IPEKULU 25:22 - Sumi Naga CL (Re-edited) Bible (BSI)

²² Akünha sholo ashepe bohu shou cherubim kini akeu mta lono I no o sasü kushoni, Israelmi ghenguno I no azakütsü o tsüniye akeu vehu I no tileno o vilo pini.

BAIBEL (BSI)

²² Tilehino ino osasu kusholuni eno akunha shou kerubim kuma mtalono ino Israilmi ghenguno iyezah kumtsu pesu otsu nani.

IPEKULU 25:22 Referans Kwoze

AKIKIHI 7:89

Kughou Moses no Ampeu sasü küptsani ye Aphiki lo ilo keno, pa no Puloshoqhi bohu shou cherubim kini dolo küpükini lakhü akeu shouno asütsa lakhi chilu, eno tino pa pütsae.

ISAIAH 37:16

“O aqokitikhi MPEU, Israel Lhou, cherubim shou kükalakhü lo iqa chekeu, ayeghi lo kükaqha kümtsü shou Alhou ye O likhie; Nono atsütsü eno ayeghi lhopheke.

LESHELE 80:1

Akini kugho puwo tsülo, O Israel kheu, Nono ambe loji saphe keshi Joseph shiaye saphe lo! No, Cherubim chishibo shou iqa ngo achekeu, aküvü yepüvü lo.

KUKAMI AKINIU 19:15

Pa no Ampeu zülono inikhu no pi: “O Ampeu, Israel Lhou, Cherubim shou iqa akeu, ayeghi lo kükaqha kümtsü shou O likhi no Alhou ke; Nono kungugha ngo ayeghi lhoke.

SAMUEL ATUGHIU 4:4

Ikehu Shiloh lono aqokitikhi Mpeu, Khuu Cherubim küka lakhü shou akeno Paw Puloshoqhi Bohu peighive. Eno Eli nuli, Hophni ngo Phinehas pama ye Alhouw Puloshoqhi Bohu gholo ae.

AKIKIHI 17:4

Tishino kuposhukulu phiki lo puloshoqhi bohu zülo I no o pütsa cheke-a lo qhivelo.

ACHINE 16:2

eno pi, “O mu Aaron vilo ado kümtsü lo nhaqhiphi thiu Akimthe-a lo Puloshoqhi bohu shou kimiyekini lakhü zülo ighi kevilo pilo, tishikeu lono pa ye thimo nani. Kughengu Ni ye tipa shou khüngküsü lono ipeghi nani.

LESHELE 99:1

Ampeu no ayepe ani; timi kümtsü no khokhoshilo! Pa ye cherubim shou iqa ani; ayeghi pelo itha pelo!

SAMUEL AKINIU 6:2

Eno pa no pa gholo akeqo kümtsü sasü Baale-judah lono Alhouw puloshoqhi bohu, ti ye cherubim shou kükalakhü akeu lo iqa chekeu aqokitikhi Mpeu je lono kukeu, süghini ye wuve.

IPEKULU 30:36

Tipaqo hami pesü mukhumuno shi kubo no kitila ikhipe kuposhukulu phiki lo ashepe akeu, khilehi I no o sasü kushoni ye ani keno, tipa zülo qhilo. Ti ye nongu ghenguno ighono akimthe ke.

IPEKULU 30:6

Eno tipau pesü nhaqhiphi puloshoqhi bohu zülo akeu, akünha phivilo qhilo, tileno I no o sasü kushoni.

XAKUTHAMI 20:27

Alhouw puloshoqhi bohu tile ache kehu Israelmi ye Ampeu vilo inijuni ye wuke.

LESHELE 90:1

Ampeu, tiqheli kümtsü lo No ye ni kungo-a ke.

ACHINE 1:1

Ampeu no Moses kuno kuposhukulu phiki lono pa pütsa no pi,

IPEKULU 31:18

Kughou Ampeu no Sinai Naghuto lono Moses pütsa tave keno, Pa no ashepe tulupha kini, Alhou uloti no yepuku keu atulupha küma pesü Moses tsüve.

IPEKULU 31:6

Julo, pa gholo mla penike I no Dan shiayemi Ahisamach nu Oholiab süküsü shivae. Eno mlaluni kemi kümtsü lau I no mlakulupu küka tsüvae, tishino panongu pelo I no azah tsükeqo kümtsü shilu peni:

IPEKULU 20:24

Ayeghi no shikeu kiptia I ghenguno mlalo eno akipti kümllagho ngo külakishi kümllagho, nongu mbe ngo amshitsü tipau lono aghashini. I je kümsülu penike I no kishetsü ke-a lo nongu lau ighi nani eno nongu kümghatsü nani.

BOTHUBO 18:33

Kughou Ampeu no Abraham pütsaqhive keno, Pa ye wuve, eno Abraham ghi pa kilo idewove.

IPEKULU 27:21

Kuposhukulu phiki lo nhaqhiphi nguno khalau, ti ye ashepe akeu zülo, Aaron ngo pa nuli no Ampeu zülo avelau no inaqhe kutolo tipau jukutoni. Hi ye ayezah lakhi shi Israelmi no tiqheli kümtsü lo alholo ghenguno papeni.

YEKIKITHI ATUGHIU 13:6

David no Israelmi kümtsü sasü Judah yeghi Kiriath-jearim lo Baalah ipikeu-a lono Alhouw Puloshoqhi Bohu, khipau lo Ampeu no cherubim shou ache keno, tipau pekiqhe süghi nike iqho.

LESHELE 80:2

Ephraim, Benjamin, ngo Manasseh zülo O kumto pephe, eno ighi no ningu xaphe lulo!

EZEKEL 43:6

Timi huno I phivilo puthugho akelo asütsa lakhi no achineki lono I pütsa keu I no chilu,