IPEKULU 3:5 - Sumi Naga CL (Re-edited) Bible (BSI)

⁵ Tile Pa no pi, “Kupunu ighi kevilo; o pukhukuqho xavelo, kughengu nono khile puthugho ani keno a-a ti ye akimthe chhigha ke.”

BAIBEL (BSI)

⁵ Alhou no pi, “Tinguno alau kupunu ighikevilo. Opukhu kuqho ikhivelo kughengu noye akimthe-alo puthugho anike.

IPEKULU 3:5 Referans Kwoze

JOSHUA 5:15

Ampeuw ghüshimi zatsüu no pi, “O pukhu kuqho ikhive lo, kughengu nono puthugho akeu ye akimthe-a ke.” Joshua no tishive.

Apostolmi 7:33

Ampeu no pi, ‘O pukhu kuqho xavelo, kughengu nono khile puthugho ani keno ti ye akimthe-a ke.

IPEKULU 19:12

No ye timiqo ghenguno naghuto vehomxa lakükha süve no pilo, ‘Naghuto lo ikumo momu tipau shekichi dimoni ke kutokupui lo. Khukhumu naghuto dilu keu ye pithive nani.

YETSAPIU 5:1

Achineki lo wu kelo kutokupui shilo. Tile shika luniye wu keu no mbomzümi ghakishi nguno akiviue, kughengu panongu ye axine shi anie pi mthae.

IBRIMI 12:20

Kughengu azah tsükeu panongu ye puqhe mlave, “Pichepighi no naghuto dilu namu atu pesü veqhive lo.”

IPEKULU 19:21

Ampeu no Moses vilo pi, “Iqi no timiqo ghutu lo, tikumo aye panongu no Ampeu juniye shoxüsü ighi no kutomo pühave nosake.

ACHINE 10:3

Moses no Aaron vilo pi, “Ampeu no pikeu ye hike: ‘Khunono I zülo ighini keno, Ni ye akimthe kepi ithi masae, eno timi kümtsü zülo I juküvü piye masae.’” Aaron ye inaqhoi ngove.

2 Peter 1:18

ningu ampi no kungugha lono asütsa hipau pikeu athoshi chilue, kughengu ningu ye akimthe toghi lo Pa gholo ake.

ZAKINIU 23:14

Kughengu Ampeu nongu Lhou ye nongu xaphelu eno nongu u lo aghümi süve tsüniye aghazü mta lono chesü iqhoiqi acheni kehu nongu ghazü ye akimthe shimasae, tikumo aye Pa no mithekumo ithulu no nongu launo tsüghüve nosake.

JEREMIYA 30:21

Pano sakipheu ye pano dolo timi no shinani; pano yepeu ye pano gholono ipeghi nani; I no pa sasü aphivilo ighi eno pa no I kupunu ighi nani, kughengu khuu no I kupunu ighi luni kea? ipi Ampeu no asheshu.

IPEKULU 4:28

Ampeu no Moses pelo atsa pi penike puwu akeu eno pa pelo amchipu mla penike azah tsükeu kümtsü pa no Aaron vilo pive.