IPEKULU 20:2 - Sumi Naga CL (Re-edited) Bible (BSI)

² “Ni ye Ampeu, khuu Egypt yeghi lo aqüaxe kibo lono nongu saipeghi keno, nongu Lhou huke.

BAIBEL (BSI)

² “Niye AMPEU nongu Lhou ke, Ijip yeghilo nonguno aquaxemi shi achekeu lono ino nongu saipeghike.

IPEKULU 20:2 Referans Kwoze

ZAKINIU 5:6

“‘Ni ye Ampeu, khuu Egypt lo aqüaxe kibo lono nongu saipeghi keno, nongu Lhou huke.

HOSIYA 13:4

Ikemu Egypt yeghi lou no Ni ye Ampeu o Lhou ke; no ye I likhi thono Alhou kütau ithimoe, eno I nguno alau ye xakuluu kütau kühae.

ACHINE 26:13

Ni ye Ampeu khuu nongu pelo aqüaxemi shipe moniye Egypt lono saipeghi keno, nongu Lhou huke. I no now kuokhasü kuboleve tsüno nongu pelo akütsü peqhepe chewulu peke.”

LESHELE 81:10

Ni ye Ampeu nongu Lhou, Egypt yeghi lono nongu saipeghi keu huke. Nongu kichi xükholo, I no tipau shepichhi loji tsüni.

IPEKULU 13:3

Tithiu Moses no timiqo vilo pi, “Ishi tsala lo nongu no Egypt lo aqüaxe ki lono ipeghi keu kümsülu chelo, kughengu au kumto vecheo Ampeu no hipa-a lono nongu saipeghi ke. Kholaqhi sükeu sho chumoni.

ACHINE 19:36

Nongu ye akimghipu süta, ahu, ashoghi, eno abohu achipiu peithani: Ni ye Ampeu khuu Egypt lono nongu saipeghi keno, nongu Lhou huke.

ZAKINIU 7:8

Ikemu Ampeu no nongu kimiye eno no puasüqo lau tushoqhi keu shikupu niye akumto kije lono eno Egypt kükau Pharaoh qüaxe lono nongu xachile luke.

ZAKINIU 5:15

Nongu ye Egypt lo aqüaxemi shi ache kepi kümsü luni, eno Ampeu no Lhou no Pa küka kumto lono nongu saipeghi ke. Tighenguno Ampeu nongu Lhou no Sabbath tsala pelu lopi azah nongu tsü ani.

ACHINE 23:43

tishianguno nongu polo kughukomi pelo I no Egypt lono Israelmi saipeghi kelo panongu ye apusho lo ngope kepi ithi peni: Ni ye Ampeu nongu Lhou ke.”

ZAKINIU 15:15

No ye Egypt lo aqemi shiche kelono Ampeu no xachilelu kepi kümsülu lo, tighenguno ishi tsala lono I no azah hipau tsü anike.

ZAKINIU 13:10

Atu pesü pa veqhive lo, kughengu pa no Ampeu khuu Egypt lo aqüaxe küxü lono nongu saipeghi keno, Pa launo nongu müsü sawuve niye shike.

ACHINE 26:1

“Asü-atu julho, atsükucho momu atu yekütha koghe mlape tipa zülo itsaqi moni, kughengu Ni ye Ampeu nongu Lhou ke.

JEREMIYA 31:33

Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

LESHELE 50:7

“O Iw timiqo, I no pinike inilo; O Israel, I no o shou thopi shini. Ni ye Alhou, o Lhou ke.

Rommi 10:12

Ikehu Jewmi ngo Greekmi dolo kiyeqü keu kühae; kughengu Ampeu atho no kümtsü Mpeu, eno Pa phuighi kemi kümtsü shou kupukuno shi kümghatsü cheni.

Rommi 3:29

Ikeo Alhou ye Jewmi Lhou likhi kea? Pa ye Jewkumomi Lhou ghi ke kumo? Iyei, Jewkumomiw ghi ke,

JEREMIYA 31:1

“Ampeu no sheshu, tipa ghuloki lo I no Israel lagha kümtsü Lhou shive nani, eno panongu no Iw timi shive nani.”

YEKIKITHI AKINIU 28:5

Tighenguno Ampeu no Ahaz pesü Syria kükau u lo süvetsü eno Syria kükau no pa leluve no timi kutomo küghape Damascus lo wuve. Pa ye Israel kükau u lo ilove eno Israel kükau no akumto shi pa theqhive.

IPEKULU 6:6

Tighenguno Israelmi vilo pilo, ‘Ni ye Ampeu, eno I no Egyptmi makho kimshi lono nongu saipeghive nani, eno I no panoqo qüaxe lono nongu xaphe luve nani, I no I u kumto ngo küghakütha kümla kije vecheo nongu qhüchile luve nani.

IPEKULU 15:13

“Nono qhüchilelu keqo Ow iqemokeu kikimiye lono saphe ke; O küka lono Nono O kimthe kungo-a lo panoqo saighie.

IPEKULU 15:16

O Ampeu, Ow timiqo no heche wumoke kutolo, Nono qhüluve keqo no kathasü wulu moke kutolo, akümsa ngo aküighüpu no panoqo shou ikughie; O u kumto ghenguno panongu ye atuqu toi inaqhoivae.

IPEKULU 15:26

ghi pi, “Tsala nongu no amlo tsüqhiyi Ampeu nongu Lhou tsa ini eno Pa nhethe lo kiu no achipi keno tipau shi aye, eno Pa yezah lo nongu mlo tsü eno tipaqo kümtsü pelu aye, I no Egyptmi lau aküsü puwu keqo kiumu nongu lau süghimo nani, kughengu Ni ye Ampeu, nongu shikipiviu ke.”

