ISAIAH 10:22 - Sumi Naga CL (Re-edited) Bible (BSI)

²² Kughengu now timiqo no azüghi lo asaye jehi anamu ghükulumi aghulo likhino ideighi nani. Kütsakungo kepu za ye achipi lono shuphevae.

BAIBEL (BSI)

²² Itehi Israilmi ye azughilo asaye jejehi aghi namu timi aghulo likhi ideghi nani. Timiqo ghengu kutsakungo keu qhipe puani eno tiye ithulu kuzupuke.

ISAIAH 10:22 Referans Kwoze

ISAIAH 6:13

Chighi lo lakhi ghüpüaghi namu tighi piti kitheve nani. Ikemu aphisübo yeqhi kelo azüngü likhive cheke toi tipau züngü lono apiti kimthe ipeghi nani.”

Piyeküsü 20:8

eno pa no ayeghiqha cheku bidi lo shiye jeli akeqo pishiqhini ke, eno aghü shinike ghenguno Gog ngo Magog hekütsü nani; pano kikihi ye azüghimkü lo asaye jehi ake.

DANIEL 9:27

Apinedo lakhi ghenguno pa no kutomo sasü puloshoqhi kumto mla nani eno apinedo tüxa ghenguno pa no aghakishi ngo akümllagho lakhave nani. Eno aphikümqhüpu chishibo lono kütsakungo nikeu ighi nani, eno kishekhani keu za shi püakeu huno pa shou lepuku tsümoke kutolo pa ye tile anani.”

Rommi 2:5

Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.

Apostolmi 17:31

kughengu Pa no timi lakhi kishe püakeu vecheo amikucho lono ayeghiqha shou küghathabe nike atsala kihithavae; eno hi ye shinani pütsae pikeu shi Pa no timi hu akithi lono xüputhue.”

ISAIAH 8:8

eno Judah qha kümtsü qoiloghi no akuo kutolo yimi ikughive nani, pa chishibo sükhope nongu yeghi kümtsü qhawo nani, O Immanuel.”

ISAIAH 6:11

I no pi, “Khitohi kea, O Ampeu?” Pa no pi, “Aphughi lo eno aki lo küxümi kühano kümsa ixapinyi eno ayeghi no yenguyive moke kuto,

KUKAMI ATUGHIU 4:20

Judah ngo Israel lo timiqo ye azüghi mkülo asaye toi ikowove. Panongu no chusho luno ighono alokivi shilu.

BOTHUBO 18:25

Tikithipu shi amikuchomi pesü küsaküghami gholono pithiveni keu ye O launo putosüve lo, tishive aye amikuchomi ye küsaküghami paphi shivae! Ti ye O launo putosüve lo! Ayeghi kümtsü shou Xaküthau ye achipiu shimoni keshea?”

HOSIYA 1:10

Tishimu Israel tianuliqo kikihi ye azüghi lo asaye toive nani, ti ye mighimla momu kihimla ke. Eno khileno panoqo vilo, “Nongu ye Iw timi kumoe,” ipi keno, tileno panoqo vilo ishi pi nani, “Aküxüpu Lhou nuliqo.”

ISAIAH 46:3

“O Jacob kibolomi, I tsa inilo, Israelmi ghükulumi kümtsü, nongu punu mphi lono I no nongu tucho hiju ighi, eno atita lono I no nongu tuchosü ighike;

ISAIAH 48:19

nongu lagha no asaye jehi, eno nongu kughuko no athi toi aghini cheke; panongu je ye pühave moniche momu I zülono kütsave moni cheke.”

ISAIAH 60:22

Nongu gholo kihi kelo aghuloshi aghikeu no alimi shive nani, eno kümtsü gholo aghulou no shiye kumto shive nani; Ni ye Ampeu ke; eno ado achipi lono I no ti shikupu nani.

ISAIAH 65:8

Ampeu no hitoi pi ani: “Atsaizü kithe no abohu lo akeloye, timiqo no picheni, ‘Hipau kütsa kevilo, kughengu tile kükümgha anike,’ tihutoi, I qemi ghengu likhino Ni ghi kümtsü kütsavemo nani.

KUKAMI AKINIU 19:31

Kughengu Jerusalem lono ghükulumi ipe nani eno Zion Toghi lono aküxü achili shi aghi keqo amqoshi ipe nani. Ampeu no hi shinani.

ISAIAH 37:31

Judah lagha lo ghükulumi aghi keqo no itaghi aqhou akuhu qüsü no kunguu no axathi pithi nani.

ISAIAH 59:20

Ampeu no piani, “Xachilekuluu ye Zion lo, Jacob limi khunoqo axine lono ideighive akeno, tipaqo lau ighi nani.”

JEREMIYA 3:14

Ideighilo, O aküpülü küküha tianuliqo, ipi Ampeu no asheshu; kughengu Niye o MPEU ke; I no aphughi lono nongu lakhi luni eno akibo lono kini luni, eno Zion lo nongu saghini.

JEREMIYA 44:28

Ikemu nongu gholo kihikulu khami azütakikihi lono pokalu keqo no Egypt lono Judah lo ideighi nani. Tithiu no Judahmi ghükulumi khunoqo Egypt lo xünike ighi keno, tipaqo no I tsa no keo, pano tsa no kuchou keno ithi nani.