IPEKULU 5:22 - Sumi Naga CL (Re-edited) Bible (BSI)

²² Tileno Moses no Ampeu lau wuno pi, “O Ampeu, No ye kushiye timi hipaqo lau küsakügha shive akea? Kushiye No ye I puwu kea?

BAIBEL (BSI)

²² Tile Muse no AMPEU lau idewo no pi, “AMPEU, noye kushiye owu timiqo peitha pusa ani kya? Noye kushiye hilau ipuwu kya?

IPEKULU 5:22 Referans Kwoze

JEREMIYA 20:7

O Ampeu, Nono I pishiqhivae; No ye I nguno akumtou, eno Nono toluvae. Ni ye atsala kupuju azükutunupu shiauvae; kümtsü no I thaigha anie.

HABAKUK 2:3

Kughengu ti ye kimshilu kepu do khe ani; ti kishekhani keu ye pai ighive nani, ti ye mikimo nani. Tsala tino asheshive namu khelo; ti ye süpushuve mono mtsüqheino ighi nani.

LESHELE 73:25

Ikemu No kumo aye kungugha lo ni ye khuu ani kea? Eno O nguno alau ni ye ayeghi lo mine kepu kühae.

KUKAMI ATUGHIU 19:10

Pa no khochile, “Ni ye Ampeu, aqokitikhi Lhou ghenguno aküxü tsücheni. Kughengu Israelmi no Ow puloshoqhi phevae, eno O kümlla khache kubove no Ow tungkupmi kümtsü pithive tsüae. Küxümi ye I likhivae, eno niu ghi pithive nike panongu no phucheni.”

KUKAMI ATUGHIU 19:4

Ikemu pau ye atsala lakhi ghüzü toike lo aghasa qhalo wuve no asübo lakhi kicheqho lo ngove. Pa ye tile nomu thiveni kepi ishi kümsü, “Hi ye ihulovae; O Ampeu, itehi I küxü luve tsülo, kughengu ni ye I puasüqo nguno kiumu akivi ye kumoe.”

SAMUEL ATUGHIU 30:6

David ye ighono avesave, kughengu timi kümtsü no pano tianuli ghenguno alolo kukhukimji shi akehu atu pesü pa veqhiveni piuve. Ikemu David no Ampeu pa Lhou launo pa ampi shikumto luve.

AKIKIHI 11:11

Pa no Ampeu vilo pi, “No ye kushiye O qeu peitha püsa ani kea? Ni ye O mlokiqipu shimlave kesheno kushiye No ye timi hipaqo makho pesü I xapipe ani kea?

IPEKULU 17:4

Ikehu Moses no Ampeu lau ighamku, “Timi hipaqo lau ni ye kiu shive tsüni kea? Panongu ye atu pesü I veqhiveni ye kuto anie.”

JEREMIYA 12:1

O Ampeu, O lau muchho kelo No ye achipiu shicheni; tishimu I vehu pesü O qhüinijuni. Kushiye kixikilami no kinikülü shicheni kea? Kushiye pishikiqhimi kümtsü no ikoishelu cheni kea?

JEREMIYA 4:10

Ikehu I no pi, “Ya, Ampeu Alhou, kuchou no Nono ishi pikeu lono timi hipaqo eno Jerusalem qhoi pishiqhivae, ‘Hi ye o ghenguno akivi shinani,’ ikemu azütakikihi no panongu shou ikughivae.”

JOSHUA 7:7

Tishino Joshua no pi, “Aha, O Ampeu Alhou, No ye kushiye Amorimi u lono timi hipaqo kütsaveni keghi sasü Jordan katha ighipe kea? Ningu ye Jordan kukuu mu küghüna aniche keghi lae.