IPEKULU 33:12 - Sumi Naga CL (Re-edited) Bible (BSI)

¹² Moses no Ampeu vilo pi, “Julo, Nono I vilo, ‘Timi hipaqo saghilo’ ipi, ikemu No ye khuu I gholo puwuni keno I pelo ithipe mphie. Ikeghi Nono, ‘I no akivishi no ithi ani, eno no ye I mlo kuchuu ke’ ipi.

BAIBEL (BSI)

¹² Muse no AMPEU vilo pike, “Timi hipaqo sasu hupau yeghilo sawulopi nono ivilo pikeuye kuchouke ikemu noye khuu pelo igholo wupeni keno pitsumoe. Nono pikeuno nono akivishi ni ithi ani eno ijupe amlo qi ani pike.

IPEKULU 33:12 Referans Kwoze

IPEKULU 33:17

Ampeu no Moses vilo pi, “Nono I vilo pivekeu I no tishini, kughengu no ye I nhethe lo kimiyeqhiyi keu ithuluvae, eno I no akivishi no ithi anie.”

JEREMIYA 1:5

“Atita lo azü ghomphi züuno Ni ye no ithi ae, o punu mphi züuno I no o kishekimtheve; I no o pesü shiyeqo lau tungkupu lakhi shi süsüe.”

IPEKULU 32:34

Ikemu itehi wulo, I no khipa-a o kiche püani keno tilau timiqo sawulo; julo, Iw kungumi no o züu shi wunani. Tishinamu, I no panoqo xuju ighike tsalani, I no panongu xine ghenguno panoqo ghime nani.”

2 Tim. 2:19

Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”

ISAIAH 43:1

Ikemu itehi ye Ampeu no ishi piani, Pa no o lhoke, O Jacob, Pa no o koghe mla tsüe, O Israel: “Msa kevilo, kughengu I no o xaphe luvae; I no o je ku ghi o kuluvae, no ye Iw.

BOTHUBO 18:19

Kughengu I no pa kisheluvae, pa no pa nuliqo azah tsü no achipiu mikucho eno kuchou xakütha shikeu vecheo Ampeu laghi lo cheche peniye eno tishikeu lono Ampeu no kiu Abraham vilo piqhi püani keno tipau pa lau süghilu peniye ke.”

IPEKULU 33:1

Ampeu no Moses vilo pi, “No eno timi khunoqo nono Egypt yeghi lono saipeghi keno, hileno chevelo, eno I no Abraham, Isaac, ngo Jacob vilo, ‘O tikughukomi lau I no tsüni,’ ipi püakeu yeghi lo iqhove lo.

IPEKULU 3:10

Ighilo, I no Pharaoh lau o puwuni, tishino o pelo Iw timi, Israel nuliqo, Egypt lono saipeghi peni.”

LESHELE 1:6

kughengu Ampeu no amikuchomi laghi ithi ani, ikemu kixikilami laghi ye pühave nani.

IPEKULU 33:2

I no kungumi o züu puwuni, eno Canaanmi, Amorimi, Hittimi, Perizimi, Hivimi, ngo Jebusimi hapheveni.

ISAIAH 45:3

I no zümoike-a lo kinikülü achekeu o tsü nani eno tuqhou-a lono akughupu nhemgha o tsü nani, tishikeu lono Ni ye Ampeu kepi nono ithi nani, eno Israel Lhou no o je kughi o kulu kepi ithi nani.

HAGAYI 2:5

kughou nongu no Egypt lono ipeghi keno tileno I no nongu sasü puloshoqhi shikeu kiqi lono ke. I Ghungu no nongu gholo ani, msa kevilo.

IPEKULU 3:4

Kughou pa no juniye tsüghü ighikeu Ampeu no ithulu keno, Alhou no asüminipho lono pa ku, “Moses, Moses!” Eno pa no pi, “Ni hile ani.”

IPEKULU 34:9

Pa no pi, “Itehi O nhethe lo I kimiyeqhiyi ithulu aghi aye, O Ampeu, kimiyeno Ampeu no ningu gholo wu tsülo, kughengu hipaqo ye kuthovi kemie, ningu hekibide eno axine qhitsülo, eno O mheghi shi ningu ikhilu tsülo.”

SAMUEL AKINIU 15:25

Tishino akükau no Zadok vilo pi, “Mishighüna lo Alhouw puloshoqhi bohu xapu ilove lo. Tsala Ampeu nhethe lo I kimiyelu kepu aghi aye, Pa no I sachile ighi no I pelo tipa kungo-a ithulupe nani.