IPEKULU 19:5 - Sumi Naga CL (Re-edited) Bible (BSI)

⁵ Tighenguno itehi, nongu no mtsüqheino I tsa gholu eno Iw puloshoqhi pape aye, nongu ye ayeghi lo timiqo kümtsü dolo Iw akughupu mheghi shi nani, kughengu ayeghiqha kümtsü Iw ke;

BAIBEL (BSI)

⁵ Ike itehiye nonguno igholu eno iwu puloshoqhi pelu aye nonguye iwu timiqo shi nani. Ayeqhiqha kuchopu iwu ke ikemu nonguye iwu kishe kiphemi shi nani,

IPEKULU 19:5 Referans Kwoze

ZAKINIU 14:2

Kughengu nongu ye Ampeu Alhou lau akimthemi, Pa no ayeghi lo ashiaye kümtsü gholono Paw timi shipenike nongu kishelue.

ZAKINIU 7:6

“Kughengu nongu ye Ampeu nongu Lhou lau akimthemi ke. Ampeu nongu Lhou no ayeghi lo ashiaye kümtsü gholono Paw akughupu mheghi shou ampi shipenike nongu kishelue.

ZAKINIU 26:18

Eno ishi tsala lono Ampeu no piqhike toi nongu ye Paw akughupu mheghi kepi shuphevae, eno Pa zakütsü kümtsü pelu lo pivae.

MALAKI 3:17

“I no kughou panongu pesü Iw akughupu mheghi shiluveni keno tipau tsala lono panongu ye Iw shive nani, aqokitikhi Mpeu no pi, eno apu lakhino anu khuu pa qe cheni keno pa kimiye ketoi I no panoqo kimiye nani.

IPEKULU 15:26

ghi pi, “Tsala nongu no amlo tsüqhiyi Ampeu nongu Lhou tsa ini eno Pa nhethe lo kiu no achipi keno tipau shi aye, eno Pa yezah lo nongu mlo tsü eno tipaqo kümtsü pelu aye, I no Egyptmi lau aküsü puwu keqo kiumu nongu lau süghimo nani, kughengu Ni ye Ampeu, nongu shikipiviu ke.”

LESHELE 135:4

Kughengu Ampeu no Pa salashi Jacob kisheluke, Israel pesü Pa mheghi shike.

ZAKINIU 4:20

Ikemu Ampeu no Pa mheghi shiniye Egypt lo ayi miphoki lono nongu saipeghi no ishi ye nongu ye Paw timi shi anie.

IPEKULU 23:22

“Ikemu nongu no kutokupui pa tsa ini aye eno I no pikeu kümtsü shi aye, I no nongu ghümiw aghümi shi nani, eno nongu mjochile chekemi mjochile nani.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

ZAKINIU 10:14

Julo, kungugha eno kungugha akiqheu kutolo eno ayeghi eno tile akeu jeli ghi Ampeuw ke.

IPEKULU 9:29

Moses no pa vilo pi, “I no mishighüna lono ipeve kemtsa, Ampeu lau I u peqheni. Pasapagha ye kishekhave nani, eno mürasü kühave nani, tishikeu lono ayeghi ye Ampeuw kepi nono ithi nani.

LESHELE 24:1

Ayeghi eno tipau lo akeu kümtsü Ampeuw ke, ayeghiqha eno tile küxümi ghi Paw ke,

1 Kor. 10:26

Kughengu “Ayeghi eno tile akeu kümtsü Ampeuw ke.”

JOB 41:11

Khuu no kiu I tsüe pi I no pa tsüchile masa kepu ani kea? Kiu kiumu atsütsü qhakuchho qholo aghikeu ye Iw ke.

ZAKINIU 5:2

Ampeu ni Lhou no Horeb lono ningu sasü puloshoqhi shie.

IBRIMI 11:8

Aküpülü lono Abraham ye hithiu pa mheghi shiniye akeu yeghi lo Alhou no wu peniye kukelo agholue. Pa ye khila wucheni keno mtha keghi aghokulu shi wuve.

