IPEKULU 17:14 - Sumi Naga CL (Re-edited) Bible (BSI)

¹⁴ Tithiu Ampeu no Moses vilo pi, “Kümsümamo kepu shi hipau kaku lo yepe qhilo, ti ye atsütsü qholo Amalekmi kümsümave penike I no qhoi pühave tsü nanie pi Joshua kini lo hipau pisü tsülo.”

BAIBEL (BSI)

¹⁴ Tile AMPEU no Muse vilo pi, “Tokulu ghili hipau abo akeshi yepe qhilo, tishianguno tipau kumsulu penike. Ino Amalikmi qhoi kutsave nani kepi Joshua vilo pilo.”

IPEKULU 17:14 Referans Kwoze

IPEKULU 34:27

Ampeu no Moses vilo pi, “Atsa hipaqo yelo, kughengu hipau kiqi lono I no o sasü eno Israelmi sasü puloshoqhi shivae.”

SAMUEL ATUGHIU 30:17

David no kijiliu no huthusü thoghiu avela kutolo panongu sasü aghüshi, apumi 400 khunoqo sayeshi lo ikuno pove keno tinguno alau ye lakhimu poka mlae.

SAMUEL ATUGHIU 30:1

Kughou David ngo paw timiqo no aküthüni Ziklag lo ighi keno, Amalekmi no Ziklag eno apeu yeghi leighi aghi. Panongu no Ziklag leluve no pitileve tsü aghi,

SAMUEL AKINIU 8:12

ti ye Edom, Moab, Ammonmi, Philistiami, Amalek eno Zobah kükau Rehob nu Hadadezer launo leluve keqo.

AKIKIHI 24:20

Tishino pa no Amalekmi küdau juno tungkuptsa hitoi pi, “Amalek ye shiyeqo dolo atüghüu, ikemu kütsakungo keu no pa shekuho shinani.”

JOB 18:17

Pa ghili ye ayeghi lono hauvae, alaghila lo pa juaje küha niae.

IPEKULU 24:4

Moses no Ampeu tsa kümtsü yekütsüpe qhive. Pa no inaqhe itheno ithu no naghuto pukhu philo akümlla-khache shiqhe eno Israel shiaye chighikini kiqi lono atsükucho chighikini ghope qhi.

IPEKULU 13:9

O u lo eno o kishe lo hipau no amchipu eno kümsümamo keu shi qhilo, tishianguno o kichi lo Ampeu yezah apenie. Kughengu Ampeu no au kumto pesü no Egypt lono o saipeghi ke.

IPEKULU 12:14

“Hipa tsala ye nongu ghenguno kümsümamo keu tsala lakhi shi nani, eno Ampeu lau tiqhetini lakhi shi nongu no hipau pechelo, tiqheli kümtsü lo ayezah lakhi shi nongu no hipau tiqhetini peni.

AHOLE 10:7

Amikuchomi no kümsükulu akeu ye kükümgha ke, ikemu kixikilami je ye pai hauve cheni.

LESHELE 9:6

Aghümi ye pülhapuju kütsave keu lono kishekhavae; panow mishighünaqo ye nhüvae; pano kümsülu kepu ye pühavae.

JOB 19:23

“O I tsa yepe qhilu keaye lae! Kaku lo tipaqo yesülu keaye lae!

EZRA 9:14

imaye ningu ye itaghi O zakütsüqo hexave no timi khunoqo no aphikümqhüpu hipaqo pape cheni keno tipaqo sasü kütshükungo külauni keshea? Nono ni kütsave no ghükulumi momu pokaluni kemi kühave pemoke kutolo No ye ni jupe axuide moni keshea?

YEKIKITHI ATUGHIU 4:43

Panongu no Amalekmi khunoqo itshüsü pove no ghülu keno, tilau aghi keqo theqhive, eno ishi kutolo panongu ye tile xü achephi.

SAMUEL AKINIU 1:1

Saul thive kethiu David no Amalekmi ghiqhive no ideighi kelo, David ye atsala kini Ziklag lo ngove.

SAMUEL ATUGHIU 15:18

Ampeu no akümlapu lakhi lo o puwu no pi, ‘Wulo, Amalekmi axinemi kütsave lo, eno püha khamoke kutolo aghü shilo.’

JOSHUA 4:7

nongu no panongu vilo Ampeu Puloshoqhi Bohu zülo, kishi Jordan ghoki no qowu move keno pilo. Kughou ti huno Jordan ghoki katha keno, Jordan züghi no kotha kütüta shive. Tighenguno atu hipaqo no alholo kümsüchile kepu michike.”

ZAKINIU 31:9

Tithiu Moses no Ayezah hipau yepe Ampeuw Puloshoqhi bohu kipemi Levimi ngo Israel sakiphemi tsüve.

AKIKIHI 33:2

Ampeu zakütsü lono amqo kiqi lono apasü shi Moses no hukuthu-a lono yepüatsü ani.

IPEKULU 17:13

Joshua no Amalek ngo paw timi azütakikihi pe akeqo shou toluve.

IPEKULU 32:33

Ikemu Ampeu no Moses vilo pi, “Khunoqo no I lau axine shive akeno, I no Iw kaku lono nuxaveni.

JEREMIYA 36:2

“Liküküzü kaku lakhi pesü I no Josiah ghuloki lono ishi kutolo Israel ngo Judah eno shiye kümtsü küla keu tsa o vilo pive keu kümtsü yepe qhilo.

YEKIKITHI ATUGHIU 4:42

Simeon laghami dolo pano aqhe pungua ye Ishi nuli Pelatiah, Neariah, Rephaiah, eno Uzziel, noqow sakiphe qholono kipelau Seir Naghuto lo wuve.

JEREMIYA 30:2

“Ampeu, Israel Lhou no ishi piani: I no o vilo pive keu tsa kümtsü kaku lakhi lo yelo.