IPEKULU 20:1

Alhou no atsa hipaqo kümtsü pi,

IPEKULU 29:46

Eno panongu no Ni ye Ampeu panongu Lhou, khuu Egypt yeghi lono panongu saipeghi keno, Pa kepi ithi nani, tishianguno I no panoqo gholo anani. Ni ye Ampeu panongu Lhou ke.

ACHINE 11:45

Ni ye khuu Egypt yeghi lono nongu saipeghi keno, Ampeu nongu Lhou huke. Tighenguno nongu ye akimthe shilo, kughengu Ni ye akimthe ke.”

XAKUTHAMI 2:1

Tipa ghuloki lo Ampeuw kungumi no Gilgal lono Bokhim lo iqho no pi, “I no Egypt lono nongu saipeghi no nongu puasüqo vilo piqhi püakeu yeghi lo sailo, eno pi, ‘I no nongu sasü puloshoqhi shi püakeu khilemu hephomo nani,

ISAIAH 43:3

Kughengu ni ye Ampeu o Lhou, Israel Lhou akimtheu, o Xakuluu ke. I no o xaphe nike Egypt pheve ani; Cush ngo Seba pesü o theli lo tsüve ani.

JEREMIYA 2:6

Panongu ye ishi pimoe, ‘Egypt yeghi lono ningu saipeghi no yenguyi ke-a, asayeqha eno anhepho yeghi lo, züha yeghi eno aküzü kutho khunomu kathamo eno küghüna mokeu yeghi lo ni sawu keu Ampeu khile ani kea?’

JEREMIYA 16:14

“Tighenguno, julo, Ampeu no asheshu, timiqo no, ‘Ampeu xüküau no Egypt yeghi lono Israelmi saipeghi,’ ipi moveni keu tsala cheni,

JEREMIYA 34:13

“Israel Lhou, Ampeu no ishi piani: Ni ampi no Egypt kughuki lono no puasüqo saipeghi kelono panongu sasü puloshoqhi shino pi,

EZEKEL 20:7

I no panoqo vilo pi, ‘Nongu nhethi ghapiqilu chekeu aphikümqhüpu thimeqo nongu lakhikhi no pevelo, eno Egypt lo asü-atu julho vecheo nongu ampi shikitiqe kevilo; Ni ye Ampeu nongu Lhou ke.’

EZEKEL 20:19

Ni ye Ampeu nongu Lhou ke; I khuaye papelo, eno Iw pimheyeqo papeni ke kutokupui lo,

AMUS 2:10

Egypt yeghi lono nongu saipeghi keu hughi I noe eno Amorimi yeghi pesü tsüniye ampe lhobidi asayeqha lo nongu sacheke.

IPEKULU 13:14

Eno hithiu o nu no o vilo, ‘Hi ye kiu kiqi kea?’ ipi ighiju aye, no ye pa vilo pilo, ‘Aküka kumto lono Ampeu no Egypt lo aqüaxe küxü lono ningu saipeghi ke.

ACHINE 25:38

Ni ye Ampeu khuu Canaan yeghi pesü nongu tsüno nongu Lhou shinike Egypt lono nongu saipeghi keno, nongu Lhou huke.

ACHINE 25:42

Kughengu panongu ye I qemi, I no Egypt lono saipeghi ke; panongu ye aqüaxe shi jeve moni.

ACHINE 25:55

Kughengu Israelmi ye I lau likhi aqemi ke. I no Egypt lono panoqo saipeghi ke: Ni ye Ampeu nongu Lhou ke.

ZAKINIU 20:1

“Nongu no aghü küpüghü wukelo, now khurshi ngo khurkulu eno ghüshimi nguno alau ithulu namu msa kevilo, kughengu Ampeu khuu Egypt lono nongu xaphelu keno nongu Lhou no nongu gholo anani.

XAKUTHAMI 6:10

I no nongu vilo pike, ‘Ni ye Ampeu nongu Lhou, tighenguno nongu ye Amorimi khuno yeghi lo itehi nongu no küghüna ani keno tipaqo lhou mlla kevilo.’ Ikemu nongu no I gholu move.”

KUKAMI ATUGHIU 18:39

Kughou timiqo no ti ithulu keno, panongu no agi pishiqhope ayeghi lo ikiqi no pi, “Ampeu ye Alhou; Ampeu ye Alhoue,”

KUKAMI AKINIU 17:7

Hipaqo shikeu ye Israelmi no Ampeu pano Lhou, khuu no Egypt yeghi lo Pharaoh u lono panongu sasü ipeghi keno, Pa zülo axine shive no alhou kütauqo mllauve,

KUKAMI AKINIU 17:12

Panongu no, “Nongu ye hi shimoni” ipi Ampeu no pikeu mllauve.

LESHELE 81:7

Aghime küsa lo nongu no I ku, eno I no nongu xaphe; Pasapagha-a lono I no nongu khochile; Meribah züpuki lo I no nongu ghükeju ke.

LESHELE 81:11

“Ikemu Iw timiqo no I tsa initsü moe; Israel no I lau qhoqhü ighimoe.

EZEKEL 20:5

eno pilo, Ampeu Alhou no ishi piani: I no Israel kishelu ke tsalani, Egypt yeghi lono I no panoqo lau pephe piye no ithilupe eno I no Jacob kibolomi tikughukoqo vilo pi; I no panoqo lau tushoqhi no pi, Ni ye Ampeu nongu Lhou ke.

HOSIYA 12:10

I no tungkupmi pütsa ke; kungunhetsü alau kighishetsü keu huye I no ke, eno tungkupmi vecheo kimghikipiye tsüke.