ISAIAH 43:1

Ikemu itehi ye Ampeu no ishi piani, Pa no o lhoke, O Jacob, Pa no o koghe mla tsüe, O Israel: “Msa kevilo, kughengu I no o xaphe luvae; I no o je ku ghi o kuluvae, no ye Iw.

ISAIAH 41:8

Ikemu no, Israel I qeu, Jacob, khuu I no kishelu keno, Abraham polokiqi, no ye I poshuu ke.

LESHELE 25:10

Ampeuw puloshoqhi eno Pa shepe papelu kemi laghi ye iqemokeu kikimiye eno pükhükulu ke.

SAMUEL ATUGHIU 15:22

Ikemu Samuel no pi, “Ampeu ye Pa tsa gholu keu lo alokiqi kije aketoi akipti kümllagho eno aghakishi lo Pa züküvü acheni keshea? Julo, agholu keu no aghakishi nguno akiviue, eno Pa tsa ini keu no ambe tha nguno akiviue.

JOSHUA 24:24

Timiqo no Joshua vilo pi, “Ampeu ni Lhou ningu no qeni, eno Pa zakütsüqo nino gholuni.”

ISAIAH 1:19

Nongu no pulo eno agholu aye ayeghi lo thime kivi chulu nani;

KUKAMI ATUGHIU 8:53

Kughengu Nono ayeghi lo ashiaye kümtsü gholono Ow timi shinike panongu kishelue, ti ye Nono O qeu Moses vecheo Egypt lono ni puasüqo saipeghi kelono pi püanie, O Ampeu Alhou.”

ZAKINIU 28:1

“Nongu no Ampeu nongu Lhou gholu eno ishi tsala lo I no azah nongu tsü akeu kümtsü tsaqüi pelu aye, Pa no ayeghi lo shiye akeqo kümtsü nguno akiqheu lo nongu süqhe nani.

ISAIAH 56:4

Kughengu Ampeu no ishi piani: “Shokomi khuu no Iw Sabbath ikhilu cheni, I pulou kümla shi cheni eno Iw puloshoqhi mtotoi pecheni keno,

IPEKULU 24:7

Tithiu pa no Puloshoqhi kaku ikhilu no timiqo pelo chilupe ghi phisü. Eno panongu no pi, “Ampeu no piqhive keu kümtsü ningu no shini, eno nino aghokulu shini.”

JEREMIYA 7:23

Ikemu azakütsü hipau I no panongu tsüe: ‘I sütsa gholulo, tishiaye I no nongu Lhou shinani, eno nongu no Iw timi shinani. I no nongu azah tsükeu la lo chechelo, tishiaye nongu kivipu shinani.’

ZAKINIU 11:27

ishi tsala lo I no tsü akeu Ampeu nongu Lhou zakütsü nongu no pelu aye kükümghae,

1 Kor. 10:28

Ikemu khuana no o vilo “Hi ye ajulho mllave keue,” ipi aye, khuu no o vilo pi keno, pa ghenguno eno kiviküsa lotsü ghenguno chu kevilo—

ZAKINIU 14:21

“Pakutoshi no thive keu lhoxü thaqhü ye chumoni. Tipaqo ye kachenami no gholo xüakemi no chuvepe, momu inaghami vilo jevelo. Kughengu nongu ye Ampeu nongu Lhouw akimthe timiqo ke. “Aneti shi pesü aza kichhizü lono lho kevilo.”

JEREMIYA 10:16

Khuu no Jacob Lhou keno Pa ye hipaqo toi moe, kughengu Pa no thime kümtsü kughulho ke, Israel shiaye ye Pa mheghi ke; aqokitikhi MPEU no Pa jeke.

ALE KIMCHI 8:12

O Solomon, nono 1,000 lu aghiluvi, eno akhemi no pano saje 200 ithuluvi; ikemu I likhi Iw, I tsailu huye I zülo anie.

