IPEKULU 29:38 - Sumi Naga CL (Re-edited) Bible (BSI)

³⁸ “Akümlla-khache lo nono mllani keu ye hike: tsala kipetsü ampe lakhi mbeti kini.

BAIBEL (BSI)

³⁸ Tamono tsalakipetsulo bheriti ampe lakhi shive keu kini pesu akiptialo aghashilo.

IPEKULU 29:38 Referans Kwoze

YEKIKITHI ATUGHIU 16:40

tishianguno panoqo pelo Ampeu no Israelmi lau azah tsükeu kümtsü pape ghi ina-kijili atsütsü Ampeu lau akipti kümllagho tsü peniye ke.

DANIEL 12:11

Tsalakipe kümllagho ikhipe wuve kelono aphikümqhüpu julho no küghüküghaleive tsüni keu kutolo atsala 1,290 anani.

YEKIKITHI AKINIU 31:3

Akükau no qhasü tsükeu ye paw lüthü lono akipti kümllagho ghenguno: ti ye ina kijili akipti kümllagho, Sabbath, aqhi kithe lo akipti kümllagho, eno Ampeu Yezah kiqi lono ampe lo tiqhetini ghenguno ke.

YEKIKITHI AKINIU 13:11

Panongu no ina kijili atsütsü Ampeu lau akipti kümllagho ngo axokütsüngü pesü tsücheni, ameshoyi akiviu kibepu lo asho kutope qhitsü cheni, eno ameshoyi kulu kibepu tucho cheni, tishianguno akulu pelo kijili atsütsü iqü peniye ke. Ningu ye Ampeu no azah tsükeu pape cheni, ikemu nongu ye Pa phevae.

YEKIKITHI AKINIU 2:4

Julo, ni ye Ampeu I Lhou je ghenguno aki shiqhe nike kuto ani, eno tileno axokütsüngü piti, tsalakipe akümlla sho qhitsü, eno Israelmi ghenguno alholo ina kijili, Sabbath lo, aqhi kithe lo, eno Ampeu ni Lhou tiqhetini lo, akipti kümllagho tsünike aki tipau ikhiphe tsüniye ani.

DANIEL 9:27

Apinedo lakhi ghenguno pa no kutomo sasü puloshoqhi kumto mla nani eno apinedo tüxa ghenguno pa no aghakishi ngo akümllagho lakhave nani. Eno aphikümqhüpu chishibo lono kütsakungo nikeu ighi nani, eno kishekhani keu za shi püakeu huno pa shou lepuku tsümoke kutolo pa ye tile anani.”

EZRA 3:3

Panongu no tipa-a lo akiptia ghope qhive, kughengu aghakhu lo timi ashiayeqo ghenguno panongu ye msa ake, eno tipa-a lono panongu no akipti kümllagho Ampeu lau tsü, inaqhe eno avela kipti kümllagho tsüe.

1 Peter 1:19

ikemu ambe tukutiye momu akuaye küha keu kimihi shi Khristo ji amekusho huno ke.

IBRIMI 7:27

Pa no ghuthu khavino kümtsü ghenguno pa ampi ikhiphe tsüve keke pa ye achinemi kütami toi atüghüshi pa xine ghenguno eno tithiu no timiqo ghenguno tsalakipe ghakishi shi akepu kühae.

John 1:29

Tishiwo thoghiu John no Jisü pa küdau cheghi keu ithulu püzü pi, “Alhouw Ambeti khuu ayeghiqha xine pevetsü keno, julo!

DANIEL 9:21

I no akighini shi ake lono Gabriel, timi khuu kungunhetsü atüghüu lono I no ithulu püa keno, pa no mtazü avelau ghakishi ghuloki lono I lau yeighi.

BOTHUBO 22:7

Isaac no pa pu Abraham vilo pi, “I pu!” Pa no pi, “Ni hile ani, I nu.” Isaac no pi, “Julo, ami ngo asü ye ani kemu akipti kümllagho ghenguno ambe khile ani kea?”

IPEKULU 40:29

Eno Ampeu no Moses azah tsüke toi pa no kuposhukulu phiki lo Ampeu kungo phiki kulaghi lo akipti kümlla khache ghope qhino tileno akipti kümllagho ngo athi kümllagho mllae.

ACHINE 3:5

Tishino Aaron nuli no akiptia lo piti mlla akeu shou no hipaqo kümtsü pitiveni; Ampeu lopu mülüi keu xo hino achuqupu kümllagho ke.

ACHINE 6:9

“Aaron ngo pa nuli azah tsüno pilo, Hi no akipti kümllagho yezah: Akipti kümllagho ye puthotsü inaqhe kutolo akiptia miphoki shou akhache lo bepe qhiveni, eno akiptia lo ami shipe qhini.

AKIKIHI 29:6

hi ye aqhi kithelo akipti kümllagho, athi kümllagho, eno tsalakipe kipti kümllagho ngo athi kümllagho eno atsaizü kümllagho nguno alau tsüni keu ke; eno ayezah kiqi lono Ampeu lopushi tsüngqüi achuqupu kümllagho tsü keu ke.

YEKIKITHI AKINIU 8:13

eno Moses zakütsü kiqi lono tsalakipetsü akümllagho pesü tsüe: Sabbath tsala, aqhi kithe, eno ampe lo tiqhetini küthü—Kholaqhi Sümokeu Sho, Ghile Tiqhetini, eno Apusho lo Pine Tiqhetini.

EZRA 3:5

tithiuno alhoaye lo kipti kümllagho, aqhi kithe kümllagho, kihitha tsükeu kiqi lono Ampeu lau aghulhu shi chekeu, eno khukhumu pulokini kümllagho pesü Ampeu tsükeu shike.

ACHINE 9:17

Inaqhe akipti kümllagho nguno alau pa no athi kümllagho peithatsü, akümllagho süghi keu lono pa u kichhi lakhi luve no akiptia lono pitive.

YEKIKITHI AKINIU 2:3

Pa no Tyre kükau Hiram lau asütsa pi puwu: “Nono I pu David sasü kilhisho no pa no ngokepu ki shiqhelu penike cedar pa tsüpuwu ketoi I lau ghi tishi tsülo.

YEKIKITHI AKINIU 29:7

Panongu no achineki hukikha ghi khave, akulu pinheve eno axokütsüngü piti move, momu akipti kümllagho pesü Israel Lhou lau Akimthe-a lono mlla move.

EZEKEL 46:13

“Tsalakipetsü nongu ye ampe lakhi mbe lakhi akipti kümllagho shi Ampeu lau tsüni; inaqhe atsütsü nongu ye tipau tsüni.

EZEKEL 46:15

Ikehu inaqhe atsütsü tamono akipti kümllagho shikepu ghenguno ambe ngo achuqupu kümllagho eno thazü ishi tsülo.