengu Ampeu tsala chenie, ti ye kupunuvae,

ZEFANIA 1:15

Tipa tsala ye aloghu tsala, aghime eno amloghuju tsala, ixapinyi eno kütsale keu tsala, züchiyi keu eno aküzü tsala, khüngküsü kutho zümoike tsala,