ISAIAH 11:16 - Sumi Naga CL (Re-edited) Bible (BSI)

¹⁶ Israelmi no Egypt yeghi lono ipe kelo pano ghenguno alaghila aghike toi, Paw timi ghüpüaghi kemi ghenguno itaghi Assyria lono alaghila kije lakhi anani.

BAIBEL (BSI)

¹⁶ Asiriya kudauno alaghila lakhi pawu Isrilmi ghenguno auve nani, tilau puxupe aghikeqo ghenguno, tiye panoqo puasuno Ijip qhive no wuvekelo aghikeu toi nani.

ISAIAH 11:16 Referans Kwoze

ISAIAH 19:23

Tipa tsala lo Egypt lono Assyria kutolo alaghi kuloghi auve no Assyriami no Egypt lo ighi, Egyptmi no Assyria lo wunani, eno küma kümtsa mlla nani.

ISAIAH 11:11

Tipa ghuloki lo Ampeu no Assyria, Egypt, Pathros, Cush, Elam, Shinar, Hamath, eno azüghimkü lo Paw timi achilishi ghüpüaghi keqo itaghi ghuthu akiniu xaphe nike Pa küka peitha nani.

ISAIAH 62:10

Kathawu lo, khagho kathawu lo; timiqo ghenguno alaghi kutolo, shiqhelo, aghüzü laghi shiqhelo; tile atuqo ikhivelo; amchipu timiqo shou süqhelo.

ISAIAH 57:14

Hitoi piche nani, “Shiqhelo, shiqhelo, alaghi kutolo, Iw timiqo laghi lono vekhape akeu kümtsü ikhive lo.”

ISAIAH 51:10

Azüghi kutho chethove pekeu, tishikeu lono Nono xachile luve kemi pelo katha ikulu pekeu ye Noke kumo keshea?

ISAIAH 49:12

Julo, hipaqo ye aghacheu no ighi nani; ahuu eno kulolau no ighi nani; eno Syene yeghi lono ighi nani.”

ISAIAH 27:13

Tipa tsala lo afuko kuloghi küigha nani, eno khunoqo Assyria yeghi lo pühave momu Egypt yeghi lo haphe sawuve keno, panongu no ighi no Jerusalem lo akimthe toghi lono Ampeu mlla nani.

ISAIAH 1:9

Aqokitikhi MPEU no ningu ghenguno ghükulumi aghulo qhitsümo keaye, ningu ye Sodom ngo Gomorrah toive aghini che.

ISAIAH 10:20

Tipa ghuloki lo Israelmi ghükulumi eno Jacob lagha lo kixiphelu keqo ye pano ghime chekemi shou kumono kuchou lono Ampeu, Israelmiw Akimtheu shou mungu nani.

ISAIAH 49:11

I no Iw naghuto kümtsü alaghi kughulhove nani, eno I laghila shikithe nani.

ZEFANIA 2:7

Azüghimkü huye Judah lagha lo ghülu kemi sala shive nani, pano tsü-aqu no tile mzachu eno akhemi no kijiliu Ashkelon lo aki akeqo lo ihozü nani. Kughengu Ampeu panongu Lhou no panoqo kümsülu no pano ngukümgha tsüchile nani.

IPEKULU 14:22

Israelmi no azüghi mta lo qhaive keu yeghi lono wuve, panongu ghenguno azü huno au ajeu ngo piyiu aliwo kuptu shi ngove tsüe.