IPEKULU 30:15 - Sumi Naga CL (Re-edited) Bible (BSI)

¹⁵ Kughou nongu no nongu küxü shikimthe keu ghenguno Ampeu lau akümllagho tsüni keno, shekel tüxa nguno alau ye kinimi mu ala tsümoni, kumlhomi mu tülalo tsümoni.

BAIBEL (BSI)

¹⁵ Kughou timino panoqo kuxu ghenguno hipau tsunikeno, kinimiye tinguno alau tsumoni momu kumlhomiye tinguno akimkheu shi tsukeu shimoni.

IPEKULU 30:15 Referans Kwoze

AKIKIHI 31:50

Eno milakhikhi no kiu ithulu keno, ameshoyi, au kükha, apukhu kükha, jedapu nguthi, akinikighi, eno achi pesü Ampeu zülo ni ghenguno lochiletsü penike akümllagho süghi ani.”

Ephesiami 6:9

Ampemiqo, nongu ghi aqü-axemi peitha pivilo, eno panoqo kichi kümsa kevilo. Kughengu nongu Mpeu kungugha lo akeu no pano Mpeu ghi kepi ithilo, eno Pa gholo ye agikuju kühae.

JOB 34:19

yepemi lau mu agiju chemo, momu kumlhomi nguno alau kinimiu kihi chemoe, kughengu panongu kümtsü Pa u lo kümla ke.

ACHINE 17:11

Kughengu aküxü ye aji lo ani, eno tino akiptia lono timiqo xine lovetsü penike I no azah shitsüe, aji huno timi xine tha-lovetsü cheni.

IPEKULU 30:12

“Kughou nono Israelmi kikihi luni keno, milakhikhi no pa küxü xakipheme Ampeu tsülo, tishi aye kughou nono panoqo kihini keno kiu püsa mu nongu lau ighimo nani.

Kolosiami 3:25

Kughengu alhoksa kümlami ye pa lhoksa kümla ghenguno agikuju kühano ajume tsüchile nani.

AHOLE 22:2

Kinimi ngo kumlhomi dolo kimshilu chekeu ye hike: Ampeu no pama kinikujo lhoke.

SAMUEL AKINIU 21:3

David no Gibeonmi vilo pi, “Ni ye nongu ghenguno kiu shitsüni kea? Nongu pelo Ampeu mheghi kümghatsü penike ni ye kishi nongu lochileni kea?”

IPEKULU 30:14

Akikihi lo süve kemi, ti ye ampe muku nguno kunguu khunoqo kihisüni keno kümtsü no Ampeuw akümllagho tsüni.

IPEKULU 30:16

Israelmi launo axine pevekütsü pisa luni eno ti ye kuposhukulu phiki kümlapu ghenguno tsüveni, tishino tipau no Ampeu zülo Israelmi kümsüchilelu keu shi nani, tishikeu lono nongu küxü shikimthe lunani.”

IPEKULU 38:26

Khunoqo je yekükütsü kaku lo akeno, ti ye ampe muku nguno kunguu, panongu lakhikhi no gram pungu tüxa tsü (ti ye achineki lo kimghi kiqi lo shekel tüxa qhemi), aqolo kiptimi lakh tsügho qhethonhe küthü aqhe pungu no lhopungu.

EZEKEL 45:16

Israel yeghi lo timi kümtsü no akümllagho hipau pesü Israel kükapuu tsümasa nani.