IPEKULU 34:10 - Sumi Naga CL (Re-edited) Bible (BSI)

¹⁰ Ampeu no pi, “Julo, I no puloshoqhi lakhi shi ani. Ayeghiqha kümtsü lo momu khuno shiye laumu shimo keu I no akümzapu ow timi kümtsü zülo shinie. Eno timi kümtsü no Ampeu kümla ithulu nani, kughengu I no akümzapu thime nongu gholo mla nani.

BAIBEL (BSI)

¹⁰ AMPEU no Muse vilo pi, “Ino itehino Israilmi sasu puloshoqhi lakhi shi ani. Panoqo gizu lono ino thime kutsasa shini cheni tikithipu ye ayeghi qhalo khilehimu ashiayeh gholomu shimphikeu shini cheni. Timi kumtsuno ni AMPEU no kiu kuloghi shinikeno ithulu nani kughengu ino nongu ghenguno akichiqhiyi kepu lakhi shini cheni.

IPEKULU 34:10 Referans Kwoze

ZAKINIU 10:21

Pa ye nonguw shekiqhepu, nongu Lhou ke, nongu nhethe lono Pa no nongu ghenguno akichiqhipu eno akümsapu kümla shitsüe.

LESHELE 77:14

No ye akümzapu shiche keu Lhou ke; Nono timiqo gholo o kumto pephe piyeke.

ISAIAH 64:3

Kughou Nono akichiqhipu kümla, nino kümsümo keu shi keno, ti ye Nono iqighi kelo, naghutoqo no O zülo khokhoshi ke.

LESHELE 66:5

Alhou no kiu mlave tsü akeno ighi no julo: timi nuliqo lau Pa no mla tsükeu ye akümzapu ke.

JEREMIYA 32:21

O u kumto eno O u xachhope amchipu eno akichiqhipu kümla shino Nono Ow timi Israelmi Egypt yeghi lono saipeghi.

SAMUEL AKINIU 7:23

Eno khunono Ow timi Israelmi toi kea? Ayeghi lo shiye lakhi Alhou no Paw timi shipeni ye qhüchilelu, Pa je ghenguno akümzapu kije shino panoqo zülono ashiaye haphe, shiye lakhi Egypt, eno tipau lhouqo launo Nono O salashi qhüchilelu ke.

LESHELE 78:12

Egypt yeghi lo, Zoan luza lo Pa no pano puasüqo nhethe lono akümzapu mlae.

LESHELE 66:3

Alhou vilo pilo, “O kümlaqo ye kishi akümzapu kela! O küka ye ighono kije kehu O ghümi no itsaqi O lau ighie.

ZAKINIU 32:30

Ampeu no panongu phevemo aye eno pano Tuqu no pano jepuwu moaye, kishino milakhi no qhethonhe halelu, eno mikini no qhethonhe chighi hale luni kea?

JOSHUA 6:20

Ikehu achinemi no afuko igha eno timiqo no ighamku kelo aliwo no ilaqive. Tishino timiqo no pütüta no ngo akeu lono müzüchoi aphughi lo chesü ilo leluve.

IPEKULU 34:27

Ampeu no Moses vilo pi, “Atsa hipaqo yelo, kughengu hipau kiqi lono I no o sasü eno Israelmi sasü puloshoqhi shivae.”

LESHELE 145:6

Panongu no Ow akümzapu kümla kughushu pi nani, eno No ye kiutoi kije keno I no shupheni.

LESHELE 106:22

Ham yeghi lo akichiqhipu kümla shi eno Akuhu Züghi lo akümzapu kümlaqo mla keno Pa kümsümave ke.

LESHELE 76:12

Pa no kükapumi kuchunive eno kükami shithüghüi cheni.

LESHELE 65:5

O ni xakulu Lhou; ayeghi eno azüghi kümtsüw lajupu, Nono akighiche kümla vecheo amikucho pesü ni khochile ke;

LESHELE 147:20

Pa ye khuno shiye mu sasü hitoi shipüamoe; panongu ye Paw pimheyeqo mthae. Ampeu sheqhelo!

ZAKINIU 4:13

Pa no Paw puloshoqhi nongu vilo sheshu, nongu vilo shilo pikeu ye Azakütsü Chighi, ti ye Pa no atupha kini shou yepuku tsüe.

LESHELE 68:35

Alhou ye Pa kimthe-a lo akichiqhipue; Israel Lhou, aküka eno akumto tsükeu huye Pa ke. Alhou shelo!

IPEKULU 34:28

Ikehu Moses ye pucho tsala lhobidi eno putho tsala lhobidi Ampeu gholo ae. Pa ye asho mu chumo azü mu yemoe. Eno pa no atulupha kini lo puloshoqhi tsaqo, Ayezah Chighi yepukue.

ZAKINIU 9:19

Kughengu Ampeu mlokiqi kumo eno amlo kighide shishe kije shive no nongu kütsave niye shive. Ikemu Ampeu no tile ghi I tsa initsüe.

LESHELE 72:18

Ampeu, Israel Lhou sheqhelo, Pa likhi no akümzapu thimeqo shi cheni.

LESHELE 136:4

Pa likhi no akümzapu kije shipiyelu cheni, kughengu Paw iqemokeu kikimiye ye alholo acheni;

MICAH 7:15

Nongu no Egypt yeghi lono ipeghike tsala lo toi, I no akümzapu thimeqo panongu piye nani.