IPEKULU 8:3 - Sumi Naga CL (Re-edited) Bible (BSI)

³ Nile lo achuyi lho nani eno tipaqo no o ki, o chebo, o lüpa, o qemi, ow timiqo kilo, eno o miphoki ngo o na-khulho liqo lo iloghive nani.

BAIBEL (BSI)

³ Nayil ye achuyino chhive nanike tipaqono tipaa qhiveno okuka kilo, ozuabolo, ozualo, owu kijemi kilo eno nowu timi kilo ighive nani eno nomiphoki eno ali loghi ilove nani.

IPEKULU 8:3 Referans Kwoze

LESHELE 105:30

Pano yeghi ye achuyi no nhakhave, kükami chebo lo ghi tipaqo no chhitoive.

IPEKULU 12:34

Ikehu timiqo no pano shokishi li lo kholaqhi sümokeu sho kunupe aphi no mushove eno panoqo bighi lono xapu luve.

IPEKULU 8:2

Ikemu tsala nono panoqo puwuni keu milive aye, julo, I no o ghakhu kümtsü lo achuyi püsa puwu tsüni.

IPEKULU 8:4

Achuyiqo no o shou, ow timiqo shou eno o qemi kümtsü shou ikughive nani.”’”

IPEKULU 10:6

eno tipaqo no o ki, o qemi ki eno Egyptmi kümtsü ki nhachhive nani, ti ye o puasü noqo no ayeghi lo ighike lono ishi kutolo khilemu ithumla aphi keu ke.’” Tishino pa ye Pharaoh launo tsüghüsü ipeve.

YEKIKITHI AKINIU 22:11

Ikemu akükau nga Jehoshabeath no akükau nuliqo pithi akelono Ahaziah nu Joash sawo küsü no pa eno pa saputhu akeu aqeliu pama aküzü chebo lo qhive. Hitoi Jehoshabeath khuu Jehoram nga eno achineu Jehoiada nipu eno Ahaziah chepu ghi keno, li no Joash pesü Athaliah launo küsüve eno pa ye pithi move.

IPEKULU 7:11

Tithiu Pharaoh no alokütsümi ngo küdüumi ku, eno Egypt lo küdüumi ghi panow tuqhou mqü vecheo tipaphi shilue.

IPEKULU 8:11

Achuyiqo ye o launo, o kibo, eno o qemi ngo ow timiqo launo wuve nani. Tipaqo ye Nile lo likhi ngove nani.”