IPEKULU 22:6 - Sumi Naga CL (Re-edited) Bible (BSI)

⁶ “Tsala ami ipeghi no tino atsüni pitisü athi kumqo püakeu momu aghibo momu aluza pitileve tsü aye, khuu no ami sü keno, pa no akuchopu lochileni.

BAIBEL (BSI)

⁶ “Timi lakhino pa lulo ami shiakelo amaniteni lono qhawove puzu kutami lulo athi ipeghi akeu momu ghope kutsupua keu pitivetsu aye, ami kishiu huno kutsave keu lochileni.

IPEKULU 22:6 Referans Kwoze

IPEKULU 22:9

Amshitsü, khurha, ambe, ane, hebephi, momu kiu kiumu pühave keu achipikumo lono qhipüaghi kelo, khuana no, ‘Hi ye Iw ke,’ ipi aye, amqo kini küküpna ye Alhou zülo süghini. Alhou no khuu kileveni keno pa no tipa qhemi kini pesü pa kisüghüu lochileni.

IPEKULU 22:12

Ikemu pa launo püka luve aghi aye, pa ye lhoxü mpeu lochileni.

MATTHEW 7:16

Nongu no panoqo xathi vecheo ithi nani. Atsaithi ye asahubo lono xolu cheni keo, moaye koghesahubo lono mubuthi xolu cheni kea?

IPEKULU 22:5

“Milakhi no aluza momu atsailu lo lhoxü pelo mza chuvepe aye, momu paw lhoxü khaqhi phepe kütami luza mza chuvepe aye, pa ye pa ampi luza momu atsailu lo akiviu pesü lochileni.

IPEKULU 22:7

“Tsala milakhi no pisa momu tinhemgha kütsü püaghitsü peniye pa kisüghüu tsü püake lono timi tipau ki lono püka luve tsü, eno aküpkau phuluve aye, pa ye tipa qhemi kini pesü lochileni.