IPEKULU 6:6 - Sumi Naga CL (Re-edited) Bible (BSI)

⁶ Tighenguno Israelmi vilo pilo, ‘Ni ye Ampeu, eno I no Egyptmi makho kimshi lono nongu saipeghive nani, eno I no panoqo qüaxe lono nongu xaphe luve nani, I no I u kumto ngo küghakütha kümla kije vecheo nongu qhüchile luve nani.

BAIBEL (BSI)

⁶ Tighenguno Israilmi vilo ino pia keu pilo, ‘Niye AMPEU ke; ino nongu xaphelu nani eno nonguno Ijipmi qechekeu lono ino kuqhopheve nanike. Ino iu kumto kuka peqhe puzu panoqo shou aghime sughi nani eno ino nongu xalunike.

IPEKULU 6:6 Referans Kwoze

ZAKINIU 26:8

Ampeu no Pa küka kumto u sükhope amchipu ngo akümzapu eno kümsapu kümla pephe no Egypt lono ni xaphelue.

YEKIKITHI ATUGHIU 17:21

Ow timi Israel toike khuu ania? Ayeghi lo shiye lakhi pesü Ow timi shiniye No Alhou ampi no khunoqo Egypt lono xaphelu keno, panongu zülono Nono O jekipipu eno akümzapu shi shiyeqo hapheve tsüke.

ZAKINIU 7:8

Ikemu Ampeu no nongu kimiye eno no puasüqo lau tushoqhi keu shikupu niye akumto kije lono eno Egypt kükau Pharaoh qüaxe lono nongu xachile luke.

IPEKULU 7:4

Pharaoh ye o tsa ini tsümo nani. Tileno I no Egypt shou I u benani eno Iw timi aqokitikhi, Israel nuliqo, amchipu kümla kije vecheo Egypt yeghi lono saipeghive nani.

NEHEMIA 1:10

Panongu ye O küka kije lono xaphelu kemi O qemi eno ow timiqo ke.

LESHELE 81:6

“Nongu bighi lono I no amakho ikhive tsüe; ashoghi kipe lono nongu u kümthü tsüke.

ZAKINIU 15:15

No ye Egypt lo aqemi shiche kelono Ampeu no xachilelu kepi kümsülu lo, tighenguno ishi tsala lono I no azah hipau tsü anike.

IPEKULU 15:13

“Nono qhüchilelu keqo Ow iqemokeu kikimiye lono saphe ke; O küka lono Nono O kimthe kungo-a lo panoqo saighie.

IPEKULU 3:17

eno I no tushoqhi shi anike Egyptmi no ghimeqhi akeu lono I no nongu saipe Canaanmi, Hittimi, Amorimi, Perizimi, Hivimi, eno Jebusimi yeghi, akichhizü ngo akhingozü qowu akeu lo qhinani.”’

KUKAMI AKINIU 17:36

ikemu nongu ye Ampeu khuu no aküka akumto kije lono, eno Pa u sükhope nongu sasü Egypt lono ipeghi keno, Pa sümsani. Nongu ye Pa zülo pishiqhoni, eno aghashipe Pa tsüni.

ZAKINIU 4:23

Ikehu kutokupui lo, tikumo aye nongu ye Ampeu nongu Lhou no nongu sasü puloshoqhi shikeu pheve no Ampeu nongu Lhou no shi kevilo pikeu julho mlano mllauve nosae.

ISAIAH 9:21

Manasseh no Ephraim, eno Ephraim no Manasseh süqhi; pama küqhano Judah mjochile. Ikeghi Ampeu loghu ye tave mphi eno Pa u ye xachhope aphike.

IPEKULU 6:29

Ampeu no Moses vilo pi, “Ni ye Ampeu ke; Egypt kükau Pharaoh vilo I no o vilo pi keu kümtsü pilo.”

IPEKULU 6:8

I no Abraham, Isaac, eno Jacob noqo lau tsünie pi tushoqhi püakeu yeghi lo nongu saghi nani. I no tipau amheghi shi nongu tsü nani. Ni ye Ampeu ke.’”

IPEKULU 6:2

Alhou no Moses pütsa no pi, “Ni ye Ampeu ke.

ISAIAH 9:12

Kipelau no Syriami eno kulolau no Philistiami no abaxa mkupe Israel munovae. Ikeghi Ampeu loghu ye tave mphi eno Pa u ye xachhope aphike.

ISAIAH 9:17

Ikehu Ampeu ye apumi, mighimi, chimemi jupe amloqi eno kimiye luamoe; kughengu kümtsü Alhou ithimo no akümla lhoksa shi, eno mbomzü tsa likhi picheni. Ikeghi Ampeu loghu ye tave mphi eno Pa u ye xachhope aphike.

Apostolmi 13:17

Israelmi hipaqo Lhou no ni puasüqo kishelu no Egypt yeghi lo ache kelono panongu pesü kije shitsü, eno Pa u kumto lono panongu sasü Egypt lono ipeghi.

IPEKULU 1:11

Tighenguno panongu no amakho kimshi pesü panoqo ghimeni ke aqemi hekiqhimi panoqo shou qhive. Panongu no Pharaoh ghenguno pekükütsü mishighüna, Pithom ngo Raamses shiqhe pukue.

IPEKULU 2:11

Kughou Moses no kichimi shi thuwuve keno, ghulo lakhi pa no paw timi lau wuno panoqo ghime ithulu, eno Egyptmi lakhi no paw timi Hebrewmi ghaqhi aghikeu pa no ithulu.

