IPEKULU 34:28 - Sumi Naga CL (Re-edited) Bible (BSI)

²⁸ Ikehu Moses ye pucho tsala lhobidi eno putho tsala lhobidi Ampeu gholo ae. Pa ye asho mu chumo azü mu yemoe. Eno pa no atulupha kini lo puloshoqhi tsaqo, Ayezah Chighi yepukue.

BAIBEL (BSI)

²⁸ Muse no atsala lhobidi putho pucho kiumu chu shomono AMPEU sasu ngove. Pano atu pha shou puloshoqhi tsa, Ahza Chighiyepuku ke.

IPEKULU 34:28 Referans Kwoze

IPEKULU 34:1

Ampeu no Moses vilo pi, “Azüu toi keu atulupha kini no ampi no chhutha lo, eno azüu atulupha khikhi nono kubove keno tile yepüakeu tsa I no yepuku tsüni.

ZAKINIU 4:13

Pa no Paw puloshoqhi nongu vilo sheshu, nongu vilo shilo pikeu ye Azakütsü Chighi, ti ye Pa no atupha kini shou yepuku tsüe.

IPEKULU 24:18

Moses no khüngküsü dolo ilove no naghuto lo ikuve. Eno Moses ye putho pucho atsala lhobidi naghuto lo ngove.

ZAKINIU 9:25

“Ikehu I no Ampeu zülo atsala lhobidi pishiqhope ngove, kughengu Ampeu no nongu kütsave niye shive.

ZAKINIU 9:18

Tishino itaghi I no Ampeu zülo putho pucho atsala lhobidi itsaqi. Nongu no Ampeu zülo axine shikeu lono Pa mlo shikighide ke ghenguno ni ye kiumu chusho move.

IPEKULU 32:16

Atulupha tiküma ye Ampeu kümla ke, eno ti ye Ampeu no yekeu, tiküma lo kixi puku keu ke.

IPEKULU 31:18

Kughou Ampeu no Sinai Naghuto lono Moses pütsa tave keno, Pa no ashepe tulupha kini, Alhou uloti no yepuku keu atulupha küma pesü Moses tsüve.

2 Kor. 3:7

Tsala akithi süghi keu kümlapu, ti ye atupha lo atsathi chitha puku keu thotsü ajuküvüpu shi ighi kehu Israelmi ye ado ikhonhei kemu Moses gilo jupuku mlave aghi aye,

ZAKINIU 9:9

Kughou Ampeu no nongu sasü puloshoqhi shikeu tupha kini lunike I no iqho keno, ni ye tilau atsala lhobidi kiumu chusho mono ngove.

MATTHEW 4:2

Putho pucho tsala lhobidi kümvüve kethiu pa ye müzüthive.

Luke 4:2

tilau tüghami no atsala lhobidi ghujua. Pa ye tipa tsalaqo tivilo kiumu chumove kehu kughou tipau do kishekhave keno pa ye müzüthive.

IPEKULU 34:10

Ampeu no pi, “Julo, I no puloshoqhi lakhi shi ani. Ayeghiqha kümtsü lo momu khuno shiye laumu shimo keu I no akümzapu ow timi kümtsü zülo shinie. Eno timi kümtsü no Ampeu kümla ithulu nani, kughengu I no akümzapu thime nongu gholo mla nani.

ZAKINIU 10:10

“Atüghüu lo shike toi ni ampi no naghuto lo putho pucho atsala lhobidi ngove, eno Ampeu no tile ghi I tsa initsü eno nongu kütsa moni keu shive.

KUKAMI ATUGHIU 19:8

Elijah no ithughi no chusho luve, eno tipau kumto no pa sasü atsala lhobidi chesü Alhouw naghuto Horeb tolu.

ZAKINIU 10:5

Tithiu I no naghuto lono iqighi no atupha küma pesü Puloshoqhi bohu lo süve. Eno Ampeu no azah tsüke toi tilehi acheni.”