IPEKULU 33:16 - Sumi Naga CL (Re-edited) Bible (BSI)

¹⁶ Kughengu ni eno Ow timiqo ye kishino O mlo chulu anipi ithini kea? Nono ningu gholo wuke ghenguno ni eno Ow timiqo ye ayeghi lo timi kütami launo ni kütake kumo keshea?”

BAIBEL (BSI)

¹⁶ Nono ningu gholo wumo aye noye owu timiqo lau eno ilau amlo qi anikepi khuuno ithini kya? Nono nigholo achekeu ayeghilo timi kutami akeqo launo nikutashi kimchilu nikeu anike.”

IPEKULU 33:16 Referans Kwoze

ZAKINIU 4:7

Kughengu Ampeu ni Lhou no kugho kughomu nino kukelo ni phivilo aketoi khuno shiye kije no alhou titoi ke ani kea?

AKIKIHI 14:14

panongu no hile xüküami vilo piveni ake. O Ampeu, hile xüküami ghi Nono timi hipaqo gholo akeu chiluvae; puchou no khüngküsü tsükucho eno putho lono ami tsükucho shino Ow khüngküsü no timiqo khonhape pano züu wukeu, eno agi no agi kithepe No Ampeu ithulu chekeu ithi ani.

KUKAMI ATUGHIU 8:53

Kughengu Nono ayeghi lo ashiaye kümtsü gholono Ow timi shinike panongu kishelue, ti ye Nono O qeu Moses vecheo Egypt lono ni puasüqo saipeghi kelono pi püanie, O Ampeu Alhou.”

MATTHEW 1:23

“Julo, ilimi huno mishipuve no anu lakhi punu nani, eno panongu no pa je Immanuel kutsü nani” (Immanuel kiqi ye Alhou no ni gholo ani).

IPEKULU 34:10

Ampeu no pi, “Julo, I no puloshoqhi lakhi shi ani. Ayeghiqha kümtsü lo momu khuno shiye laumu shimo keu I no akümzapu ow timi kümtsü zülo shinie. Eno timi kümtsü no Ampeu kümla ithulu nani, kughengu I no akümzapu thime nongu gholo mla nani.

2 Kor. 6:17

Ikehu panoqo launo ipevelo eno pano launo kütüta shivelo, ipi Ampeu no pi, eno mithekumo kiumu bu kevilo, tileno I no nongu ikhilu nani,

SAMUEL AKINIU 7:23

Eno khunono Ow timi Israelmi toi kea? Ayeghi lo shiye lakhi Alhou no Paw timi shipeni ye qhüchilelu, Pa je ghenguno akümzapu kije shino panoqo zülono ashiaye haphe, shiye lakhi Egypt, eno tipau lhouqo launo Nono O salashi qhüchilelu ke.

IPEKULU 8:22

Ikemu tipa tsalani, I no Goshen yeghi, khile Iw timi küghüna ani keno, tipa-a ye pakütashi qhive nani, tishianguno amiyi loji ye tilau ighimo nani, ti ye nongu pelo ayeghi kümtsü shou Ampeu ye Ni kepi ithi peniye ke.

LESHELE 147:20

Pa ye khuno shiye mu sasü hitoi shipüamoe; panongu ye Paw pimheyeqo mthae. Ampeu sheqhelo!

ZAKINIU 4:34

Momu khuno lhou no pekuju, amchipu, akümzapu kümla eno aghüshi vecheo Pa u kumto pesü kümsapu kümla pephe, eno Paw shiniye shiye dolono shiye kishephe kea? Hi kümtsü Ampeu nongu Lhou no Egypt lo nongu nhethe lono shike kumo?

AKIKIHI 23:9

Kughengu qhemghai keu tuqu lono I no panoqo ithulu ani, atoghiqo lono I no panoqo ju ani; julo, hipa shiaye ye lomoshi xü ani, eno shiyeqo gholo kihisü amoe!

ACHINE 20:24

Ikemu I no nongu vilo pivae, ‘I no nongu mheghi shi akichhizü ngo akhingozü qowu akeu yeghi hipau pesü nongu tsüni.’ Ni ye Ampeu khuu ashiayeqo launo nongu kishe kütüta shitsü keno, nongu Lhou huke.

ACHINE 20:26

Nongu ye I lau akimthe shini, kughengu Ni Ampeu ye akimthe ke, Iw shiniye I no ashiayeqo launo nongu kishe kütüta shike.

IPEKULU 34:9

Pa no pi, “Itehi O nhethe lo I kimiyeqhiyi ithulu aghi aye, O Ampeu, kimiyeno Ampeu no ningu gholo wu tsülo, kughengu hipaqo ye kuthovi kemie, ningu hekibide eno axine qhitsülo, eno O mheghi shi ningu ikhilu tsülo.”