IPEKULU 34:5 - Sumi Naga CL (Re-edited) Bible (BSI)

⁵ Ampeu no khüngküsü lono iqighi no pa gholo puthugho, eno Ampeu je sheshue.

BAIBEL (BSI)

⁵ AMPEU no khungkusu lakhi lono iqighi no pa sasu tilehi puthugholuve eno pa kimthe je AMPEU ipi shuphe.

IPEKULU 34:5 Referans Kwoze

IPEKULU 33:19

Eno Pa no pi, “I no Iw akivi kümtsü pesü o zülono wupeni eno o zülono I je ‘Ampeu’ ipi sheshuni. I no khuu küpüqhiyini keno pa küpüqhiyi nani, eno khuu kimiyeqhiyini keno pa kimiyeqhiyi nani.

AKIKIHI 11:25

Tithiu Ampeu no khüngküsü lono iqighi no Moses pütsa, eno pa tsüpüakeu nguagha hami pesü layemi lhotsüni shou betsü. Tino panongu shou ikughi kemtsa panongu no tungkupu tsa piuve. Ikemu panongu no ti pekibe move.

IPEKULU 33:9

Kughou Moses no aphiki lo iloveni keno, khüngküsü tsükucho no aphiki kulaghi lo iqi ngove che, eno Ampeu no Moses pütsa che.

AKIKIHI 11:17

I no iqighi no tileno o sasü küptsani, eno o tsüpüakeu nguagha hami pesü panoqo shou puku tsüni, tishianguno o likhino kumono panongu ghi o gholono timiqo makho pupeni.

ISAIAH 1:10

Nongu Sodom yepemiqo, Ampeu tsa inilo! Nongu Gomorrahmi, ni Lhouw shiküka inilo!

AHOLE 18:10

Ampeu je ye aqoghe kumto ke, amikuchomi no tipau lo poilo sükusho ithulu cheni.

LESHELE 102:21

tishikeu lono panongu pelo Zion lo Ampeu je sheshu, eno Jerusalem lo Pa sheqhelu pelo,

ZAKINIU 32:3

Kughengu I no Ampeu je sheqheni; Ni Lhou kughushu pinie!

IPEKULU 19:18

Sinai Naghuto ye amchhi no küzüpho luve kughengu Ampeu no ami lono tipau shou ikughive ke. Tipau michhi no amiphokilo michhi toi phoiku, eno naghuto kupuju no shishe ithae.

AKIKIHI 14:17

Tighenguno kimiyeno Nono ishi piqhi püake toi O küka pephe piye tsülo,

IPEKULU 19:9

Ampeu no Moses vilo pi, “Julo, Ni ye khüngküsü kutho lono o lau cheni, tishianguno kughou I no o pütsani keno timiqo no chilu peni, eno alholo o pülülu penie.” Kughou Moses no timiqo tsa pesü Ampeu vilo pi keno,

IPEKULU 23:21

Pa lau amlo tsüqhiyi shilo eno pa tsa gholulo; pa hebide kevilo, kughengu pa ye nongu kipimi qhitsümo nani, kughengu pa lolo I je ani.

AKIKIHI 12:5

Ikelo Ampeu no khüngküsü tsükucho lono iqi Aphiki kulaghi lo puthughove no Aaron ngo Miriam pama ku kelo pama no azüu ighi.

SAMUEL ATUGHIU 3:18

Tighenguno Samuel no kiumu küsü mono thokha kümtsü pa vilo pive. Eno pa no pi, “Ti huye Ampeu ke. Kiu no Pa ghenguno akivi ipi ithulu ani keno tishi pelo.”