IPEKULU 3:16 - Sumi Naga CL (Re-edited) Bible (BSI)

¹⁶ Wulo eno Israel lo layemi hekütsü kumqo no panoqo vilo pilo, ‘Ampeu, nongu puasüqo Lhou, Abraham Lhou, Isaac Lhou eno Jacob Lhou no I lau ipeghi no pi, “Egyptmi no nongu lau kiu shi keno I no nongu chhejuvae,

BAIBEL (BSI)

¹⁶ Wulo eno Israilmi sakiphemi hekutsu kumqolo eno panoqo vilo panoqo pu asu Lhou ni AMPEU, Abraham, Isak eno Jakob Lhou no olau ipeghi ke pi pilo. Niye panoqo lau ighi ani eno Ijipmino panoqo shou kiu shi ani keno ino ithuluve akepi pilo.

IPEKULU 3:16 Referans Kwoze

LESHELE 8:4

timi ye kiu keno No ye pa kümsülu cheni, eno timi nu ye kiu keno No ye pa hiju acheni kea?

IPEKULU 4:31

Eno timiqo no pülüve; kughou panongu no Ampeu no Israelmi xuju ighivae eno Pa no panoqo ghime ithuluvae pi chilu keno, panongu no pano kütsü pishiqho luve no mllae.

IPEKULU 4:29

Tithiu Moses ngo Aaron pama no wuno Israel lo layemi kümtsü hekütsü kumqoe.

BOTHUBO 50:24

Joseph no pa mu noqo vilo pi, “Ni ye thive niye shivae, ikemu Alhou no nongu xuju ighi nani eno ayeghi hipau lono nongu sasü Pa no Abraham, Isaac eno Jacob vilo ashoqhi shikeu yeghi lo ipeve nani.”

Apostolmi 15:14

Alhou no kishi Pa je ghenguno Jewkumomi gholono timi khami kishelu keno, Simon no pivae.

1 Peter 5:1

Ikehu, I no Khristo ghime lo thopimi lakhi shi, ajuküvü pepheni ye akeu lo ghi asaje kulumi, eno kichimi lakhi shino nongu gholo layemiqo shikumto anike:

1 Peter 2:12

Alhou mtha kemi gholo nonguw süqesüli ye gihuküzüpu shilo, tishianguno panoqo no nongu ye küsakügha kümlami kepi jeku anamu itaghi nongu kümla kivi ithulupe Alhou no ighike Tsala lo akishe tsülu nani.

Apostolmi 20:17

Miletus lono Paul no Ephesus kukuhou lo kichimiqo pa lau ighi penike ku puwu.

Apostolmi 11:30

Eno panongu no titoi shino Barnabas ngo Saul pama u lono akukuho lo kichimi lau akukuphu tsüpuwue.

Luke 19:44

Panongu no no eno o gholo atianuli kümtsü kütsave tsü nani, eno nono o xukuju ghuloki ithi move kehu o phughi lo atu lakhino lakhi shou küqape qhitsümo nani.”

Luke 1:68

“Israel Lhou Ampeu ye sheqhe küzüe, kughengu Pa no Paw timiqo xuju ighi no qhüchile luvae.

MATTHEW 26:3

Tile achinetomi ngo Jewmi layemi ye achinetou Caiaphas kilo kumqo,

RUTH 1:6

Tileno li no li mukishiu pama sasü Moab ghakhu lono idewo niye kutove, kughengu Ampeu no Paw timiqo xuju no achuqupu tsü anie pi li no Moab luza lono chilue.

IPEKULU 13:19

Moses no Joseph saghi pa gholono pesü wuve, kughengu Joseph no Israel nuliqo pelo ishi tushoqhi peke, “Mtsüqheino Alhou no nongu xuju nani, eno hile no nongu no I saghi pesü nongu gholono wuve nani.”

IPEKULU 4:5

“tishianguno panongu no Ampeu, pano puasü Lhou, Abraham Lhou, Isaac Lhou, eno Jacob Lhou no o lau ipeghi kepi pülü nani.”

IPEKULU 2:25

Alhou no Israelmi ithulu—eno Alhou no ithive.

IPEKULU 24:11

Pa ye Israelmi atomi shou Pa u chhomoe; panongu no Alhou ithulu eno chushoe.

IPEKULU 18:12

Moses pangu Jethro no akipti kümllagho lakhi peighi no Alhou lau aghashi; eno Aaron no Israelmi layemi kümtsü saighi no Moses pangu sasü Alhou zülono chushoe.

IPEKULU 15:14

Ashiayeqo no chiluvae; panoqo ye msa khokhoshi ani; apunu küsü no Philistia lo küxümiqo tsügha luvae.

IPEKULU 3:2

Eno Ampeuw kungumi no asüminipho mta lono ami mili lakhi shi pa lau ipeghi. Pa no ithulu eno julo, asüminipho ye iqü aghi, ikemu tipau ye piti pühave moe.

BOTHUBO 21:1

Ampeu no piqhi ketoi, Pa no Sarah xuju, eno Pa no ashoqhi shi ketoi Sarah lau mlatsüe.

BOTHUBO 1:7

Alhou no qhakuchho-a mla eno tipau qhou azü akeu ngo tipau shou azü akeu kijethave tsü. Eno titoi ilhouve.

BOTHUBO 28:13

Eno julo, Ampeu no tipau shou aghi no pi, “Ni ye Ampeu, o pu Abraham Lhou eno Isaac Lhou ke. Nono ayeghi khile ngo ani keno I no no eno o tikughukomi tsüni.

BOTHUBO 48:15

Eno pa no Joseph kümghatsü no pi, “Alhou khuu zülo I pu Abraham ngo Isaac no cheche keno, Alhou khuu no I küxü kupuju ishi kutolo I kheu keno,

IPEKULU 3:6

Eno Pa no pi, “Ni ye o pu Lhou, Abraham Lhou, Isaac Lhou eno Jacob Lhou ke.” Moses no pa gi küsüve, kughengu pa ye Alhou junike msave.

IPEKULU 4:1

Tile Moses no khochile, “Ikemu julo, panongu ye I pülümo nani momu I tsa ini tsümo nani, kughengu panongu no pi nani, ‘Ampeu ye o lau ipeghi püamoe.’”

IPEKULU 17:5

Ampeu no Moses vilo pi, “Israel lo layemi khami o gholono sasü timiqo heche wulo, eno aküsü khipau pesü nono Nile lo hesü keno tipau o u lo pesü wulo.

LESHELE 33:18

Julo, Ampeu nhethi ye khunono Pa sümsa cheni keno, Paw iqemokeu kikimiye shou pükhü chekemi shou acheni,

IPEKULU 1:8

Akükau kithe lakhi, khuu Joseph mtha keno, pa no Egypt shou ayepe luve.

LESHELE 102:21

tishikeu lono panongu pelo Zion lo Ampeu je sheshu, eno Jerusalem lo Pa sheqhelu pelo,