IPEKULU 30:12 - Sumi Naga CL (Re-edited) Bible (BSI)

¹² “Kughou nono Israelmi kikihi luni keno, milakhikhi no pa küxü xakipheme Ampeu tsülo, tishi aye kughou nono panoqo kihini keno kiu püsa mu nongu lau ighimo nani.

BAIBEL (BSI)

¹² “Kughou nono Israilmi timi lhoxu kikihi shini keno milakhi khino pa kuxu ghenguno ame itsu pelo tishi anguno timi lhoxu kihi akelo pa shou kutsakungo keu ikughi pemonike.

IPEKULU 30:12 Referans Kwoze

AKIKIHI 31:50

Eno milakhikhi no kiu ithulu keno, ameshoyi, au kükha, apukhu kükha, jedapu nguthi, akinikighi, eno achi pesü Ampeu zülo ni ghenguno lochiletsü penike akümllagho süghi ani.”

YEKIKITHI ATUGHIU 27:24

Zeruiah nu Joab no timiqo kihi thuve kemu kishekha mlave. Ikeghi hi ghenguno Israelmi shou aloghu ikughive kehu akikihi hipau ye akükau David yekikithi lo sümove.

MATTHEW 20:28

Timi Nu thotsü huthu peniye ighike kumoe, ikemu huthu niyeke, eno timi kutomo ghenguno pa küxü pesü xakipheme shi tsüniye ighike.”

LESHELE 49:7

Kuchou no khumu khuu xaphe lumo nani, momu pa küxü me kiu qhemi keno Alhou tsümla nani,

1 Tim. 2:6

pa no pa ampi pesü kümtsü ghenguno xakipheme shi tsüve, tino atüqhüdo achipi lono ashepe shi tsüke.

Mark 10:45

Kughengu Timi Nuu ghi huthu peniye ighike kumoe, ikemu huthu niyeke, eno timi kutomo ghenguno pa küxü pesü xakipheme shi tsüniye ighike.”

JOB 36:18

Kutokupuike kumo aye kinikülü no o müsü sawuve nosa, eno külügho no o saküghüzüve nosae.

JOB 33:24

pa no timi hu küpüqhiyive no, ‘Aqokutho lo ilo chekeu xaphe luvelo, pa xakipheme I no ithuluvae,

YEKIKITHI AKINIU 24:6

Ikehu akükau no achinetou Jehoiada kuno pi, “Kushiye no ye Levimi pelo Judah ngo Jerusalem lono Ampeu qeu Moses no timiqo pelo Ampeu kungo phiki tucho kepu süqha tsü penike pi püakeu lo jusümo kea?”

YEKIKITHI ATUGHIU 21:14

Tighenguno Ampeu no Israel lo püsa puwu, eno timi qhethonhe lhotsüni thive.

YEKIKITHI ATUGHIU 21:12

ampe küthü püqümiye keu, aqhi küthü o ghümi zütakikihi no qhasüpe kütsakungoni keu, momu atsala küthü Israel qha kümtsü lo Ampeu zütakikihi puku no Paw kungumi vecheo püsa jeli süghini keu.’ Itehi ni ye kiu khokichile pesü I puwu keu lau idewoni keno xathalulo.”

IPEKULU 30:11

Ampeu no Moses vilo pi,

AKIKIHI 31:49

eno pi, “O qemiqo no ghüshimi khije ni zakütsü qholo ani keno kihiju kelo milakhi mu pühapighi püamoe.

YEKIKITHI ATUGHIU 21:1

Tithiu Satan no Israelmi ghobide ithughive eno David pelo Israelmi kihiju peniye xukutho.

YEKIKITHI ATUGHIU 21:3

Joab no khochile, “Ampeu no Paw timi itehi akeqo nguno ghuthu aqheno küghüsü küphatsü peniwa! Ikemu I mpeu akükau, panoqo ye kümtsü o qemike kumo? Imaye kushiye I mpeu ye hi avehupu shive ani kea? Kushiye hipau lono Israelmi pelo pimive apeni kea?”

YEKIKITHI AKINIU 24:9

Eno Jerusalem ngo Judah kümtsü lo, Alhou qeu Moses no asayeqha lono azah tsükeu, Ampeu ghenguno zame peighi penike sheshuve.