IPEKULU 24:3 - Sumi Naga CL (Re-edited) Bible (BSI)

³ Moses no ideighi no timiqo vilo Ampeu tsa eno akhuaye kümtsü pive. Eno timi kümtsü no asütsa lakhi lono khochile pi, “Ampeu no atsa piqhive keu kümtsü ningu no shini.”

BAIBEL (BSI)

³ Muse no timiqo lau ighi puzu AMPEU no ahza tsukeu eno shilo pikeu tsa kumtsu pesu pike ike timi kumtsuno ishi khochile, “AMPEU no pikeu kumtsu ninguno shinike.”

IPEKULU 24:3 Referans Kwoze

IPEKULU 19:8

Timi kümtsü no kümtsa khochile no pi, “Ampeu no pive keu kümtsü nino shini.” Eno Moses no timiqo tsa pesü Ampeu vilo pive.

IPEKULU 24:7

Tithiu pa no Puloshoqhi kaku ikhilu no timiqo pelo chilupe ghi phisü. Eno panongu no pi, “Ampeu no piqhive keu kümtsü ningu no shini, eno nino aghokulu shini.”

JOSHUA 24:22

Joshua no panongu vilo pi, “Nongu no Ampeu qenike kishe keu lo, nongu ampi no now thopiae.” Panongu no pi, “Ningu no thopimie.”

ZAKINIU 6:1

“Ampeu nongu Lhou no nongu shika penike akhuaye eno pimheye azah I tsü, hipaqo ye nongu no ilo pükhalu niye akeu yeghi lo pelu peniye ke,

ZAKINIU 5:1

Moses no Israelmi kümtsü kukumqo no pi, “O Israel, ishi tsala lo I no akhuaye ngo pimheye nongu vilo pikeqo inilo, tipaqo shikalu no kutokughoi pelulo.

ZAKINIU 4:45

Israelmi no Egypt lono ipeghive kethiu, Moses no panongu vilo pikeu ashepe, akhuaye, eno pimheye hipaqo ani.

ZAKINIU 4:5

Julo, nongu no ilo niye akeu yeghi lo pelu peniye Ampeu I Lhou no azah I tsüke toi I no akhuaye ngo pimheyeqo nongu shikavae.

ZAKINIU 4:1

“Itehi I no nongu shika akeu khuaye ngo pimheye papelo, tishikeu lono Ampeu no puasü Lhou no nongu tsü akeu yeghi lo ilolu nani.

ZAKINIU 11:1

“Ampeu nongu Lhou kimiye lo eno alhokuthu Pa khuaye, pimheye, eno azakütsü pelu lo.

ZAKINIU 5:31

Ikemu no, Moses, ye hile I phivilo puthugho lo, o pelo panongu shika penike I no azakütsü, akhuaye, eno pimheye kümtsü o vilo pini, tishianguno I no tsü akeu yeghi lo panongu pelo tipaqo pelu peni.

IPEKULU 24:2

Moses likhi no Ampeu lau kupunu ighini, ikemu kütami ye kupunu moni, timiqo ye pa gholo ighi moni.”

JOSHUA 24:24

Timiqo no Joshua vilo pi, “Ampeu ni Lhou ningu no qeni, eno Pa zakütsüqo nino gholuni.”

JEREMIYA 11:4

ti ye I no Egypt yeghi lo ayi kiyiqibo lono no puasüqo saipeghi kelono azah tsükeu ke. I no pi, I sütsa inilo, eno I no azah tsükeu kümtsü shilo. Tishiaye nongu ye Iw timi shinani, eno I no nongu Lhou shinani,

JEREMIYA 34:13

“Israel Lhou, Ampeu no ishi piani: Ni ampi no Egypt kughuki lono no puasüqo saipeghi kelono panongu sasü puloshoqhi shino pi,

MALAKI 2:10

Ningu kümtsü Apu lakhi anike kumo? Alhou lakhi no ningu lhophe kekumo keshea? Imaye kushiye ningu ye lakhi no lakhi pükhübemla no ningu puasüqow puloshoqhi shipüthave kea?

JOSHUA 24:21

Ikelo timiqo no Joshua vilo pi, “Moe, ningu ye Ampeu qeni.”

YEKIKITHI AKINIU 15:14

Panongu no afuko ngo akibo küigha no asütsa kuloghi lono Ampeu lau ashoqhi shive.

YEKIKITHI AKINIU 15:15

Judahmi kümtsü no puloshoqhi ghenguno alovi, kughengu panongu no amlo kümtsü süno ashoqhi shi, eno pulopinyi Pa phu kelo phulue. Ikehu Ampeu no aqha kümtsü lono alokughuno panoqo tsüe.

LESHELE 50:5

“I no pükhübe chekemi khunono aghakishi pesü I sasü puloshoqhi shive akeno panoqo I lau hekütsülo!”

HAGAYI 2:5

kughou nongu no Egypt lono ipeghi keno tileno I no nongu sasü puloshoqhi shikeu kiqi lono ke. I Ghungu no nongu gholo ani, msa kevilo.