IPEKULU 8:10 - Sumi Naga CL (Re-edited) Bible (BSI)

¹⁰ Pa no pi, “Thoghiu.” Moses no khochile, “Nono pi ketoi shini, tishikeu lono o pelo Ampeu ni Lhou toikeu ye khumu kühae pi ithi penie.

BAIBEL (BSI)

¹⁰ Ikelo akukauno pi, “Ighenguno thoghiu inikhu tsulo.” Muse no ishi pi, “Nono khu akeu toi ino tishi tsuni, tileno nono ithi nanike niLhou AMPEU toi kemi alhou kutau kuhae.

IPEKULU 8:10 Referans Kwoze

ISAIAH 46:9

khaghi ghili kümsülu lo; kughengu Ni ye Alhou, eno kütami khumu kühae; Ni ye Alhou, I toike kütami khumu kühae.

LESHELE 86:8

O Ampeu, O toikeu lhou kütau khumu kühae, O kümla toike kiumu kühae.

YEKIKITHI ATUGHIU 17:20

O toi kemi lakhimu kühae, O Ampeu; eno ni kini no chiluve ake O nguno alau Alhou kütau ye kühae.

SAMUEL AKINIU 7:22

Tighenguno No ye kije ke, O Ampeu Alhou. Ni kini lono chilu keu kiqilo O toi keu khumu kühae, eno O nguno alau ye Alhou kütau kühae.

ZAKINIU 33:26

“O Jeshurun, Alhou toike khumu kühae, Pa no kükanguagha lono atsütsü kathasü o kuphu nike cheni.

IPEKULU 9:14

Kughengu itehi ye I no püsa kümtsü no ampi shou eno o qemi ngo ow timiqo shou puku nani, tishikeu lono ayeghiqha kümtsü lo I toi kemi khumu kühae pi nono ithi nani.

James 4:14

Kughengu thoghiu ye kiu shive nani keno nongu ye mtha aphie. Nongu küxü ye kiu kea? Kughengu nongu ye akimhi no ado kitila ipeghi no pai hauve ketoi ke.

ISAIAH 40:25

Imaye, I sasü kimhe kepu I toike khuu ania? Akimtheu no pi.

AHOLE 27:1

Thoghiu ghili pesü qheza kevilo, kughengu no ye ado no kiu süghi nani keno mthake.

LESHELE 83:18

tishiaye panongu no O likhi no Ampeu, eno ayeghi kümtsü shou Shishe Akiqheu kepi ithive nani.

LESHELE 9:16

Ampeu no Paw küghakütha pephe piyevae; küsaküghami ye pano u lo kümla lono kitime luvae.

ZAKINIU 32:31

Ni ghümiu ghi pano tuqu ye ni Tuqu toimo kepi ithi anie.

ZAKINIU 4:35

Nongu lau hi piye keu ye, nongu pelo Ampeu ye Alhou kepi ithi peniye ke; Pa nguno kütami ye khumu kühae.

IPEKULU 15:11

“O Ampeu, alhouqo dolo khuu no O toi kea? Aküka kughushu, ajuküvüpu kümla lo sheqheküzü, akümzapu mla chekeu, Khuu no O toi kea?

IPEKULU 9:29

Moses no pa vilo pi, “I no mishighüna lono ipeve kemtsa, Ampeu lau I u peqheni. Pasapagha ye kishekhave nani, eno mürasü kühave nani, tishikeu lono ayeghi ye Ampeuw kepi nono ithi nani.

IPEKULU 8:9

Moses no Pharaoh vilo pi, “I pelo kughou no o ghenguno, eno o qemi ngo ow timiqo ghenguno qhüiniju tsü penishi ani keno azah tsülo, tishianguno o launo eno o kibo lono achuyiqo hapheve tsüno Nile lo likhi ngove penie.”

ZAKINIU 3:24

‘O Ampeu Alhou, No ye itehi no O kighiche eno akumto pesü O qeu piyethu aphie. Kughengu Ow akümzapu kümla Nono shi aketoi kungugha lo eno ayeghi lo alhou khuu no shikulupu kea?

ZAKINIU 4:39

Tighenguno ishi tsala lo hi ithi no nongu mlo lo qhilulo, Ampeu ye kungugha lo eno ayeghi lo Alhou ke; kütami khumu kühae.

ISAIAH 40:18

Imaye nongu ye khuu momu kiu pesü Alhou kimhe tsüni kea?