IPEKULU 3:21 - Sumi Naga CL (Re-edited) Bible (BSI)

²¹ Eno I no timi hipaqo Egyptmi nhethe lo kimiyeqhiyi ithulupe nani; kughou nongu no wuni keno, nongu ye au kümsa wumo nani,

BAIBEL (BSI)

²¹ Ino Ijipmiqo pelo nongu qhoqhupe nani tishi anguno kughou iwu timiqono cheveni keno panonguye a-u kumsa wumo nanike.

IPEKULU 3:21 Referans Kwoze

IPEKULU 12:36

Ampeu no Egyptmi nhethe lo timiqo kimiyeqhiyi ithulupe, tishikeu lono panongu no kiu khu keno tsüke. Ikehu panongu no Egyptmi küakini xule puwuve.

LESHELE 105:37

Tithiu Pa no Israelmi saipeghi no ghükayi eno ameshoyi xapu wuvepe eno Pa shiayeqo dolo ashiaji khokhoshi kemi khumu kühae.

IPEKULU 11:3

Ampeu no Egyptmi nhethe lo timiqo kimiyeqhiyi ithulupe. Tinguno alau, Moses ye Egypt yeghi lo Pharaoh qemi eno timiqo zülo ighono kije shive.

AHOLE 16:7

Kughou milakhi no Ampeu lopu shini keno, Ampeu no pa ghümiu ghi pesü külashitsü cheni.

LESHELE 106:46

Panoqo khathape akughu shikemi kümtsü zülo Pa no panoqo kimiyevepe.

BOTHUBO 39:21

Ikemu Ampeu no Joseph gholo ae eno Paw iqemokeu kikimiye pa piye eno akughu kheu nhethe lo pa kimiyeqhiyi ithulu pe.

Apostolmi 7:10

eno pa ghime küsa kümtsü lono xaphelu no Egypt kükau Pharaoh lopu shilu eno alokütsü shilupe. Ikehu Pharaoh no pa pelo Egypt yeghi lo yepeu shipe eno kükaki jukükütsüu shipe.

NEHEMIA 1:11

O Ampeu, O kini kughope O qeu kighini chilu tsülo, O qemi kütami O je sümsa chekemi kighini ini tsülo, ishi no ni O qeu lau tokulu puwu tsülo, eno timi hipau zülo ow kimiyekini I tsülo.” Ni ye akükau jukhu kipeu shi cheke.

IPEKULU 12:35

Moses no panoqo vilo pi ketoi Israelmi no tishive, kughengu panongu no Egyptmi vilo ghükayi ngo ameshoyi nhemgha eno tiphimini khuluve.

KUKAMI ATUGHIU 8:50

Panongu xine eno hekibide kümtsü qhive tsülo eno pano ghümi pelo pano kimiyelu pelo.

BOTHUBO 15:14

Ikemu panongu no qeche keu shiye shou I no küghakütha süghi nani, eno tithiuno panongu no küakini kutomo pesü ipeghive nani.

IPEKULU 11:2

Itehi Israelmi no chikulupu shi pilo, kiptimi eno totimi lakhikhi no pütüta kisüghüu vilo ghükayi ngo ameshoyi no shikeu tinhemgha jeli khulo.”

ZAKINIU 15:13

Nono pa pheve kelo au kümsa puwu moni.