IPEKULU 18:21 - Sumi Naga CL (Re-edited) Bible (BSI)

²¹ Tinguno alau, timiqo dolo shitsami, khunono Alhou sümsa cheni, pükhübekulu eno külügho mithi cheni keno titoi keqo phujulo, eno titoi keqo pelo qhethonhe shou, aqhe shou, lhopungu shou eno chighi shou atou shipelo.

BAIBEL (BSI)

²¹ Ikemu tinguno alauno, pilu shilukemi khami kishelu puzu timiqo sakiphemi shipenike susu kepue: 1000 sakiphemi, 100 sakiphemi, lhopungu sakiphemi eno chighi sakiphemi ishi. Panonguye Alhou sukumsami, pukhubekulumi eno tuqhouno kulugho chumo kemi shimasake.

IPEKULU 18:21 Referans Kwoze

Apostolmi 6:3

Tighenguno athiküzümiqo, nongu gholo timi tsüni khunoqo ajuaje kivi ani eno Aghungu ngo alokütsü no chhitoi ani keno kishephe lo, nino panongu pesü hipau kümla lo süsüni.

EZEKEL 18:8

akighishe lono pünamo momu ala kiumu lumo, achipikumo lono pa u süchile luve, timi dolo kuchou xakütha shitsü,

SAMUEL AKINIU 23:3

Israel Lhou no piqhivae; Israel Tuqu no I vilo pivae: Kughou milakhi no achipiu lono, Alhou sümsa ghi ayepeni keno,

1 Tim. 3:3

shokümzümi shimoni, mtomshu kemi shimoni, ikemu ivünhei masa, eno pisa kimnemi shimoni.

ZEKHARIA 8:16

Nongu no thime hipaqo shilo: Lakhino lakhi lau kuchou tsa pilo; now khagho lo xakütha kiu no achipi keno tsülo eno külakishi ghenguno mlalo;

ZEKHARIA 7:9

“Aqokitikhi Mpeu no hitoi piani, Kuchou xakütha tsülo, lakhino lakhi lau kimiyeqhiyi keu eno küpükini piyelo,

EZEKEL 22:12

Nongu dolo panongu no aji peleni ye külügho luke; nongu no akighishe eno ala lue, eno akisüghüu launo kichiqhi süxachu keu lono ala shilue; ikemu nongu no I kümsümave kepi Ampeu Alhou no asheshu.

JEREMIYA 5:1

Jerusalem laghila lo poipe poilo tsaqüi jukuto julo! Achipiu shi eno kuchou phuche kemi lakhimu phuluni mala liw kobidi-a lo phujulo, tishi aye I no li kipimi qhive tsüni.

YETSAPIU 12:13

Avehu kümtsü chiluve kethiu ashekha lo hi ani: Alhou msa lo eno Pa zakütsüqo pelulo, kughengu hi no timi kümtsü kümlapu ke.

AHOLE 28:2

Shiye lakhi no hebide thuve aye yepemi kutomo shive cheni, ikemu vethakulumi kighithimi no mtotoi ado kushuo ayepelu nani.

LESHELE 15:5

khunono akighishe lono paw pisa püna chemo eno pimihami lau külügho luchemo keno; hitoi shiche kemi ye khilemu süküghüthave mla nani.

JOB 31:13

“I qepumi eno I qelimi no I lau muchho ighi kelo I no pano vehupu milive püaghi aye,

JOB 29:16

Ni ye kumlhomi papu, ni mtha kemi ghenguno mu puthugho tsünike I no phuche.

NEHEMIA 7:2

I no I thiküzüu Hanani ngo akighiki lo angh Hananiah pama pelo Jerusalem lo ayepe penike bemakho tsüve, kughengu pama ye kütami nguno Alhou sükümsami ke.

NEHEMIA 5:9

Ikehu I no pi, “Nongu no kiu shi ani keno küqü ani. Ni ghümi no ni thaigha pemoni ke nongu ye ni Lhou sükümsa lono chekepue.

SAMUEL ATUGHIU 8:3

Ikemu pa nuli ye pa laghi lo chemove no ala shinikeu laghi lo wuve. Panongu no külügho lu eno kuchou xakütha tuchighive tsü.

IPEKULU 18:25

Moses no Israelmi dolono shitsami kishe eno panoqo pesü timiqo shou, qhethonhe shou, aqhe shou, lhopungu shou eno chighi shou atou shipe.

BOTHUBO 22:12

Pa no pi, “O nu shou o u be kevilo momu pa lau kiumu shi kevilo, kughengu nono I launo o nu lakhi likhi akeu süchile move keu ithulu kelo no ye Alhou sümsa chenie pi itehi ye I no ithivae.”

