IPEKULU 6:8 - Sumi Naga CL (Re-edited) Bible (BSI)

⁸ I no Abraham, Isaac, eno Jacob noqo lau tsünie pi tushoqhi püakeu yeghi lo nongu saghi nani. I no tipau amheghi shi nongu tsü nani. Ni ye Ampeu ke.’”

BAIBEL (BSI)

⁸ Ino tsaqui no Abraham, Isak eno Jakob tsunikeu shi tushoqhi vekeu yeghilo ino nongu saighi nani; ino tipau nongu mheghipu shi nongu tsu nani. Niye AMPEU ke.’ ”

IPEKULU 6:8 Referans Kwoze

BOTHUBO 26:3

Hipa yeghi lo ado hami ngolo, eno I no o gholo anani eno o kümghatsü nani, kughengu o lau eno o tikughukomi lau I no ayeghi hi kümtsü tsü nani, eno o pu Abraham lau ashoqhi khikhi I no tushoqhi keno tipau shikupu tsü nani.

BOTHUBO 15:18

Tipa tsalani Ampeu no Abram sasü puloshoqhi lakhi shino pike, “O tikughuko lau I no ayeghi hipau tsü ani, Egypt ghoki lono aghoki kije, Euphrates ghoki kuto,

EZEKEL 20:42

Israel yeghi, aghakhu khikhi I no nongu puasüqo tsüni kepi tushoqhi keno, tile I no nongu saighi kelo nongu no Ni ye Ampeu kepi ithi nani.

BOTHUBO 14:22

Ikemu Abram no Sodom kükau vilo pi, “Ampeu, Shishe Akiqheu Lhou, atsütsü eno ayeghi pighiu lau I no I u peqhevae,

EZEKEL 47:14

I no kiu o puasüqo tsünike tushoqhi keno ti ye nongu dolo aqhemi shi kije nani. Ayeghi hipau ye nongu ghenguno amheghi shi nani.

ZAKINIU 32:40

Kughengu Ni ye alhokupuju xüani eno kungugha küdau I u süqhepe tushoqhi ani,

IPEKULU 32:13

Abraham, Isaac, eno Jacob, O qemi khunoqo lau O kutoshino tushoqhi no panoqo vilo, ‘I no atsütsü lo ayepuqo toi o ti kughuko tsüni, eno I no tushoqhive ketoi ayeghi hi kümtsü o tikughukomi tsüni eno panongu no alholo ti ighi luve nani’ ipi püakeu kümsülu lo.”

BOTHUBO 35:12

I no Abraham ngo Isaac tsükeu yeghi o tsü nani, eno o shelo o tikughukomi lau I no ayeghi tsü nani.”

BOTHUBO 28:13

Eno julo, Ampeu no tipau shou aghi no pi, “Ni ye Ampeu, o pu Abraham Lhou eno Isaac Lhou ke. Nono ayeghi khile ngo ani keno I no no eno o tikughukomi tsüni.

EZEKEL 36:7

Tighenguno Ampeu Alhou no ishi piani: I no tushoqhive ake nongu hokümxa lo akeu shiye kümtsü küthaküghapu sholu nani.

EZEKEL 20:28

Kughengu kughou I no panoqo tsüni kepi tushoqhi keu yeghi lo panoqo saighi keno, panongu no khile khilemu atoghi qhemghai keu momu anipa miniboi keu sübo ithulu aye, panongu no tilau no aghakishiqo mlla eno tilau no aloghu shikighide keu kümllagho pephe tsüke; panongu no tilau no alokiqi xokütsüngü piti mlla, eno atsaizü kümllagho leqhike.

EZEKEL 20:23

Tinguno alau, asayeqha lono panoqo lau I no tushoqhive, I no shiyeqo gholo panoqo kutholeve nani eno aghakhuqo lo panoqo haleve nani,

EZEKEL 20:15

Tinguno alau, akichhizü ngo akhingozü no qowu akeu, ayeghi kümtsü nguno ajuküvü, khikhi I no panoqo tsü keno Ni ye tile panoqo sailomo nani kepi asayeqha lono I no tushoqhi ke,

SAMUEL ATUGHIU 15:29

Itaghi Israel Juküvü ye mikimo momu amlo kilimo nani, kughengu Pa ye timi kumo kehu amlo kilimo nani.”

AKIKIHI 23:19

Alhou ye timi kumo keke Pa ye mikiveni chemo; momu Pa ye timi nu kumo keke Pa kükümsü kilini chemoe. Pa ye piqhive no shimoveni keshea? Momu Pa ye pive no shikupu moveni keshea?

IPEKULU 6:6

Tighenguno Israelmi vilo pilo, ‘Ni ye Ampeu, eno I no Egyptmi makho kimshi lono nongu saipeghive nani, eno I no panoqo qüaxe lono nongu xaphe luve nani, I no I u kumto ngo küghakütha kümla kije vecheo nongu qhüchile luve nani.

IPEKULU 6:2

Alhou no Moses pütsa no pi, “Ni ye Ampeu ke.

Piyeküsü 10:6

eno Khuu alholo eno pülhapuju xü acheni, Khuu no kungugha, ayeghi eno azüghi ngo tile ache keqo lho keno, Pa je lono tushoqhi ghi pi, “Itehi ye süpushu moae,

IPEKULU 13:5

Ampeu no nongu sasü Canaanmi, Hittimi, Amorimi, Hivimi, eno Jebusimi yeghi, akichhizü ngo akhingozü no qowu akeu yeghi, khikhi Pa no nongu puasüqo tsünie pi tushoqhi püa keno, tile ighive kethiu, nongu ye hipa qhi lono tiqhetini hipau ikhiluni.

AKIKIHI 14:30

I no nongu pelo khile küghüna penike tushoqhi keno, tipau yeghi lo Jephunneh nu Caleb ngo Nun nu Joshua pama kumo aye khunomu ilolu moae.

JOSHUA 24:13

Nongu no imasümo keu yeghi pesü I no nongu tsü eno mishighüna nongu no shiqhemo keqo lo nongu pelo küghünape. Nongu no shosümo keu tsailu ngo mububo ghutu xathi nongu pelo chupe.’

NEHEMIA 9:15

Panongu müzü ghenguno kungugha lono asho tsü, atüghü ghenguno atuqu lono azü tsüe. Nono panongu tsünike tushoqhi keu yeghi lo ilo no qhasü luvelo pike.

IPEKULU 6:4

Canaan yeghi khipau lo panongu no kachenami shi ache keno tipau panoqo tsünie pi I no panongu sasü ghi Iw puloshoqhi shike.

AKIKIHI 10:29

Moses no pangu Reuel nu Hobab, Midian noghami, vilo pi, “Ningu ye Ampeu no ayeghi khikhi, ‘I no nongu tsüni’ ipi püa keno, tilau wucheni. Nino akivishi o tucho nanike ni gholo ighilo, kughengu Ampeu no Israelmi lau akivi mlani keu piqhive ake.”

AKIKIHI 11:12

Timi hipaqo ye I no mishipu no punu kesheno kushiye I vilo anga küsami no anga kughunu xapu keshi panongu xapusü Nono pano puasü tsünie pi tushoqhi keu yeghi lo wulo pi kea?

ZAKINIU 4:31

Kughengu Ampeu nongu Lhou ye kimiyekini Lhou ke. Pa ye nongu qhivemo nani, kütsavemo momu no puasü sasü puloshoqhi shikeu kümsümave monani.