IPEKULU 33:14 - Sumi Naga CL (Re-edited) Bible (BSI)

¹⁴ Ampeu no pi, “I no o gholo wunani, eno akulhokiqhi o tsü nani.”

BAIBEL (BSI)

¹⁴ Tileno AMPEU no pi,”Ino nongu gholo wuni eno tokulupu nongu tsuni.”

IPEKULU 33:14 Referans Kwoze

JOSHUA 21:44

Ampeu no pano puasü lau piqhi püake toi panongu pelo akulho qhilupe. Pano ghümi lakhi nomu pano zülo puthugho mlae, kughengu Ampeu no aghümi kümtsü Israelmi u lo süve tsüke.

JOSHUA 1:5

Nono xüake tivilo timi khunomu o theqhimla nani. I no Moses gholo acheke toi o gholo anani. Ni ye khilemu o qhivemo momu o phevemo nani.

MATTHEW 11:28

Khunono akho kimshi xapu akulho shive akeno kümtsü I lau ighilo, eno I no akulhokiqhi nongu tsüni.

ISAIAH 63:9

Panongu no imeke kümtsü lo, Pa ghi ime ke; eno Paw kungumi no panongu xaluke; Paw kikimiye eno amlo ighiqhiyi keu no panongu xachilelue; Pa no wovekeu tsala lo pülhapuju panoqo süqhe cheke.

LESHELE 95:11

Tighenguno I loghu lono I no tushoqhive, “Panongu ye I kulhokiqhi-a lo ilolumo nani.”

JOSHUA 22:4

Eno itehi ye Ampeu nongu Lhou no Pa no piqhive ketoi no thiküzümi kulhoqhive tsüae. Tighenguno itehi ye Ampeu qeu Moses no Jordan kukuu nongu tsükeu yeghi lo nongu pusho lo idewove lo.

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

JEREMIYA 6:16

Ampeu no ishi piani; “Alaghila lo puthugho no julo, khaghi laghiqo ighiju lo eno akivi la khila keno tila chewulo, eno nongu ngulho no akulho qhilu nani. Ikemu panongu no pi, ‘Ningu ye tipa la lo chewu moe.’

IPEKULU 13:21

Ampeu no panongu la kiche tsüniye puchou no khüngküsü tsükucho shi panoqo züu wu, eno putho lono aküvü tsüniye ami tsükucho shi, tishianguno panoqo pelo tsüküvü lo eno tsüküzü lo ghi chewulu peniye ke.

JOSHUA 23:1

Ampeu no Israelmi pano hokümxa lo aghümi launo akulho qhitsü keu ado kushuo thiu, Joshua ye ighono kitemi shive.

ZAKINIU 3:20

ti ye Ampeu no nongu kulho qhitsü ketoi no thiküzümi kulho qhitsü moke kutolo. Tishino panongu no Jordan kukuu Ampeu no tsükeu yeghi lo ngolu khave kethiu no nongu ghi pütüta mheghi I no tsükeu lo idewoni.

IPEKULU 3:12

Pa no pi, “Ikemu I no o gholo anani, eno I no o puwu akeu shi hi no o ghenguno amchipu shi nani: kughou nono timiqo Egypt lono saipeghini keno, no ye naghuto hipau lono Alhou qe nani.”

ZAKINIU 4:37

Pa no nongu puasüqo kimiye kehu pano polo kughukomi kishelu no Pa küka kije lono Pa ampi no Egypt lono nongu saipeghi.

ZAKINIU 12:10

Ikemu kughou nongu no Jordan katha ikuno Ampeu no nongu tsü akeu yeghi lo xülu, eno no sükümxa lo aghümi akeqo launo nongu kulhoqhi tsüno sükusho tsüni keno,

ZAKINIU 25:19

Tighenguno, kughou Ampeu Alhou no nongu mheghi shitsü akeu yeghi lo nongu no ngoluve eno no sükümxa lo akemi launo akulho qhiluni keno, nongu ye ayeghi lono Amalekmi shipühaveni; hi kümsüma kevilo.

ZAKINIU 31:8

Ampeu no o züu chenani. Pa ye o gholo chenani eno o phevemo momu qhivemo nani. Msa momu amlo hauve kevilo.”

JEREMIYA 31:2

Ampeu no ishi piani: “Khunono azütakikihi lono xülu keno asayeqha lo küpükini ithulue; Israelmi no akulhokiqhi phuighi kelo,

JOB 34:29

Pa no iqünheive namu khuu no akipimi Pa tsüluni kea? Pa no Pa gi küsüluve kelo shiye na lüthü namu khuu no Pa ithuluni kea?

DANIEL 12:13

Ikemu ashekha kutolo o la lo chechelo. Eno no ye akulhoqhilu nani eno ashekha tsala lo o ghenguno kuto püakeu-a lo puthugholu nani.”