IPEKULU 8:12 - Sumi Naga CL (Re-edited) Bible (BSI)

¹² Ikehu Moses ngo Aaron no Pharaoh launo ipeve, eno Moses no Pharaoh sasü pulo küqhave ketoi, pa no achuyi ghenguno Ampeu lau ighamkue.

BAIBEL (BSI)

¹² Tithiu Muse ngo Aron pama ye akukau launo cheve eno Muse no AMPEU vilo akukau shou achuyiqo puwu keu ikhivetsu lo pi inikhu.

IPEKULU 8:12 Referans Kwoze

EZEKEL 36:37

“Ampeu Alhou no ishi piani: I no Israel kibolomi ghenguno shitsüni ke pano pelo ambeloji toi panow timiqo kughukotsü penike hi ghi I vilo khupe nani.

SAMUEL ATUGHIU 12:23

Tinguno alau, ni ye nongu ghenguno inikhu mono Ampeu zülo pimive keu shimo nani, ikemu kiu no akivi eno achipiu laghi keno I no tipaqo nongu kütsüshika nani.

IPEKULU 32:11

Ikemu Moses no Ampeu pa Lhou qhüiniju no pi, “O Ampeu, kushiye Ow timi, khunoqo Nono aküka kije eno akughushu u pesü Egypt yeghi lono saipeghi keno, panoqo shou O loghu no shukuthui piti amasa kea?

IPEKULU 10:18

Ikehu pa no Pharaoh launo ipeve no Ampeu lau inikhue.

IPEKULU 9:33

Ikehu Moses no mishighüna lono Pharaoh launo ipeve no Ampeu lau pa u peqhe, eno pasapagha ngo mürasü kishekhave, tsütsüghu no ayeghi lo ghuqhi move.

IPEKULU 8:30

Ikehu Moses no Pharaoh launo ipeve no Ampeu lau inikhu.

IPEKULU 8:8

Tileno Pharaoh no Moses ngo Aaron kuno pi, “I lau eno Iw timi launo achuyiqo ikhi süwuve tsü penike Ampeu lau qhüiniju tsülo, eno I no timiqo pelo Ampeu lau aghakishi tsülu penike puwunie.”

IPEKULU 8:13

Eno Ampeu no Moses tsa kiqi lono shivetsü. Achuyiqo ye aki lono, akikhala, eno aluza lono thikhave.

LESHELE 105:31

Pa no azah tsükelo amiyi no taighive, eno amthuqo no pano ghakhu kupuju nhakhave.