ISAIAH 1:5 - Sumi Naga CL (Re-edited) Bible (BSI)

⁵ Kushiye nongu heqhi apeni kea? Nongu ye kushiye hebide auveni kea? Azaku no akütsü kuchopu sü ani, eno amlo no pumhomoivae.

BAIBEL (BSI)

⁵ Kushiepi nongu ghimeqhi anipe kya? Nonguye kushiye hebide auve cheni kya? Itaghi alaushi nongu ghimeqhi peniye kesha? Israilmio, nongu kutsuye azakuno nhaluvae eno nongu mlo phomoyivae.

ISAIAH 1:5 Referans Kwoze

EZEKEL 24:13

Ghaghughale mithekumo ghenguno Ni ye nongu shikimtheni cheke, nongu shou I loghu ghapiqi lumoke kutolo nongu pesü shikimthe monani.

JEREMIYA 5:3

O Ampeu, O nhethi ye kuchou ju cheni ke kumo? Nono panongu ghaqhi kemu panongu ye amloiju moe, Nono panongu chisheqhi keghi panongu ye shikithe moe. Panongu no pano gi pesü atuqu nguno akümkau shive; panongu no xaideni keu milive.

ISAIAH 31:6

O Israelmiqo, nongu no shisheno khuu mjochileve akeno, Pa lau tsüghü ighilo.

JEREMIYA 5:31

tungkupmi no akimki tungkuptsa pi, achinemi no pano gholau no ayepe; Iw timiqo no hipau ghola kimiye, ikemu ashekha tsala ighi kelo no ye kiu shinia?

JEREMIYA 9:3

Panongu no pano mili pesü asüzü toi sükuho; kuchou no kumono akimkiu no ayeghi lo mtotoi thuwu ani; panongu no axine lakhi lono lakhiu shino Ni ithimo ke, ipi Ampeu no asheshu.

JEREMIYA 2:30

Ni ye adou lono no tianuliqo heqhivae; panongu no shikithe kütsü ikhilu tsümoe; abongshuu yiküsa toi nongu züta no now tungkupmi ghiqhivae.

NEHEMIA 9:34

Niw kükami, sakiphemi, achinemi, eno apuasüqo no O yezah papemo, O zakütsü lo amlo tsümo, eno ghutu keu tsa ini tsümoe.

JEREMIYA 5:5

I no kijemiqo lau wuni eno panongu vilo pini, kughengu panongu ye pano Lhou Ampeu laghi ithi ani.” Ikemu kümtsü no aphiphishi kuokhasü hephove; eno akütsüghaqo kuqhove ke.

ISAIAH 33:24

Aghakhu lo küami khumu, “Ni ye sü ani” ipimo nani; tile akemi kipimi pevetsü nani.

ISAIAH 9:21

Manasseh no Ephraim, eno Ephraim no Manasseh süqhi; pama küqhano Judah mjochile. Ikeghi Ampeu loghu ye tave mphi eno Pa u ye xachhope aphike.

ISAIAH 9:13

Ikemu timiqo no aqokitikhi MPEU, pano ghime keu lau xaidemo eno inijumoe.

ISAIAH 1:23

Now sakiphemi ye hekibidemi eno küpkami gholo kichemie. Kümtsü no külügho kimiye eno müamzü tughotili phu acheni. Panongu ye mighimi lau kuchou xakütha tsüchemo, eno chimemi ghenguno puthugho tsüchemoe.

YEKIKITHI AKINIU 28:22

Paw shiluküsa ghuloki lono pa ye alau Ampeu lau amikucho shimove, hi ye akükau Ahaz ghili pi anike.

KUKAMI AKINIU 1:13

Akükau no itaghi aküthüu ghüshimi lhopungu shou kepten gholo paw ghüshimi lhopungu pa lau puwu. Kepten aküthüu no iqhoghi no Elijah zülo qhoqhünhepe pa vilo pi, “O Alhouw timi, kimiyeno ni eno o qemi lhopungu küxü o nhethe lo küpüqhiyi tsülo.

JEREMIYA 13:23

Ethiopiami ye pa yiko kililu momu akhighiu ngushuu ye akütsükive kililu nani keshea? Tishiaye nongu alhoaye lono alhoksa shikemi ghi kili mla nani.

JEREMIYA 17:9

Amlo ye thime kümtsü nguno pishikiqhiue, shipivimla kepushi sü ani; khuu no ti vethakulupu kea?

JEREMIYA 44:15

Tile timi khijeno pano nipuqo no akümllagho pesü kütau lhouqo tsü chekeu ithi akeno, eno totimi puthugho akeqo ngo Egypt yeghi lo Pathros lo küxümi, aqo kije kuho kumqo akeqo kümtsü no Jeremiah khochile:

AKUMLO 5:17

Hi ghenguno ni mlo ye sü ani, hi ghenguno ni nhethi ye zamemeivae,

EZEKEL 34:4

Nongu no miqemlei kemi shikumto tsümoe, aküsüu shipivi moe, aghüza kupuu khakide küdai tsümoe, itsüsü wuve keqo sachile ighimoe, pühave keqo phuwu moe, eno mkamihi panoqo shou ayepeke.

EZEKEL 34:16

I no pühave keqo phuwu nani, eno I no itsüsü wuve keqo sachile ighi nani, izapusü akeqo khakide küdai tsü nani, miqemlei keqo shikumto tsü nani, eno atha pubeyi akeqo ngo akumto shi akeqo ye I no kütsave nani. Achipiu lono I no panoqo loji nani.