IPEKULU 12:41

Ampe 430 kishekhake tsalani, Ampeu aqokitikhi kümtsü Egypt lono ipeghive.

IPEKULU 12:51

Eno tipa tsalani no Ampeu no Egypt yeghi lono Israelmi aqokitikhi saipeghive.

IPEKULU 13:3

Tithiu Moses no timiqo vilo pi, “Ishi tsala lo nongu no Egypt lo aqüaxe ki lono ipeghi keu kümsülu chelo, kughengu au kumto vecheo Ampeu no hipa-a lono nongu saipeghi ke. Kholaqhi sükeu sho chumoni.

IPEKULU 13:14

Eno hithiu o nu no o vilo, ‘Hi ye kiu kiqi kea?’ ipi ighiju aye, no ye pa vilo pilo, ‘Aküka kumto lono Ampeu no Egypt lo aqüaxe küxü lono ningu saipeghi ke.

IPEKULU 16:6

Ikehu Moses ngo Aaron pama no timiqo vilo pi, “Egypt yeghi lono nongu saipeghi keu ye Ampeu no kepi nongu no avelau no ithi nani,

IPEKULU 18:1

Alhou no Moses eno Paw timi Israelmi ghenguno mla tsükeu, Ampeu no kishi Egypt lono Israelmi saipeghi keno, Midian chineu Moses pangu Jethro no kümtsü chiluve.

ZAKINIU 4:34

Momu khuno lhou no pekuju, amchipu, akümzapu kümla eno aghüshi vecheo Pa u kumto pesü kümsapu kümla pephe, eno Paw shiniye shiye dolono shiye kishephe kea? Hi kümtsü Ampeu nongu Lhou no Egypt lo nongu nhethe lono shike kumo?

ZAKINIU 5:15

Nongu ye Egypt lo aqüaxemi shi ache kepi kümsü luni, eno Ampeu no Lhou no Pa küka kumto lono nongu saipeghi ke. Tighenguno Ampeu nongu Lhou no Sabbath tsala pelu lopi azah nongu tsü ani.

ZAKINIU 6:12

nongu ye Ampeu khuu Egypt lo aqüaxe lono nongu saipeghi keno, Pa kümsümave nosake tsükhüi lo.

JEREMIYA 21:5

Ni ampi no au xachhope au kumto pesü axukighide, mqhumza eno aloghu kije lono nongu sasü aghüshi nani.

JEREMIYA 32:21

O u kumto eno O u xachhope amchipu eno akichiqhipu kümla shino Nono Ow timi Israelmi Egypt yeghi lono saipeghi.

IPEKULU 3:8

eno Egyptmi u lono panoqo xaphelu no tipau yeghi lono panongu saipe akivi eno ililaike yeghi, akhingozü ngo akichhizü qowu akeu yeghi, Canaanmi, Hittimi, Amorimi, Perizimi, Hivimi eno Jebusimiqo-a lo qhiniye iqighivae.

IPEKULU 7:5

Kughou I no Egypt shou I u süqhe no panoqo launo Israelmi saipeghini keno, Egyptmi no Ni ye Ampeu kepi ithi nani.”

IPEKULU 13:16

O u lo eno o kishe lo hipau pesü amchipu shi qhilo, kughengu aküka kumto vecheo Ampeu no Egypt lono ningu saipeghi ke.”

IPEKULU 32:11

Ikemu Moses no Ampeu pa Lhou qhüiniju no pi, “O Ampeu, kushiye Ow timi, khunoqo Nono aküka kije eno akughushu u pesü Egypt yeghi lono saipeghi keno, panoqo shou O loghu no shukuthui piti amasa kea?

ZAKINIU 7:19

Nongu nhethi no ti pekuju kije ithulu keu, amchipu, akichiqhipu kümla, Pa u küka kumto sükhope Ampeu nongu Lhou no nongu saipeghi keu kümsülu lo. Titoi Ampeu nongu Lhou no nongu no msa akeu shiaye kümtsü lau shitsü nani.

ZAKINIU 9:29

Kughengu hipaqo ye Ow timi eno O mheghi, O küka kumto lono saipeghi keqo ke.’

ZAKINIU 11:2

Ishi tsala lo Ampeu nongu Lhou ghaküsü ye, Pa kughushu küka kumto kümsülu lo, (ni ye no tianuli khunoqo hi ithumla keno tipaqo vilo pi anike kumoe).

KUKAMI ATUGHIU 8:42

(kughengu panongu no O je kije, O küka kumto, eno O u kümgha ghili chilu nani), aki hileno O lau inikhu aye,

LESHELE 77:16

O Alhou, kughou azüghi no No ithulu keno tino msave; mtsüqheino azüghi kutho no khokho shive.

LESHELE 81:7

Aghime küsa lo nongu no I ku, eno I no nongu xaphe; Pasapagha-a lono I no nongu khochile; Meribah züpuki lo I no nongu ghükeju ke.

LESHELE 81:11

“Ikemu Iw timiqo no I tsa initsü moe; Israel no I lau qhoqhü ighimoe.

JEREMIYA 27:5

“Aküka kije lono eno au xachho pesü ayeghi mlano timi ngo tüghashi tile qhikeu ye I no ke, eno khukhumu I no achipishi ithulu keu lau ayekipe tsücheni.

EZEKEL 20:33

“I no xüake toi, Ampeu Alhou no asheshu, mtsüqheino au kumto eno au xachhope aloghu lephe keu lono I no nongu shou akükau shi nani.