IPEKULU 3:12 - Sumi Naga CL (Re-edited) Bible (BSI)

¹² Pa no pi, “Ikemu I no o gholo anani, eno I no o puwu akeu shi hi no o ghenguno amchipu shi nani: kughou nono timiqo Egypt lono saipeghini keno, no ye naghuto hipau lono Alhou qe nani.”

BAIBEL (BSI)

¹² Alhou no khochile pi, “Ino ogholo anani eno kughou nono Ijip lono timiqo saipeghi nikeno noye hipau naghuto lono imlla nanike. Tipauno ino opuwu akeu michipu shinanike.”

IPEKULU 3:12 Referans Kwoze

JOSHUA 1:5

Nono xüake tivilo timi khunomu o theqhimla nani. I no Moses gholo acheke toi o gholo anani. Ni ye khilemu o qhivemo momu o phevemo nani.

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

ZAKINIU 31:23

Eno Ampeu no Nun nu Joshua süküsü shino pa vilo pi, “Akumto shilo eno amlo mtolo, kughengu nono Israelmi sasü I no tushoqhi keu yeghi lo ilo nani, eno I no o gholo anani.”

BOTHUBO 31:3

Tile Ampeu no Jacob vilo pi, “O puno yeghi lo no bolomi lau idewove lo, I no o gholo ananie.”

IPEKULU 4:15

Nono pa pütsa no pa kichi lo atsa sütsülo, I no o gholo eno pa gholo anani eno kiu shikepu keno I no nokujo shika nani.

IPEKULU 4:12

Tighenguno itehi wulo, eno I no o gholo shino nono kiu pikepu keno o shika nanie.”

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

ISAIAH 43:2

Kughou nono azüghi katha wuni keno I no o gholo anani; nono aghoki katha kelo, tino no yipe wuvemo nani; kughou nono ami katha wuni keno o pitive monani; ami mili ye o pitiqhi monani.

Apostolmi 11:21

Ampeu küka no pano gholo ae; eno timi kutomo no pülü luno Ampeu lau ighive.

Mark 16:20

Tithiu akhopemi no ashou akuaqha kümtsü lo sheshu wu, eno Ampeu no panoqo gholo mla eno amchipuqo vecheo atsape ye kuchoue pi alau iqhikumto tsüe.]]

IBRIMI 13:5

Pisa kimne lono o küxü putosü lulo, eno nono kiu ani keno o ghakiqi shilo, kughengu Alhou no pi, “Ni ye khilemu o qhivemo, momu o phevemo nani.”

ISAIAH 7:14

Tighenguno Ampeu ampi no amchipu lakhi o tsü nani. Julo, ili thathe lakhi no mishipuve no anu punu nani, eno pa je pesü Immanuel kutsü nani.

LESHELE 86:17

Nono kimiyetsü akeu michipu I piyelo, tishiaye I mithi chekeqo no ti ithulu no kujove nani kughengu Ampeu, Nono I kuphu eno I lokughuno tsüke.

ISAIAH 37:30

“Hino o ghenguno amchipu shini: khashi ngo tokuu ye ghile lo athi kiche khakumo no pakutoshi no ipeghi keu pesü nono chuni, tishino ampe aküthüu lono xusü no ghile hulo, atsailu chino axathi xochulo.

XAKUTHAMI 7:11

Panongu no küptsa keu nono chilu nani eno tithiu no iqi lenike o u shikumtolu nani.” Ikehu Gideon ngo pa qeu Purah pama no aghümi ghazü apheu iqi.

XAKUTHAMI 6:21

AMPEUw kungumi no pa küsü kümtsü pesü ashi ngo asho küma di eno tileno atu lono ami ipeghi püzü ashi ngo asho küma pitive, eno AMPEUw kungumi ghi hauve.

XAKUTHAMI 6:17

Gideon no pi, “Imaye I no O pulou shi aghi aye, Nono I pütsa anie pikeu kiqishi amchipu I piyelo.

