ISAIAH 11:1 - Sumi Naga CL (Re-edited) Bible (BSI)

¹ Jesse süzüngü lono akhuni ipeghi nani, eno pa kuhu loka lono axathi pithi nani.

BAIBEL (BSI)

¹ Jese suzungu lono apishe lakhi ipeghi nani eno pakuhu lono aloka lakhi ipeghi nani.

ISAIAH 11:1 Referans Kwoze

JEREMIYA 23:5

“Jualo, Ampeu no asheshu, I no David ghenguno amikucho Loka lakhi süqheni keu tsala cheni, pa no akükau shino alokütsü lono ayepe nani, eno ayeghi lo kuchou xakütha ngo achipiu mikucho anani.

Piyeküsü 22:16

“Thime hipaqo pesü akukuhouqo lau sheshu penike Ni, Jisü no Iw kungumi puwuvae. Ni ye David laghami kuhu aghü, inaqhe yepu vüqai keue.”

ZEKHARIA 6:12

Eno pa vilo pilo, ‘Aqokitikhi Mpeu no ishi piani, “Khuu je no Aloka keno, julo: pa ye pa-a lono aloka qüpuwu nani, eno pa no Ampeu chineki shiqhe nani.

Piyeküsü 5:5

Tileno layemi gholo lakhi no I vilo pi, “Qa tavelo; julo, Judah shiaye lo Abongshuu, David kuhu aghü, huno theqhi luvae, ikehu Pa no michida tsüni lhave no liküküzü kaku xükho nani.”

ZEKHARIA 3:8

Hi inilo, O achinetou Joshua, no eno o küsami o zülo iqa akeqo ye amchipu timiqo ke: julo, I no I qeu Aloka hu süghi nani.

JEREMIYA 33:15

Tipa tsala eno aghuloki lo David ghenguno amikucho Loka lakhi I no ishe ipeghi penani, eno pa no ayeghi lo achipiu eno amikucho xakütha shinani.

ISAIAH 53:2

Kughengu pa ye Alhou zülo asübo khuni lakhi toi thuwu, eno qhaike yeghi lo akuhu qüsüpe aketoi keu ke; Pa ye kogheküghü momu akükanguagha kiumu kühake, kiu lonomu Pa jukepu kühae; momu jukivipu kiumu kühake, pa mine akepu kiumu kühae.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

Rommi 15:12

Itaghi Isaiah no pi, “Jesse kuhu-aghü lono ighi nani, shiye shou aye peniye ithu chekeu shou Jewkumomiu no laju nani.”

ISAIAH 4:2

Tipa tsala lo Ampeu pishe-amzü ye jukivipu eno ajuküvüpu shi nani, eno ayeghi lo axathi ipeghi keu no Israelmi ghükulumi kijivile eno agigihupu shilu nani.

ISAIAH 11:10

Tipa ghuloki lo shiye kütami no Jesse kuhu, khuu ashiayeqo ghenguno amchipu shi ithughi nani keno, pa jekipi kungo-a lo pa phusü ighi nani.

SAMUEL ATUGHIU 17:58

Saul no pa vilo pi, “Apumi, no ye khuno nu kea?” David no khochile, “Ni ye Bethlehemmi o qeu Jesse nue.”

RUTH 4:17

Eno asa-aho lo totimiqo no pa je kutsü no pi, “Anu lakhi Naomi lau punuvae.” Panongu no pa je Obed kutsü. Pa ye Jesse papu, David pasü ke.

MATTHEW 1:1

Jisü Khristo, David nu, Abraham nu, puasüqo laghaphi kaku.

IBRIMI 7:14

Ni Mpeu ye mtsüqheino Judah laghami ke; eno Moses ye pano lagha jeku püamoe.

SAMUEL AKINIU 23:3

Israel Lhou no piqhivae; Israel Tuqu no I vilo pivae: Kughou milakhi no achipiu lono, Alhou sümsa ghi ayepeni keno,

ISAIAH 6:13

Chighi lo lakhi ghüpüaghi namu tighi piti kitheve nani. Ikemu aphisübo yeqhi kelo azüngü likhive cheke toi tipau züngü lono apiti kimthe ipeghi nani.”

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

EZEKEL 37:25

I no I qeu Jacob tsükeu yeghi, khile nongu puasüqo no xüche keno nongu no tile küghüna nani. Panongu eno pano tianuli ngo atilimi no tilehi alholo küghüna acheuve nani, eno I qeu David no alholo panow kükapuu shive nani.

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

YEKIKITHI ATUGHIU 2:12

Obed eno Jesse.

LESHELE 145:11

Panongu no O kükaqha juküvü ghili kügha nani eno O küka ghili pi nani,

EZEKEL 17:22

Ampeu no ishi piani: “Ni ampi no qhemghai keu cedarbo kütsüqa lono akhuni pughotha pesü wunani. I no tipau akemtsü lo akhuni kümtsha pigheve nani, Ni ampi no tipau pesü qhemghaike-a eno chuqumghai keu naghuto lo shosü nani.