IPEKULU 32:1 - Sumi Naga CL (Re-edited) Bible (BSI)

¹ Kughou Moses no naghuto lono iqighini keu süpushu auve keu timiqo no ithive keno, panongu no Aaron lau hekütsü luve no pa vilo pi, “Ithulo, alhou khunono ni züu shi wunani keno, ningu ghenguno mla tsülo. Moses hipau, Egypt lono ni saipeghi keu ye pa lau kiu shive akeno ningu ye ithi movae.”

BAIBEL (BSI)

¹ Muse no naghuto lono iqighimono ado kushuwa tilau auvekeu timiqono ithulu puzu panonguno Aron suhope ngoluveno pa vilo ishi pi, “Ithu no nighenguno alhou lakhi mlatsulo, tipau pelo ni sawu kepushilo kughengu Muse hupau, Ijip lono ningu saipeghikeu timi huye kishive akela ninguye mthavae.”

IPEKULU 32:1 Referans Kwoze

Apostolmi 7:40

Eno Aaron vilo pi, ‘Ni züu chewu kepu lhou ni sala mla tsülo. Moses khuu Egypt lono ni saipeghi keno pa ye kishive akeno ningu ye mthavae.’

ZAKINIU 9:9

Kughou Ampeu no nongu sasü puloshoqhi shikeu tupha kini lunike I no iqho keno, ni ye tilau atsala lhobidi kiumu chusho mono ngove.

2 Peter 3:4

Panongu no pi nani, “Pa ighi nanie piche keu shoqhi ye khilave akea? Kughengu apuasüqo no thive kelono ishi kutolo thokha kümtsü pulhoküsü lono acheghi keu atho aphie.”

IPEKULU 24:18

Moses no khüngküsü dolo ilove no naghuto lo ikuve. Eno Moses ye putho pucho atsala lhobidi naghuto lo ngove.

MATTHEW 24:48

Ikemu kixikila qeu no pa ampi vilo, ‘I mpeu ye munuve nani’ ipi no

Apostolmi 17:29

Tishiaye Alhou tikughukomi keke, Alhou ye timiw kümsükuju lono ameshoyi, ghükayi, momu atu, pesü ajulho shisü keu toi ningu ye kümsü kepu kumoe.

Apostolmi 19:26

Nongu no chilu eno ithulu anike Ephesus lo likhi kumono Asia kümtsü lo, hi Paul no au no mlakeu lhouqo ye khilemu alhou kumoe pino timi kutomo züiza sawuvae.

MICAH 6:4

Kughengu I no Egypt yeghi lono nongu saipeghi eno aqüaxe kibo lono nongu qhüchilelu ke, I no nongu lau Moses, Aaron eno Miriam puwue.

HOSIYA 12:13

Tungkupu vecheo Ampeu no Egypt lono Israel saipeghi, eno tungkupu vecheo pa jukuto.

IPEKULU 32:11

Ikemu Moses no Ampeu pa Lhou qhüiniju no pi, “O Ampeu, kushiye Ow timi, khunoqo Nono aküka kije eno akughushu u pesü Egypt yeghi lono saipeghi keno, panoqo shou O loghu no shukuthui piti amasa kea?

IPEKULU 32:7

Ampeu no Moses vilo pi, “Iqilo, kughengu ow timi khunoqo nono Egypt yeghi lono saipeghi keno panongu ye pano ampi shikitiqevae.

IPEKULU 14:11

Panongu no Moses vilo pi, “Egypt lo akumoki kühave kehu no ye ni sawo asayeqha lono pithiveni ye shi ani keshea? No ye Egypt lono ni sasü ipeghi no ni lau kiu shive akea?

IPEKULU 13:21

Ampeu no panongu la kiche tsüniye puchou no khüngküsü tsükucho shi panoqo züu wu, eno putho lono aküvü tsüniye ami tsükucho shi, tishianguno panoqo pelo tsüküvü lo eno tsüküzü lo ghi chewulu peniye ke.

IPEKULU 16:3

eno Israelmi no pama vilo pi, “Egypt yeghi lo nino ashi kulholiqo phivilo iqa no aghakiqi shi achuqupu chuche kelono Ampeu u lonomu thive keu pavini cheke, kughengu nokujo no ni sasü asayeqha hipau lo ighi no Israelmi qoaho kümtsü akhüava lono pithiveni ye shi anike.”