IBRIMI 8:9

ti ye pano puasü no Egypt yeghi lo akelo I no au no sünhe saipeke tsalani no panoqo sasü puloshoqhi shikeu toimo nani. Kughengu panongu no Iw puloshoqhi pulo move kehu I no panongu jukuto moveke, ipi Ampeu no sheshu.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

BOTHUBO 17:9

Alhou no Abraham vilo pi, “No eno o thiu o tikughukomi tiqheli no tiqheli kutolo Iw puloshoqhi papelo.

IPEKULU 6:7

Iw timi shinike I no nongu ikhiluve nani, eno I no nongu Lhou shive nani, eno nongu no Ni ye Ampeu nongu Lhou, Egyptmi makho kimshi lono nongu saipeghi keu kepi Ni ithi nani.

IPEKULU 8:22

Ikemu tipa tsalani, I no Goshen yeghi, khile Iw timi küghüna ani keno, tipa-a ye pakütashi qhive nani, tishianguno amiyi loji ye tilau ighimo nani, ti ye nongu pelo ayeghi kümtsü shou Ampeu ye Ni kepi ithi peniye ke.

ZAKINIU 28:9

Nongu no Ampeu nongu Lhou zakütsü gholu eno Pa pulou lo cheche aye, Pa no tushoqhi ketoi nongu pesü Pa kimthe timiqo shinani.

YEKIKITHI ATUGHIU 17:22

Tishino Nono Israelmi pesü alholo Ow timi shivepe, eno Nono panongu Lhou shike, O Ampeu.

EZEKEL 16:8

“Kughou I no itaghi o kathawu no o ju ithulu keno, julo, no ye küzüvü kepu do tove aghi, eno I no I kuuphi pesü o phikümsa nhatsüe; I no o lau tushoqhi no o sasü puloshoqhi shie, Ampeu no asheshu, eno no ye Iw shiveke.

AMUS 3:2

“Ayeghi lo ashiaye kümtsü dolo Ni ye nongu likhi ithie; tighenguno no xine ghenguno I no nongu ghime nani.

AMUS 6:1

“Zion lo akuchhoma shi akemi, eno khunono Samaria naghuto lo ililai ani keno, shiye dolo ajekipimi atüghümi, khunoqo lau Israelmi no wu acheni keno ahasapue!

IPEKULU 34:9

Pa no pi, “Itehi O nhethe lo I kimiyeqhiyi ithulu aghi aye, O Ampeu, kimiyeno Ampeu no ningu gholo wu tsülo, kughengu hipaqo ye kuthovi kemie, ningu hekibide eno axine qhitsülo, eno O mheghi shi ningu ikhilu tsülo.”

ACHINE 20:24

Ikemu I no nongu vilo pivae, ‘I no nongu mheghi shi akichhizü ngo akhingozü qowu akeu yeghi hipau pesü nongu tsüni.’ Ni ye Ampeu khuu ashiayeqo launo nongu kishe kütüta shitsü keno, nongu Lhou huke.

ZAKINIU 9:29

Kughengu hipaqo ye Ow timi eno O mheghi, O küka kumto lono saipeghi keqo ke.’

ZAKINIU 26:19

Pa no lhokeu shiye kümtsü nguno akiqheu shi shekiqhe, ajuaje, eno agigihupu lo nongu süqhe nani, eno Pa no piqhike toi nongu ye Ampeu nongu Lhou zülo akimthe timi shinani.”

JOB 41:3

Pa ye o qhüiniju ananio? Pa ye mtshaminhei keu tsa pesü o pütsa nani keshea?

JEREMIYA 13:11

Chighichephi pesü timi polo khapu ketoi, I no Israel ngo Judah kibo kuchopu pesü I khada peke, ipi Ampeu no asheshu, tishianguno panongu pelo Iw timi shilu, I jeku, shekiqhe eno agigihu tsü peniye ke, ikemu panongu no initsü moe.