Apostolmi 20:33

Ni ye khuuw ameshoyi, ghükayi, aphimini mu mine püamoe.

ISAIAH 59:4

Khunomu atsa kükügha lo achipiu lono wu chemoe, khunomu yepemi lau amikucho lono wu chemoe, panongu ye adou tsa shou pükhüpe acheni eno akimki tsa pi cheni, panongu no mqümgha shi cheni eno tileno shikipimi iqiphe cheni.

ISAIAH 33:15

Khuu no amikucho la lo cheghi eno athotsa picheghini keno, khuu no süxa pesü ala shini keu milive cheni keno, khuu no külügho luve nosa kehu au kukhu qhive cheni keno, khuu no aji peleni keu kukughu ini tsümoni eno alhoksa lono pa nhethi miyi luveni keno,

BOTHUBO 42:18

Atsala aküthüni Joseph no panoqo vilo pi, “Hi shilo eno nongu ye xülu nani, kughengu ni ye Alhou sümsa chenie:

Luke 18:4

Ado hami ghenguno pa ye milive ae, ikemu asheshi no pa mlouno kümsü, ‘Ni ye Alhou mu msa chemo eno timiu ghi gihu chemoe,

Luke 18:2

“Mishighüna lakhi lo Alhou mu msamo eno timiu ghi gihumo keu küghaküthau lakhi ache.

ISAIAH 16:5

tileno iqemokeu kikimiye lono kükalakhü shosü tsü nani eno David laghami no ayepe nani, pa ye achipiu phu no xatha kemi, amikucho shinike khelho nani.”

KUKAMI ATUGHIU 18:12

I no o launo wuve kemtsa Ampeu Ghungu no o khapesü I no mthake-a lo wuve nani. Ikehu ni o qeu ye I lhothe lono Ampeu sümsa ighive akemu, I no Ahab vilo ti pive no pa no o phumlave aye, pa ye I pithive niae.

KUKAMI ATUGHIU 18:3

Ahab no kükaki jukükütsüu Obadiah ku. (Obadiah ye shishe Ampeu sümsa che,

SAMUEL ATUGHIU 8:12

Pa no qhethonhe zatsüu, lhopungu zatsüu, eno pa yeghi hokideni kemi, paw ghile kuhumi, pa ghüshi nanuqo mlani kemi, eno paw khurkuluqo ghenguno tinhemgha mlani kemi süsü nani.

JOSHUA 22:14

Phinehas gholo ashiaye lo timi lakhikhi kishepe sakiphemi chighi puwu.

AKIKIHI 10:4

Ikemu afuko lakhi likhi küigha aye, atomi, alagha lo akütsüqo likhino o zülo kumqoni.

BOTHUBO 47:6

Egypt yeghi ye o zülo ani. O pu eno o thiküzümi pelo ayeghi akiviu lo ngove pelo. Panoqo pelo Goshen yeghi lo ngove pelo, eno tsala panoqo dolo shitsami aghi aye, I tsü-aqu jukuto kepushi panoqo süsülo.”

AKIKIHI 1:4

Eno pütüta shiaye lo alimi sakipheu milakhi kishepe no nokujo kuphuni.

AKIKIHI 1:16

Hipaqo ye aqoaho lono kishephelu keu, apuasü lagha lo atomi, Israel limi dolo akütsü ke.

ZAKINIU 22:18

Tileno aphughi lo sakiphemi no timi tipau ghaqhini,

EZRA 7:25

“Eno no, Ezra ye o Lhou lokütsü o lolo akeu kiqi lono yepemi eno xaküthami süküsü shino panoqo pelo Aghoki Kukuu phughi lo timiqow xaküthami shipelo, ti ye o Lhou yezah ithi akemi. Eno panongu no ithi aghimo aye nono shikani.

JOB 1:1

Khaghi Uz yeghi lo timi lakhi Job ipikeu ache, pa ye tukutiye kühano müzüchoi kemi, Alhou sükümsami eno alhoksa lono tsüghüve chekemi.

LESHELE 15:1

O Ampeu, khuu no O phiki lo ngoluni kea? Khuu no O kimthe toghi lo küghüna luni kea?

IPEKULU 17:9

Ikehu Moses no Joshua vilo pi, “Ningu ghenguno timiqo kishephe lo, eno wuno Amalekmi sasü aghü shilo. Thoghiu I no I u lo Alhou küsü pesü atoghi kütsüqa lo puthughoni.”

SAMUEL AKINIU 18:1

Tithiu David no pa gholo timi akemi hekumqo no panoqo dolo qhethonhe eno aqhe shou zatsüu qhive.