IPEKULU 27:16 - Sumi Naga CL (Re-edited) Bible (BSI)

¹⁶ Putukhasü keu lo khagho ghenguno atsüla, hughai, akuhu, eno phepheike phi kipili gholo ayipu no aye shisü keu nhaqhiphi auxakuchho 9 mlalo. Atsükucho bidi gholo ghoqhe kepu bidi shini.

BAIBEL (BSI)

¹⁶ Ikulolalo ghenguno nhaqhi phi akushulau miter toku shilo: tiye amhi phi, tsulabei, hughai eno huchui keu pesu phepheyi ghokeu eno aye shisu keuno koghekughu shikeu. Tiye ghoqhe kepu bidilo atsukucho bidino choqhepe qhilo.

IPEKULU 27:16 Referans Kwoze

IPEKULU 26:36

“Aphiki kulaghi lo nhaqhiphi ghenguno atsüla, hughai, eno akuhu yeho ngo phepheike phi kipili pesü ayipu no aye shisü no qhilo.

LESHELE 45:14

Li no chijeboike phi alabe jeli no shikeu pepusü li qelimi no apape no akükau lau sawue.

XAKUTHAMI 5:30

‘Panongu ye hakhokulu phulu no kije lumphi keshea? Timi lakhi ghenguno ilimi lakhi momu kini hu; Sisera ghenguno aphimini kivi, akuo ghenguno aye shisü keu jukivi phi hakholu keu ithulu mphi keshea?’

IPEKULU 39:29

eno Ampeu no Moses azah tsüke toi atsüla, hughai eno huchuyi keu yeho ngo phepheike phi kipili akivi pesü apokha mla.

IPEKULU 36:37

Pa no akulaghi lo ghi ayeho atsüla, hughai eno huchuyi keu ngo phepheike phi kipili pesü akoghe ye shisü no nhaqhiphi mla,

IPEKULU 28:39

“Aphiküzü eno akütsü küzüphi ghi phepheike phi akivi no shilo eno apokha ye ayipu no aye shisü ghi mlalo.

IPEKULU 26:31

“Atsüla, hughai, eno akuhu yeho ngo phepheike phi kipili pesü nhaqhiphi mlalo. Tile kütshakügha shi cherubim shisülo.

IPEKULU 27:15

Ako lakhiu küdau nhaqhiphi ye auxakuchho 6 eno aunhekipshe 2 shilo, tipau lo atsükucho küthü eno puqhe kepu küthü shilo.

IPEKULU 27:17

Putukhasü keu lo atsükuchoqo kümtsü ghükayi no ladani. Tipaqo pufu kepu ye ghükayi no shilo eno ghoqhe kepu ye alazayi no shilo.

AKIKIHI 3:26

Aphiki khala lo nhaqhiphi, Puloshoqhi bohu kiqhi-a eno akiptia bocho lo ilonikeu hukikha lo nhaqhiphi, eno tipaqo kighi jukütsüni, hitoi keu kümlapu kütau kiu kiumu mla penike kughutsü.