IPEKULU 4:5 - Sumi Naga CL (Re-edited) Bible (BSI)

⁵ “tishianguno panongu no Ampeu, pano puasü Lhou, Abraham Lhou, Isaac Lhou, eno Jacob Lhou no o lau ipeghi kepi pülü nani.”

BAIBEL (BSI)

⁵ AMPEU no pi, “Israilmi lau hipau shilo, tiye panoqo puasu Abraham, Isak eno Jakob Lhou AMPEU no olau ipeghi keu michike.”

IPEKULU 4:5 Referans Kwoze

IPEKULU 19:9

Ampeu no Moses vilo pi, “Julo, Ni ye khüngküsü kutho lono o lau cheni, tishianguno kughou I no o pütsani keno timiqo no chilu peni, eno alholo o pülülu penie.” Kughou Moses no timiqo tsa pesü Ampeu vilo pi keno,

IPEKULU 3:15

Alhou no Moses vilo highi pi, “Israelmi vilo hi pilo, ‘Ampeu, nongu puasü Lhou, Abraham Lhou, Isaac Lhou, eno Jacob Lhou no nongu lau I puwu anie.’ Alholo hi no I je ke, ikehu tiqheli kupuju lo hitoi I kümsülu chelo.

BOTHUBO 48:3

Eno Jacob no Joseph vilo pi, “Akughushu Lhou no Canaan yeghi, Luz lono I lau ipeghi no I kümghatsüe,

BOTHUBO 26:2

Ampeu no pa lau ipeghi no pi, “Egypt yeghi lo iqi kevilo; I no ayeghi khikhi o piyeni keno tile küghüna lo.

BOTHUBO 18:1

Atsala külü dolo Abraham no pa phiki hukikha lo iqa akelo, Ampeu no Mamre lo aphisübo phivi lono pa lau ipeghi.

BOTHUBO 12:7

Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.

John 11:42

No ye alhokuthu I tsa initsü cheni kepi I no ithi ani, ikemu I no hi pi akeu ye timi hile puthugho akeqo pelo Nono I puwue pi pülülu peniye ke.”

IPEKULU 4:31

Eno timiqo no pülüve; kughou panongu no Ampeu no Israelmi xuju ighivae eno Pa no panoqo ghime ithuluvae pi chilu keno, panongu no pano kütsü pishiqho luve no mllae.

Apostolmi 7:2

Stephen no pi, “Athiküzümi eno apunoqo, I tsa inilo. Ni sü Abraham no Haran lo xüsü mphi züu Mesopotamia lo akelono, ajuküvü Lhou no pa lau ipeghi,

John 20:31

ikemu hipaqo yepüa keu ye nongu pelo Jisü ye Khristo, Alhou Nu, kepi pülülu peniye, eno pülülu keu vecheo Pa je lono aküxü apeniye ke.

John 20:27

Tishino pa no Thomas vilo pi, “O uloti hile süju eno I u julo; eno o u chhopuwo I jibo bujulo. Lipi kevilo ikemu pülülu lo.”

John 11:15

eno nongu ghenguno I no tilau aghimo keu pavivae, tishianguno nongu no pülülu nani. Itehi ningu pa lau wunie.”

John 5:36

Ikemu I no ashepe akeu ye John shepe nguno akijeu ke. Kughengu Apu no I pelo mlakupu peniye I tsükeu, akümla khikhi I no shiani keno, tipaqo no Apu no I puwu kepi thopi shiani.

JEREMIYA 31:3

Ampeu no putou no ni lau ipeghi piye. I no lhokta kikimiye pesü o kimiye; tighenguno I no ishokibe o lau pükhükulu shike.

ISAIAH 7:9

Ephraim tou no Samaria, eno Samaria tou ye Remaliah. Nongu no aküpülü lo mtotoimo aye nongu ye mtomla nani.”

YEKIKITHI AKINIU 20:20

Thanau inaqhe ithe ithu no panongu no Tekoa sayeqha lo wuve. Kughou panongu no tilau ipeghi keno Jehoshaphat no puthugho no pi, “Judah ngo Jerusalem timiqo, I tsa inilo! Ampeu nongu Lhou pülülo, nongu no mtotoilu nani; Paw tungkupmi pülülo nongu no tolu nani.”

IPEKULU 4:1

Tile Moses no khochile, “Ikemu julo, panongu ye I pülümo nani momu I tsa ini tsümo nani, kughengu panongu no pi nani, ‘Ampeu ye o lau ipeghi püamoe.’”

IPEKULU 3:18

Panongu no o tsa ini nani, no eno Israel lo layemi no Egypt kükau lau wuno pa vilo pilo, ‘Ampeu, Hebrewmi Lhou no ningu sasü kusho luvae; itehi ye kimiyeno ningu pelo yenguyike-a lo atsala küthü ghüzü shiwu pelo, tishino ningu pelo Ampeu ni Lhou lau aghakishi tsülu pelo.’

IPEKULU 3:6

Eno Pa no pi, “Ni ye o pu Lhou, Abraham Lhou, Isaac Lhou eno Jacob Lhou ke.” Moses no pa gi küsüve, kughengu pa ye Alhou junike msave.

BOTHUBO 17:1

Kughou Abram no ampe lhotoku toku shi akeno Ampeu no Abram lau ipeghi no pa vilo pi, “Ni ye Akughushu Lhou; I zülo chechelo, eno tukutiye shikevilo,

IBRIMI 11:16

Ikemu panongu ye aghakhu akiviu, ti kungugha lo akeu, kümsü kütüche. Tighenguno Alhou no Pa ye pano Lhoue pinike kujove moe, kughengu panoqo ghenguno Pa no aphughi lakhi kuto püanike.

BOTHUBO 28:13

Eno julo, Ampeu no tipau shou aghi no pi, “Ni ye Ampeu, o pu Abraham Lhou eno Isaac Lhou ke. Nono ayeghi khile ngo ani keno I no no eno o tikughukomi tsüni.

BOTHUBO 48:15

Eno pa no Joseph kümghatsü no pi, “Alhou khuu zülo I pu Abraham ngo Isaac no cheche keno, Alhou khuu no I küxü kupuju ishi kutolo I kheu keno,

IPEKULU 3:4

Kughou pa no juniye tsüghü ighikeu Ampeu no ithulu keno, Alhou no asüminipho lono pa ku, “Moses, Moses!” Eno pa no pi, “Ni hile ani.”

IPEKULU 3:16

Wulo eno Israel lo layemi hekütsü kumqo no panoqo vilo pilo, ‘Ampeu, nongu puasüqo Lhou, Abraham Lhou, Isaac Lhou eno Jacob Lhou no I lau ipeghi no pi, “Egyptmi no nongu lau kiu shi keno I no nongu chhejuvae,

IPEKULU 4:4

Ikemu Ampeu no Moses vilo pi, “o u chhope ashomhi lono tsüqü luvelo”—ikehu pa no pa u chho puwo ti küghaluve, ikelo ti ye pa u lo aküsü ilhouve—

KUKAMI ATUGHIU 18:36

Avela kümllagho do lono tungkupu Elijah no akümlla-khache phivilo ighi no pi, “O Ampeu, Abraham, Isaac eno Jacob Lhou, No ye Israel Lhou, ni ye O qeu eno O zakütsü lono hipaqo shi ani kepi ishi tsala lono panongu pelo ithilu pelo.