IPEKULU 19:19 - Sumi Naga CL (Re-edited) Bible (BSI)

¹⁹ Eno afuko ghügha no alau eno alau kije shi ighauve kelo Moses no atsa pi, eno Ampeu no tsütsüküsü lono pa khochile.

BAIBEL (BSI)

¹⁹ Afuko ghughaye alau alau shikitheve, Muse no putsa keulo Alhou no tsutsukusu lono pa khochile.

IPEKULU 19:19 Referans Kwoze

LESHELE 81:7

Aghime küsa lo nongu no I ku, eno I no nongu xaphe; Pasapagha-a lono I no nongu khochile; Meribah züpuki lo I no nongu ghükeju ke.

IPEKULU 19:16

Atsala aküthüni inaqhe tilehi tsütsüküsü ngo tsütsüpha ighi eno khüngküsü kutho no naghuto lo ikughive eno afuko ghügha ighono kije küigha, ikehu aghazü lo timi akeqo kümtsü no khokho shive.

IBRIMI 12:21

Ti ye shishe aküighüpu kehu Moses no pi, “Ni ye akümsa no khokho shive.”

NEHEMIA 9:13

Nono Sinai Toghi shou iqighi no atsütsü lono panongu pütsa eno achipiu ngo kuchou khuaye, akivi eno azakütsü pesü panongu tsüe.

IPEKULU 19:13

Khunomu pa bumoni, ikemu pa ye atu no veqhi pithiveni momu shexilika pesü kaqhiveni; timi shi aghina lhoxü shi aghi namu xümo nani.’ Kughou afuko sütsa kushuo küighani keno panongu no naghuto lo iqhoghini.”

IBRIMI 12:19

eno afuko ghügha ngo asütsa khikhi chikulumi no pano pütsa pemoni ke qhüiniju keno ti chilu mphie.

ZAKINIU 4:36

Pa no nongu ghasüni ke kungugha lono Pa sütsa nongu pelo chilupe. Ayeghi lono nongu pelo Paw miküqü kije ithulupe, eno nongu no ami lono Pa sütsa chilue.

AKIKIHI 12:8

Ni ye aholeu no kumono pa sasü agi no agi thepe küptsa cheni, eno pa no mtsümishei I koghe ithulu cheni. Imaye kishino nokujo ye I qeu Moses shou lakichile tsa pini keu msa move kea?”

ZAKINIU 5:22

“Atsa hipaqo ye nongu no naghuto lo kumqo akelono kütau kiumu süküqha mono Ampeu no ami, khüngküsü eno aküzü kutho lono asütsa kuloghi shi pike. Eno Pa no atupha kini shou tipaqo yepuku no I tsüe.