BOTHUBO 15:1

Hipaqo shive kethiu, kungunhetsü lono Ampeu tsa Abram lau ighi: “Msa kevilo, Abram, Ni ye o züto ke; o saxü ye shishe kije shi nani.”

BOTHUBO 15:8

Ikemu pa no pi, “O Ampeu Alhou, I no ti ighilu nanie pi ni ye kishino ithini kea?”

Apostolmi 7:7

Ikemu panongu no qeche keu shiye shou I no küghatha nani, eno tithiu panongu no hile ighive no I mlla nani,’

IPEKULU 3:1

Moses ye Midian lo achineu pa ngu Jethro mbeloji khekuto ae, eno pa no yenguyike-a kulolau ambeloji sasü wuno Alhouw naghuto Horeb lo ighi.

IPEKULU 3:13

Tile Moses no Alhou vilo pi, “Tsala I no Israelmi lau ighi no panoqo vilo, ‘Nongu papu Lhou no nongu lau I puwu ani,’ ipi aye, eno panongu no I vilo, ‘Pa je ye khuu kea?’ ipi ighiju aye, ni ye panoqo vilo kiu pini kea?”

IPEKULU 18:5

Moses pangu Jethro no Moses nu pama eno pa nipu sasü asayeqha lo Alhouw naghuto khile pa no aghazü shipe akeno tile ighie.

IPEKULU 33:14

Ampeu no pi, “I no o gholo wunani, eno akulhokiqhi o tsü nani.”

AKIKIHI 16:28

Moses no ishi pi, “Hipau lono nongu no ithi nanike Ampeu no hipaqo kümtsü shipeniye I puwuke eno I likhi I no kishelu keu lono hipaqo shi anike kumoe.

AKIKIHI 23:21

Pa ye Jacob hasapu ithulu amoe, momu Israel lo aküküpna ithulu amoe. Ampeu panongu Lhou ye pano gholo ani, akükau sütsa ye pano gholo anie.

XAKUTHAMI 6:16

Ampeu no pa khochile, “Ikemu I no o gholo anani, eno timi lakhi heqhi akeshi nono Midianmi kümtsü heqhive nani.”

KUKAMI AKINIU 19:29

“Hino o ghenguno amchipu shi nani: khashi ye pa kutoshino kiu ipeghi keno ti chuni, eno tokuu ghi, kiu ipeghi keno chuni. Tishino ampe aküthüu loye, xusü no ghile hulo, atsailu shilo eno tipa xathi chulo.

JEREMIYA 1:8

Panoqo msa kevilo kughengu I no o xaphe lunike o gholo ani, Ampeu no asheshu.”

BOTHUBO 26:3

Hipa yeghi lo ado hami ngolo, eno I no o gholo anani eno o kümghatsü nani, kughengu o lau eno o tikughukomi lau I no ayeghi hi kümtsü tsü nani, eno o pu Abraham lau ashoqhi khikhi I no tushoqhi keno tipau shikupu tsü nani.

IPEKULU 8:27

Ningu ye yenguyike-a lo atsala küthü ghüzüla lo wuno Ampeu ni Lhou no pi ketoi Pa lau aghakishi shimasa nani.”

XAKUTHAMI 6:12

AMPEUw kungumi no pa lau ipeghi no pi, “Ampeu no o gholo ani, O, aghü kivimi.”

SAMUEL ATUGHIU 14:10

Ikemu panongu no, ‘Ningu lau ikughi lo,’ ipi aye, nikujo no ikuni kughengu ti ye Ampeu no panoqo pesü nikujo u lo süve tsüake. Ikehu hipau no nikujo michipu shini.”

YEKIKITHI ATUGHIU 9:20

Phinehas, Eleazar nu no wovekeu lo tile atou shiche; eno Ampeu no pa gholo ache.