BOTHUBO 44:15

Joseph no panoqo vilo pi, “Nongu ye hi ye kiu kümla shive akea? I toi kemi timi ye kuchou no asaqhilu nanie pi nongu ye mtha kea?”

JOSHUA 7:13

Ithulo, timiqo shikimthe no pilo, ‘Thoghiu ghenguno nongu ampi kishekimtheve lo; kughengu Ampeu Israel Lhou no ishi piani, “Nongu gholo kütsave lopi keu nhemghaqo ani, O Israel. Nongu no anhemgha tipaqo ikhive moke kutolo nongu ye aghümi zülo puthugho lumo nani”

IPEKULU 33:3

Akichhizü ngo akhingozü qowu akeu yeghi lo iqholo; ikemu Ni ye nongu gholo iqhomo nani, tikumo aye alaghi lono I no nongu pühave nosae, kughengu nongu ye kuthovi kemike.”

BOTHUBO 44:4

Panongu no mishighüna lono kushuo kumo lo wuve. Eno Joseph no aghini kishiu vilo pi, “Ithu timi hupaqo pape wulo, eno kughou nono panongu haluni keno, panoqo vilo pilo, ‘Nongu ye kushiye küsakügha pesü akivi tsüchile ani kea?

BOTHUBO 39:8

Ikemu pa no milive no pa mpeu nipu vilo pi, “Julo, I ghenguno I mpeu ye akibo lo kiu vehumu mlomo no ani, eno pa no pighi akeu kümtsü Iw jukükütsü qholo qhive tsüae.

BOTHUBO 19:14

Ikehu Lot no ipe püzü pa makishimi, pa nongaqo sasü akibo shiniye akemi vilo pi, “Ithulo! Hipa-a lono ipevelo, kughengu Ampeu no mishighüna hipau kütsave niye shivae.” Ikemu amalimi no pa ye ghava shi ani küghashi kümsüve.

MATTHEW 24:43

Hi ithilo, aki mpeu no putho lo kiu ghuloki lono küpkami ighi cheni keno ithike aye, küpkami pelo pa ki hepho iloghi pemoni ke pa ye kheani cheke.

BOTHUBO 21:26

Abimelek no pi, “Khuu no hipau shi keno ni ye mthae; no ye I vilo pimoe, eno ni ye ishi kutolo hi chilu mphie.”

IPEKULU 20:23

I gholo ngono nongu ye ghükayi lhouqo mla moni momu nongu sala ameshoyi lhouqo mla moni.

IPEKULU 32:23

Kughengu panongu no I vilo pi, ‘alhou khunoqo no ningu züu shi wunani keno ni sala mla tsülo. Moses hipau Egypt lono ni sasü ipeghi keu ye pa lau kiu shive akeno ningu ye mthavae.’

AKIKIHI 14:22

Egypt lo eno asayeqha lo khunono Iw amchipu jeli eno I juküvü ithulu keghi ghuthu chighi piqi I peju eno I hebide keno, tipaqo lakhimu

EZEKEL 20:8

Ikemu panongu no I lachile ghi hebide eno I tsa chiluni keu pulo move. Panongu khumu pano nhethi ghapiqilu chekeu aphikümqhüpu jeli pevemoe, momu Egypt süatu julhoqo phevemoe. “Tileno I no pi, Ni ye I loghu panoqo shou lepukuni eno Egypt yeghi lono I mlokighide panoqo shou pukuni.

IPEKULU 24:12

Ampeu no Moses vilo pi, “Naghuto lo I lau ikughi lo eno tilauno I ngokhe lo, tishianguno I no atulupha lo Ayezah ngo azakütsü, khikhi I no panoqo kütsüshika penike yepüani keno tipaqo o tsüni.”

IPEKULU 32:22

Aaron no pi, “I mpeu xukighide tavelo. Nono timiqo ithi anike panongu ye küsakügha shinike kutope anie.

ZAKINIU 9:1

“Inilo, O Israel: nongu ye ishi tsala lono Jordan katha iku nongu nguno akijeu akumtou shiyeqo, eno shishe kije eno aliwo no iku atsütsü toni keshi akeu phughiqo haphe niye ani.

ZAKINIU 31:8

Ampeu no o züu chenani. Pa ye o gholo chenani eno o phevemo momu qhivemo nani. Msa momu amlo hauve kevilo.”

LESHELE 106:19

Panongu no Horeb lo amshitsü julho mla eno ayi julho mllae.