IPEKULU 6:5 - Sumi Naga CL (Re-edited) Bible (BSI)

⁵ Tinguno alau, I no Iw timi Israelmi, khunoqo Egyptmi no aqüaxe shi tsüghape ani keno, panoqo mloghuju chiluvae, eno I no Iw puloshoqhi kümsüchile luvae.

BAIBEL (BSI)

⁵ Itehi ino Israilmi no aghimeshi suakeu ghugha chilu vae, panonguye Ijipmino aqemi shi acheni peke eno niye iwu puloshoqhi kumsuluvae.

IPEKULU 6:5 Referans Kwoze

IPEKULU 2:24

Alhou no panoqo mloghuju chilu, eno Alhou no Abraham, Isaac, eno Jacob sasü puloshoqhi shikeu kümsüchilelu.

ISAIAH 63:9

Panongu no imeke kümtsü lo, Pa ghi ime ke; eno Paw kungumi no panongu xaluke; Paw kikimiye eno amlo ighiqhiyi keu no panongu xachilelue; Pa no wovekeu tsala lo pülhapuju panoqo süqhe cheke.

Luke 1:72

Tishikeu lono ni puasü lau piqhi püakeu kimiyekini piye, eno Pa kimthe shoqhi kümsüchile luniye ke,

Luke 1:54

Pa no Paw kimiyekini kümsüchile luniye Pa qeu Israel kuphuvae,

LESHELE 105:8

Pa ye alholo Paw puloshoqhi, Pa no azah tsükeu tsa tiqheli qhethonhe kutolo kümsülu cheni,

IPEKULU 3:7

Tileno Ampeu no pi, “I no mtsüqheino Iw timi khunoqo Egypt lo ani keno, pano ghime ithuluvae eno hekiqhimi ghenguno panongu no ighamku akeu chiluvae. I no panow shiluküsaqo ithivae,

BOTHUBO 9:15

I no Ni, nongu eno aküxüküa lhoxüqo dolo Iw puloshoqhi akeu kümsülu nani. Eno azüghizü ye khilemu itaghi aküxü kütsa nike züqozü shi ighimo nani.

BOTHUBO 8:1

Ikemu Alhou no Noah, tüghashi tikishi eno lhoxü jeli ashuka lo pa gholo akemi kümtsü kümsülue. Eno Alhou no ayeghi shou amülhü mülhü ighipe, eno azü iqü ilovepe.

IPEKULU 2:23

Tipa ghuloki lo Egypt kükau ye thive, eno Israelmi ye pano qüaxe ghenguno amloghuju shi kuphu tsü peniye ighamku che. Aqüaxe lono xaphetsü penike ighamku chekeu iku Alhou tove.

IPEKULU 5:4

Ikemu Egypt kükau no pama vilo pi, “Moses eno Aaron, kushiye nokujo ye timiqo sasü pano kümla lono wuvenie piani kea? Nongu kümla makho lou idewolo.”