ISAIAH 1:25 - Sumi Naga CL (Re-edited) Bible (BSI)

²⁵ I no nongu shou I u ghapukuni eno nongu baghu kümtsü ayi ghukimthe keshi pitive tsüni.

BAIBEL (BSI)

²⁵ Ino nongu shou i-u ghapuku nani eno ayi piti kimthe ketoi ino nongu thakutsughuni eno nongu baghu kumtsu ikhiphe nani.

ISAIAH 1:25 Referans Kwoze

MALAKI 3:3

Pa no ghükayi ghukimthe eno thakimthe chekemi toi iqa nani, eno pa no Levi nuliqo shikimthe no ghükayi ngo ameshoyi toi panoqo ghukimthe nani, eno panongu no achipiu mikucho lono Ampeu lau akümllagho süghi nani.

JEREMIYA 9:7

Tighenguno aqokitikhi MPEU no ishi piani: “Jualo, I no panongu thakütsüghü eno pejuni, Iw timiqo ghenguno Ni ye kiu shilo pi kea?

ISAIAH 4:4

Ampeu no Zion limiqo xine qhuve tsüno küghatha kepu mi pesü Jerusalem no aji dapu akeu pitive kethiuno titoi shinani.

ISAIAH 1:22

Ow ghükayi ye abaghu shivae; o tsaizü akiviu ye azü kitevae.

ZEFANIA 3:11

“Tipani nono I hebide püaghi namu Ni ye o shikujomo nani; kughengu I no o launo aqheküzami tsütsüngoju chekemi ikhive nani, eno Iw akimthe toghi lo nongu ye akuchhoma shikithe mo nani.

EZEKEL 22:22

Ayi kiyiqi miküqü lono ghükayi pitive ketoi, nongu ye tipau lono pitive nani, eno Ni ye Ampeu kepi nongu no ithi nani; I no I loghu nongu shou lepuku nani.”

EZEKEL 20:38

Nongu dolo hekibidemi eno I mjochile ghi axine shi chekemi ye I no ikhive nani. Ayeghi khile panongu no kachena shicheni keno tile no I no panoqo saipeghive nani, ikemu panongu ye Israel yeghi lo ilolumo nani. Tileno nongu no Ni ye Ampeu kepi ithi nani.

JEREMIYA 6:29

Amülhübo no mkamghai fue; ami no aküsayi piti kümlave; ikemu kixikilami ghukimthe mla kehu piti akeu ye adou shive.

Piyeküsü 3:19

I no khunoqo kimiye cheni keno sakiyi eno shikümzü cheni, ikehu aghüthi küxü shino xaidelo.

MATTHEW 3:12

Pa ye athi gholono amuu kütashi fuleve no pa niqa shikimtheve nike pa u lo aphighi pe ani, eno pa no pa thi pekütsüpe ale lo süve nani, ikemu amuu ye pa no ghapinhe kümlapu mi lono pitive nani.”

EZEKEL 22:20

Milakhi no ghükayi, alazayi, ayi, aküsayi, eno tinyi pesü ayi kiyiqi miküqü lo xukumqo no ami lono tipaqo piti niye fuake toi I mlokighide eno I loghu lono I no nongu xukütsü nani, eno I no tile nongu vesüve no pitive nani.

ZAKINIU 32:43

“O kungugha, Paw timi gholo alovilo; alhou kümtsü no Pa zülo pishiqho lo, kughengu Pa nuliqo jih peleve keu Pa no amkhü lutsü eno Pa ghümi shou amkhülue. Pa no Pa mithi kemi lochile no Paw timi yeghi shikimthe tsü.”

LESHELE 119:119

Ayeghi lo kixikilami kümtsü Nono tübatüzü toi milive cheni, ikehu O kükütsüqo I no kimiye cheni.

ISAIAH 27:9

Ikehu hipau vecheo Jacob kipimi ye tha-love tsü nani, eno hipau no pa xine pevetsü keu xathi shinani: pa no akiptia lo atuqo pesü asayetu toi kubove tsü, Asherim momu axokütsüngü kiptia qhimove nani.

EZEKEL 22:19

Tighenguno Ampeu Alhou no ishi piani: Nongu no abaghu shive ake ghenguno julo, I no Jerusalem lono nongu hekütsü luve nani.

JEREMIYA 9:6

Qhasü keu no veqabe, eno pishikiqhi no veqabe, panongu no Ni ithini ke lachile ipi Ampeu no asheshu.